काठमाडौं । स्पेनिस ला लिगा च्याम्पियन बार्सिलोना भिल्लारियलसँग ३–२ ले पराजित भएको छ।
यसअघि नै च्याम्पियन बनिसकेको बार्सिलोना घरेलु मैदानमा अग्रता जोगाउन सकेन।
भिल्ला रियल पहिलो हाफको धेरै समय दबाबमा रह्यो, तर दोस्रो हाफको पाँचौं मिनेटमा सान्ती कोमेसानाले येरेमी पिनोको उत्कृष्ट थ्रु बलमा दौडँदै आएर गोलकिपर मार्क–आन्द्रे टर स्टेगनलाई छलेर बराबरी गरे। परिवर्तित ताजोन बुकेननले ८० औं मिनेटमा निर्णायक गोल गरे।
३८ औं मिनेटमा यामालले आफ्नो ट्रेडमार्क शैलीमा नवौं लिग गोल गरे। फर्मिनले पहिलो हाफको इन्जुरी समयको पाँचौं मिनेटमा गोल गर्दै बार्सिलोनालाई अग्रता दिलाए।
पुनरागमन जितसहित भिल्लारियल शीर्ष पाँचमा रहँदै आगामी सिजनको च्याम्पियन्स लिगको सुनिश्चितता गर्यो।
काठमाडौं। घरेलु टोली भारतले बंगलादेशलाई पेनाल्टी सुटआउटमा पराजित गर्दै साफ यु–१९ च्याम्पियनसिपको उपाधि रक्षा गरेको हो।
गोल्डेन जुबली स्टेडियममा आइतबार सम्पन्न खेलमा भारतले बंगलादेशलाई ४–३ ले पराजित गरेको हो। यसअघि भारतले सन् २०२३ मा पाकिस्तानलाई ३–२ ले पराजित गर्दै पहिलोपल्ट उपाधि जितेको थियो।
निर्धारित समयको खेल १–१ को बराबरीमा सकिएको थियो। त्यसपछि उपाधिको छिनोफानो पेनाल्टी सुटआउटमार्फत गरिएको हो। पेनाल्टी सुटआउटमा भारतले बाँजी मार्यो।
पेनाल्टी सुटआउटमा भारतका मोहम्मद अर्बाश, रोहेन सिंह, ऋषि सिंह, जोड्रिक अब्रान्चेस र सिंगमायुम शमीले गोल गरे। बंगलादेशका मिठु चौधरी, मुर्सेद अली र जोय अहमदले गोल गरे। नजमुल फैसलको प्रहार आकासिएको थियो। उद्दिन साहेदको प्रहार भारतीय गोलकिपर सुजर सिंहले रोके।
खेलको दोस्रो मिनेटमै भारतले सुरुआती अग्रता लिएको थियो। सिंगमायुम शामीले प्रहार गरेको फ्रिकक बल सिधै गोलमा परिणत भएको थियो।
तर, ६१औं मिनेटमा जोय अहमेदले बराबरी गोल फर्काए।
काठमाडौँ। १० वर्षपछि साफ यु–१९ च्याम्पियनसिपको फाइनलमा पुग्ने लक्ष्य बोकेर भारत पुगेको नेपाली टोलीको यात्रामा बंगलादेश बाधक बनेको छ।
भारतको अरुणाञ्चल प्रदेशस्थित गोल्डेन जुब्ली स्टेडियममा शुक्रबार सम्पन्न सेमिफाइनलमा बंगलादेशसँग नेपाल २–१ ले पराजित भएको हो। योसँगै बंगलादेशले पहिलोपल्ट यो उमेर समूहमा फाइनलमा आफ्नो स्थान सुनिश्चित गरेको छ। नेपाल भने अन्तिम चारबाटै घर फर्किने छ।
बंगलादेशलाई जित दिलाउन आशहिकुर रहमान र कप्तान नजमुल हुडाले गोल गरे।
७२औं मिनेटमा हुडाको कर्नर बललाई अनमार्क रहेका रहमानले हेडरमार्फत सहजै गोल गरे। ८०औं मिनेटमा हुडाले अर्को गोल गर्दै अग्रता २–० मा पुर्याए। मोहम्मद मनिकले नेपालका डिफेन्डर मदन पौडेल र प्रशान्त मोक्तानलाई छक्याउँद दिएको बललाई उनले सहजै गोलमा परिणत गरे।
