बार्सिलोनाको जितमा चम्के राफिन्हा र यामल

बार्सिलोनाले स्पेनी ला लिगामा सोमबार लगातार तेस्रो जित निकाल्ने क्रममा रायो भालेकानोलाई रोमाञ्चक खेलमा ५–२ ले हराएको छ । यससँगै क्याटलान क्लबको आफ्नो शतप्रतिशत सुरुआत कायम रह्यो । लिगमा यस्तै सुरुआत लिन सफल एक मात्र अर्को क्लब रियल म्याड्रिड रहेको छ ।

दुवै टिम सुरुआती तीन खेल जित्न दुई टिम रहेका छन् र उनीहरू शीर्ष दुई स्थानमा छन् । यसले उपाधि होडका लागि यिनै दुई टिमबीच प्रतिस्पर्धा चल्ने तय जस्तै देखिएको छ । बार्सिलोनाको अहिलेको जितमा राफिन्हा र लामिन यामलले दुई दुई गोल गरे ।

राफिन्होले १९ र १७ औं मिनेटमा गोल गरे भने यामलले २१ र ९० औं मिनेटमा गोल थपे । अर्को गोल भने फ्लोरिन लेजेनेको नाममा आत्मघाती रह्यो । भालेकानोको दुई गोल भने सर्जिओ कमेलोले गरे ।