एटलेटिकोको उत्कृष्ट सुरुआत कायम

जुलियन एल्भारेजको सम्भावित स्थानान्तरको तनावलाई ओझेलमा पार्दै एटलेटिको म्याड्रिडले स्पेनी ला लिगामा आफ्नो उत्कृष्ट सुरुआतलाई शनिबार कायम राखेको छ र यसक्रममा सेभियालाई सजिलै ३–१ ले पराजित  गरेको छ ।  

यो जितपछि तीन खेलबाट सात अंक भएको छ र एटलेटिको सुरुआती अंक तालिकाको पहिलो स्थानमा रह्यो । उसका लागि पहिलो हाफमा एलेक्स बाएनाले दुई गोल गरे । एडेमोला लुकमनले पनि एक गोल थपे ।सेभियाका लागि म्यागुएल सिएराले दोस्रो हाफमा एक गोल फर्काए ।

शनिबारका अन्य खेलमा लेभान्टेले रियल बेटिसमाथि ५–२ को फराकिलो जित निकाल्यो । रोजर ब्रुगले दुई गोल गरे । यस्तै रियल सोसिडाडले इस्पनयोललाई २–१ हरायो ।