८७औं मिनेटमा सुजनले गोल गर्दै अग्रता २–१ मा ल्याए। सविनकुमार लुंगेलीको क्रसलाई उनले गोलमा परिणत गरेका हुन्। जारी प्रतियोगितामा उनको यो दोस्रो गोल हो।
काठमाडौं। नेपाल आइसिसी महिला टी–२० विश्वकप एसिया छनोटको सुपर थ्रीमा प्रवेश गरेको छ।
शुक्रबार तय भएको हङकङ र बहराइनबीचको खेल वर्षाले रद्द भएपछि नेपाल सुपर थ्रीमा प्रवेश गरेको हो।
नेपाल र हङकङको समान ५-५ अंक थियो। तर, नेपाल बढी जित निकालेका आधारमा दोस्रो चरणमा पुगेको हो।
","created":"2025-05-16T18:44:30.127158+05:45","news_slug":"Nepal-super-three"},{"id":3347,"author":{"id":7,"first_name":"Swadesh","last_name":"Maharjan"},"title":"एचजेबीएलमा रोएल्स र गोल्डेनगेट विजयी","news_image_url":"https://app.nepalsportz.com/media/9E6276E3-5157-4732-8997-B158943F9E42.jpeg","news_image_file":"https://app.nepalsportz.com/media/9E6276E3-5157-4732-8997-B158943F9E42.jpeg","category":[{"id":5,"created":"2023-02-08T17:13:44.783701+05:45","modified":"2023-02-08T17:13:44.783720+05:45","created_np":"2079-10-25T17:13:44.783733+05:45","modified_np":"2079-10-25T17:13:44.783977+05:45","name":"Basketball","slug":"Basket-ball"}],"season":null,"content":"३१ बैशाख, काठमाडौं । हिमालयन जाभा बास्केटबल लिग (एचजेबीएल) अन्तर्गत बुधबार भएको खेलमा रोएल्स र गोल्डेनगेट बास्केटबल क्लब विजयी भएका छन् ।
रोएल्सले टाइम्स बास्केटबल क्लबलाई हराएर लिगमा पहिलो पहिलो जित हात पारेको छ ।
यसअघिका दुई खेलमा पराजित भएको रोएल्सले बुधबार टाइम्स क्लबलाई ८३-७१ ले पराजित गरेको हो ।
पहिलो जितपछि रोएल्सले ३ खेलबाट ३ अंक जोडेको छ । दोस्रो हार व्यहोरेको टाइम्सको पनि ३ खेलबाट समान ३ अंक नै छ ।
कीर्तिपुर कभर्डहलमा भएको खेलमा रोएल्सले पहिलो क्वाटरमा १९-१५ को अग्रता लिएको थियो । त्यसलाई कायम राख्दै रोएल्सले अन्त्यसम्म अग्रता लियो । रोएल्सले दोस्रो क्वाटर २०-१४ ले आफ्नो पक्षमा पार्दै हाफटाइमसम्म ३९-२९ को अग्रता बनाएको थियो ।
रोएल्सले तेस्रो क्वाटर २०-१८ ले आफ्नो पक्षमा पारेको थियो । चौथो क्वाटरमा दुवै टिमले २४-२४ अंक स्कोर गरेका थिए ।
विजयी टिम रोएल्सका लागि प्रसाङ ध्वज मास्केले सर्वाधिक २६ अंक स्कोर गरे । टाइम्सका लागि मनिष केसि र मबिन्द्र भण्डारीले समान १७ अंक स्कोर गरे । रोएल्सका विनोद महर्जन मोस्ट भ्यालुएबल प्लेअर घोषित भए ।
यस्तै बुधबारै भएको दोस्रो खेलमा गोल्डेनगेटले कीर्तिपुर बास्केटबल क्लबलको अपराजित यात्रा टुङ्गयाउँदै दोस्रो जित हात पारेको छ ।
गोल्डेनगेटले कीर्तिपुरलाई ९२-६५ ले पराजित गरेको हो । दोस्रो जितपछि गोल्डेनगेटले ३ खेलबाट ६ अंक जोडेको छ । पहिलो हार व्यहोरेको कीर्तिपुरको पनि ३ खेलबाट समान ६ अंक नै छ ।
