कोमोसँग युनाइटेडको बिसर्नलायक हार

म्यानचेस्टर युनाइटेडले युरोपेली च्याम्पियन्स लिगमा बुधबार कोमोको हातबाट ४–१ को त्यस्तो हार बेहोरको छ, जसले प्रशिक्षक माइकल क्यारेक मात्र होइन्, पूरा क्लब नै चर्को दबाबमा पारेको छ । प्रतियोगितामा डेब्यु गरिरहेको सेस फाब्रिगासको कोमोका लागि निको पाजले दुई गोल गरे ।

यस्तै टासोस डोभिकास र ज्याबो रामोनले पनि एक एक गोल गरे । युनाइटेडका लागि जोसुआ जिरकिजले एक गोल फर्काए पनि त्यसको अर्थ रहेन् । युनाइटेड पछिल्ला सात खेलमा जितविहीन रहेको छ । युनाइटेडको पछिल्ला ४० वर्ष नयाँ सिजनमा सबैभन्दा खराव सुरुआत हो ।  

अन्य खेलमा डेक्लेन राइसको गोलको मदतले आर्सनलले भने बायर्न म्युनिकलाई २–२ को बराबरीमा रोक्यो । म्युनिकमा इबेरची इजीको गोलले आर्सनलले अग्रता लिएपछि अल्फोन्सो डाभिससले बायर्नका लागि बराबरी गोल गरे । त्यससपछि ह्यारी केनले पेनाल्टीबाट गोल गर्दै बायर्नलाई अग्रता दिलाए ।

यो सिजन लयमा रहेका केनको यो दसौं व्यक्तिगत गोल हो । रियल म्याड्रिड भने आरबी लाइपजिगमाथि ४–१ ले विजयी रह्यो । जोसे मोउरिन्होको रियल बर्नाबाउमा प्राप्त गरेको सहज जितमा एक गोल किलियन एमबापेको पनि रह्यो ।

यससँग यो सिजन उनले सबै प्रतियोगितामा गरेको गोल संख्या १२ पुगेको छ । अन्य खेलमा गालातासारेले लिललाई ४–२, एस्टन भिल्लाले भाइकिङलाई ३–१, क्लब ब्रुगले लेन्सलाई ३–०, इन्टरले साख्तर डोनेस्कलाई १–०, रियल बेटिसले फायनउडलाई १–० र एलएएसकेले स्पोर्टिङ लिस्वनलाई ३–२ ले हरायो ।