फ्लोरिनीको गोलमा लाजियो विजय

रोमानो फ्लोरिनीको डेब्यु सिरी ए गोलको मदतले लाजियोले मंगलबार ससुलोलाई ६–२ ले पराजित गरेको छ र यो जितपछि अंक तालिकाको शीर्ष स्थानमा उक्लेको छ । फ्लोरिनी इटालीका तानाशाह बेनिटो मुसोलिनीका पनाति हुन् र अहिले चर्चामा रहेका खेलाडी हुन् ।

सिरी ए मा फ्लोरिनीको यो पहिलो गोल पनि हो । ससुलो खेलको अन्त्यमा दस खेलाडीमा सीमित रहेको थियो । क्रिस्टियन थ्रोस्भेट्ड रातो कार्डमा मैदान छाडेपछि एक घण्टा भन्दा बढी समय एक खेलाडी कमको स्थितिमा खेलेको थियो ।

लाजियो नौ खेलबाट २५ अंकमा पहिलो स्थानमा छ । इन्टर मिलान २२ अंकमा दोस्रो स्थानमा रहेको छ । अन्य खेलमा एएस रोमाले कागलिरीलाई ४–२ र कोमोले टुरिनोलाई ३–१ ले हरायो । त्यस नतिजापछि रोमा २१ र कोमो २० अंकमा क्रमशः तेस्रो र चौथोमा छन् ।