पहिलो क्वाटर गोल्डेनगेटले २९-२१ ले आफ्नो पक्षमा पारेको थियो । तर दोस्रो क्वाटरमा कीर्तिपुरले पुनरागमन गर्दै २४-१९ ले आफ्नो पक्षमा पारेपछि हाफटाइमसम्म गोल्डेनगेटले ४८-४५ को झिनो अग्रता बनाएको थियो ।
तर तेस्रो र चौथो क्वाटर २१-९ र २३-११ ले आफ्नो पक्षमा पारेपछि गोल्डेनगेटले सहजै खेल जितेको हो ।
गोल्डेनगेटका लागि अजय कुश्वाहाले सर्वाधिक २२ अंक जोडे । उनी खेलको मोस्ट भ्यालुएबल प्लेअर पनि घोषित भए । कीर्तिपुरमा लागि सयुन राईले १७ अंक स्कोर गरे ।
","created":"2025-05-14T21:42:07.163143+05:45","news_slug":"-basketball-HKBL-royals-golden-gate-win"},{"id":3346,"author":{"id":7,"first_name":"Swadesh","last_name":"Maharjan"},"title":"दक्षिणकालीलाई हराउँदै आयोजककाे फाइनलमा","news_image_url":"https://app.nepalsportz.com/media/att.uScEVdYx5cBX8J06vlmCMYUM4lPFbod5P4BQ7goTdYI.jpeg","news_image_file":"https://app.nepalsportz.com/media/att.uScEVdYx5cBX8J06vlmCMYUM4lPFbod5P4BQ7goTdYI.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"ललितपुर। दक्षिणकाली नगरपालिकालाई हराउँदै गाेदावरी नगरपालिका जारी उपत्यकाव्यापी अन्तरपालिका खुला गोदावरी मेयर कप फुटबलको फाइनलमा पुगेको छ।
गोदावरी–१० टाहाखेलस्थित निर्माणाधीन गोदावरी बहुउद्देश्यीय रंगशालाको झ्यालुन्टार मैदानमा बुधबार सम्पन्न दाेस्राे सेमिफाइनलको खेलमा दक्षिणकालीलाई पेनाल्टी सुट आउटमा ४-३ गाेल अन्तरले हराउँदै गाेदावरीले काठमाडौं महानगरपालिकासँगकाे भेट पक्का गरेको हाे।
निर्धारित ९० मिनेटसम्म दुबै तर्फबाट २-२ गाेलकाे बराबरी भएपछि खेलकाे निर्णय पेनाल्टीबाट गरिएको हाे। सुरुवाती अग्रता दक्षिणकालिका अमित तामाङले खेलकाे १५ औं मिनेटमा गरे। खेलकाे ४९औं मिनेटमा पासाङ तामाङले गाेदावरीका लागि बराबरी गाेल गरे। फेरि खेलकाे ८३औँ मिनेटमा दक्षिणकालिका लागि नवीन कर्माचार्यले गाेल गर्दै अग्रता दाेब्बर पारे। खेलकाे अन्तिम समयमा अनिल बाेम्जनले गाेल गर्दै बराबरी गाेल गरे।
यसअघि कीर्तिपुर नगरपालिकालाई ३-० ले हराउँदै काठमाडौंले दोस्रो पटक उपाधी जित्ने अवसर बनाएको छ। पहिलो संस्करणमा चन्द्रागिरीलाई हराउँदै काठमाडौंले उपाधी जितेको थियो।
आगामी जेठ २ गते हुने फाइनलमा काठमाडौंले गोदावरी नगरपालिकासँग प्रतिस्पर्धा गर्नेछ।
गोदावरी मेयर कपमा काठमाडौ उपत्यकामा रहेका २१ पालिकामध्ये काठमाडौं जिल्लाबाट ६ , ललितपुरबाट ५ र भक्तपुरबाट २ पालिकाको सहभागिता रहेको छ।
मोरक्को, रावत
बैशाख ३१ गते
