पीएसजीको लगातार दोस्रो बराबरी

पेरिस सेन्ट जर्मेन (पीएसजी) ले फ्रान्सेली लिग वानमा शुक्रबार लिललाई २–२ को बराबरीका रोकेको छ । पीएसजीको यो लगातार दोस्रो बराबरी हो र यससँगै डिफेन्डिङ च्याम्पियन दुई अंकमै सीमित रह्यो ।

पीएसजीको दुवै गोल दोस्रो हाफको अन्त्यमा सम्भव भएको थियो । लिलले हाकोन हाराल्डसन र डिलाने बाक्वाको गोलमा बलियो सुरुआत लिएको थियो । भिटिन्हाले पीएसजीका लागि पहिलो गोल फर्काएपछि मारक्विन्होसले दोस्रो गोल थपे ।

सुरुआती अंक तालिकामा पीएसजी छैटौं स्थानमा रह्यो । लिल भने दुई खेलबाट चार अंकसहित शीर्ष स्थानमा उक्लेको छ । लगातार दोस्रो खेलमा पीएसजीले दुई गोलले पछाडि रहेको स्थितिबाट बराबरीको नतिजा निकालेको हो ।