मोरक्कोको राजधानी राबतमा मंगलवार सम्पन्न एआइपीएस स्पोर्ट्स मिडिया अवार्ड २०२४ को ‘वेस्ट इन्भेस्टिगेन’ विधामा नेपालका पत्रकारद्धय बीपी अनमोल र दीप सुवेदीले तयार पारेको लेखले ‘स्पेशल मेन्सन’ प्राप्त गरेको छ।
यी दुई पत्रकारले उकालो डट कममा संयुक्त रुपमा लेखेको ‘१६ वर्षदेखि फरार अभियुक्त एन्फाको उपाध्यक्ष, लागूऔषध कारोबारमा तोकिएको थियो ५ वर्ष कैद’ लेखका लागि स्पेशल मेन्सन दिइएको हो।
एआइपीएस स्पोर्टस् मिडिया अवार्डमा प्रत्येक विधाको शीर्ष ३ को उपाधि दौडमा नपरेको तर राम्रो आलेखहरुलाई स्पेशल मेन्सनमा उल्लेख गरिन्छ।
यसअघि नेपालका खेल पत्रकारहरु गोविन्दराज नेपाल र नमिन ढकालको आलेख पनि स्पेशल मेन्सनमा परेका थिए। सन् २०२० को हंगेरीमा भएको एआइपीएस स्पोर्टस मिडिया अवार्डमा भने प्रज्वल ओलीको लेखले ‘वेस्ट कोलम’ विधामा अवार्ड जितेको थियो। उनी एआइपीएस अवार्ड जित्ने एसियाको पहिलो पत्रकार पनि बनेका थिए।
एआइपीएस स्पोर्टस मिडिया अवार्ड खेलपत्रकारहरुको विश्व संस्था एआइपीएसले हरेक वर्ष प्रदान गर्ने खेल पत्रकारहरुको सबैभन्दा ठूलो अवार्ड कार्यक्रम हो।
यसमा शीर्ष ३ मा पर्ने विधाका विजेताहरुले क्रमश: ८ हजार, ३ हजार र २ हजार अमेरिकी डलर प्राप्त गर्नेछ।
विभिन्न १२ विधामा प्रदान गरिने अवार्डका लागि यसवर्ष १३६ देशबाट २०६५ पत्रकारहरुले आलेख, फोटो, भिडियो, अडियोमा प्रतिस्पर्धा गरेका थिए।
","created":"2025-05-14T19:08:25.396429+05:45","news_slug":"BP-dip-investigative-mentions-"},{"id":3344,"author":{"id":7,"first_name":"Swadesh","last_name":"Maharjan"},"title":"क्यानसँगको सम्झौतामा नरहने सन्दीपको घोषणा","news_image_url":"https://app.nepalsportz.com/media/IMG_9554.jpeg","news_image_file":"https://app.nepalsportz.com/media/IMG_9554.jpeg","category":[{"id":3,"created":"2023-02-08T17:13:09.647250+05:45","modified":"2023-02-08T17:13:09.647269+05:45","created_np":"2079-10-25T17:13:09.647282+05:45","modified_np":"2079-10-25T17:13:09.647504+05:45","name":"Cricket","slug":"Cricket-nepal"}],"season":null,"content":"काठमाडौं। नेपाली राष्ट्रिय क्रिकेट टाेलीका लेग स्पिनर सन्दीप लामिछाने नेपाल क्रिकेट संघ -क्यान_ को केन्द्रीय सम्झौतामा नरहने भएका छन्।
उनले बुधबार सामाजिक सञ्जाल फेस्बुकमा उक्त जानकारी दिएका हुन्। ‘धेरै सोचविचार पछि मैले यस पटकको लागि क्यान केन्द्रीय सम्झौताअन्तर्गत निरन्तरता नदिने निर्णय गरेको छु। यो क्रिकेट वा मेरो राष्ट्रबाट एक कदम टाढा होइन, यो व्यक्तिगत र व्यावसायिक रूपमा विकास गर्ने दिशामा एक कदम हो,’ उनले लेखेका छन्।
क्यानले सन्दीपसहित ३३ पुरुष र १९ महिला क्रिकेटरलाई केन्द्रीय सम्झौतामा राखेको थियो। सन्दीप ‘ए’ ग्रेडमा थिए। उनले मासिक एक लाख रुपैयाँ पाउँदै आएका थिए।
यस निर्णयपछि आफू खेलिरहने उनले बताएका छन्। ‘म अझै पनि नेपालका लागि खेलिरहनेछु। सधैंझैं उही जोश, उही समर्पणका साथ। नेपालको जर्सी लगाउनु मेरो लागि सधैं गर्वको कुरा हो र यो जिम्मेवारी सधैं मेरो हृदयमा रहनेछ,’ उनले लेखेका छन्।
काठमाडौं। ब्वाइज युनियन क्लबले सहिद स्मारक ‘बी’ डिभिजन लिगमा सहज जित हासिल गरेको छ।
सातदोबाटोस्थित एन्फा कम्प्लेक्स मैदानमा बुधबार सम्पन्न खेलमा ब्वाइज युनियनले श्रीकुमारी क्लबलाई ५–३ ले पराजित गरेको हो।
ब्वाइज युनियनको जितमा दिव्यविक्रम चौधरीले दुई गोल गरे। सुजित बूढाथोकी, विनोद राई र सुशान्त लामाले समान एक गोल थपे।
कुमारीका पाल्देन तामाङ, अरुण शाह र यमन महर्जनले गोल गरे पनि हारबाट जोगाउन सकेनन्।
यो नतिजासँगै तेस्रो स्थानमा उक्लिएको ब्वाइज युनियनले ११ खेलबाट १८ अंक पुर्याएको छ। समान खेलबाट कुमारीको १३ अंक छ। कुमारीलाई अझै रेलिगेसनको खतरा यथावत् छ।
काठमाडौं। आइसिसी विश्वकप लिग २ अन्तर्गत त्रिकोणात्मक एकदिवसीय सिरिजका लागि स्कटल्यान्ड जाने नेपाली क्रिकेट टोलीको बिदाइ भएको छ।
नेपाल क्रिकेट संघ(क्यान) का अध्यक्ष चतुरबहादुर चन्द, सचिव पारस खड्का, केन्द्रिय सदस्य छुम्बी लामा लगायतले मंगलबार टोलीको बिदाइ गरे।
सिरिजअघि नेपालले बेलायतको स्थानियन टोली तथा स्टकल्यान्डको ‘ए’ टोलीसँग अभ्यास खेल खेल्नेछ।
नेपाली टोली मंगलबार साँझ ६ बजे बेलायत प्रस्थान गर्नेछ। बिदाइ कार्यमक्रममा मुख्य प्रशिक्षक स्टुवार्ट ल र कप्तान रोहितकुमार पौडेल भने उपस्थित थिएनन्।
नेपाली टोली
रोहितकुमार पौडेल (कप्तान), गुलशनकुमार झा, आसिफ शेख, करण केसी, सोमपाल कामी, कुशल भुर्तेल, ललितनारायण राजवंशी, अनिलकुमार साह, दीपेन्द्रसिंह ऐरी (उप कप्तान), सन्दीप लामिछाने, भीम सार्की, आरिफ शेख, बसिर अहमद, नन्दन यादव, रिजन ढकाल
","created":"2025-05-14T13:00:36.713745+05:45","news_slug":"-Nepal-Cricket-team-farewell-to-Scotland"},{"id":3341,"author":{"id":7,"first_name":"Swadesh","last_name":"Maharjan"},"title":"एचजेबीएलमा हाउण्ड्सको लगातार तेस्रो जित","news_image_url":"https://app.nepalsportz.com/media/8188D22A-24E7-4943-BB60-657555D202E3.jpeg","news_image_file":"https://app.nepalsportz.com/media/8188D22A-24E7-4943-BB60-657555D202E3.jpeg","category":[{"id":5,"created":"2023-02-08T17:13:44.783701+05:45","modified":"2023-02-08T17:13:44.783720+05:45","created_np":"2079-10-25T17:13:44.783733+05:45","modified_np":"2079-10-25T17:13:44.783977+05:45","name":"Basketball","slug":"Basket-ball"}],"season":null,"content":"३० बैशाख, काठमाडौं । हाउण्ड्स एकेडेमीले हिमालयन जाभा बास्केटबल लिग (एचजेबीएल) मा लगातार तेस्रो जित हात पारेको छ ।
कीर्तिपुर कभर्डहलमा मंगलबार भएको खेलमा हाउण्ड्सले सामाखुशी युथ क्लबलाई ९८-७२ ले पराजित गरेको हो ।
हाउण्ड्सले गत साता रोएल्स र टाइम्स बास्केटबल क्लबलाई पराजित गरेको थियो ।
लगातार तेस्रो जितपछि हाउण्ड्स ९ अक जोडेर शीर्ष स्थानमा छ । सामाखुशीकव भने यो लगातार तेस्रो हार हो । अकविहिन सामाखुशी पूछारमा छ ।
सामाखुशी विरुद्ध सुरुवातदेखि नै अग्रता लिएको हाउण्ड्सले चारै क्वाटर आफ्नो पक्षमा पारेको थियो ।
हाउण्ड्सले पहिलो क्वाटरमा २६, दोस्रो क्वाटरमा २३ अंक जोडेको थियो । यस्तै तेस्रोमा २४ र चौथो क्वाटरमा २५ अंक जोडेको थियो । सामाखुशीले चारै क्वाटरमा समान १८ अंक जोडेको थियो ।
हाउण्ड्सका लागि विजय बुर्जाले सर्वाधिक २२ अंक स्कोर गरे । सामाखुशीका लागि विक्रम डंगोलले १५ अंक स्कोर गरे ।
खेलको मोस्ट भ्यालुएबल प्लेअर हाउण्ड्सका दिप्सन केसी घोषित भए ।
एचजेबीएलमा बुधबार रोएल्स र टाइम्स बास्केटबल क्लब तथा गोल्डेनगेट बास्केटबल क्लब र कीर्तिपुर बास्केटबल क्लबबीच प्रतिस्पर्धा हुनेछ ।
","created":"2025-05-13T21:12:15.001971+05:45","news_slug":"Hounds-win-"},{"id":3340,"author":{"id":7,"first_name":"Swadesh","last_name":"Maharjan"},"title":"काठमाडौं गोदावरी मेयर कपको फाइनलमा","news_image_url":"https://app.nepalsportz.com/media/att.juTKMmQlE3zI1-C9RlaCAkyXl5J_W9C65agiBbS3o0E.jpeg","news_image_file":"https://app.nepalsportz.com/media/att.juTKMmQlE3zI1-C9RlaCAkyXl5J_W9C65agiBbS3o0E.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"ललितपुर। काठमाडौं महानगरपालिका गोदावरी नगरपालिकाको आयोजनामा जारी उपत्यकाव्यापी अन्तरपालिका खुला गोदावरी मेयर कप फुटबलको फाइनलमा पुगेको छ।
गोदावरी–१० टाहाखेलस्थित निर्माणाधीन गोदावरी बहुउद्देश्यीय रंगशालाको झ्यालुन्टार मैदानमा मंगलबार सम्पन्न पहिलो सेमिफाइनलको खेलमा कीर्तिपुर नगरपालिकालाई ३-० ले हराउँदै काठमाडौंले दोस्रो पटक उपाधी नजिक पुगेको हो।
यसअघि पहिलो संस्करणमा चन्द्रागिरीलाई हराउँदै काठमाडौंले उपाधि जितेको थियो। काठमाडौंका लागि खेलमा प्लेयर अफ दि म्याच मनिष सेढाईले २ गोल तथा राज पौडेलले १ गोल गरे।
आगामी जेठ २ गते हुने फाइनलमा काठमाडौंले गोदावरी नगरपालिका र दक्षिणकाली नगरपालिकाबीचको विजेतासँग प्रतिस्पर्धा गर्नेछ।
खेलको ४५औं मिनेटमा सेढाईले काठमाडौंका लागी सुरुवाती गोल गरे भने लगत्तै ईन्जुरी समयमा पौडेलले थप गोल गर्दै अग्रता दोब्बर पारे।
काठमाडौंका लागि अर्को एक गोल सेढाईले ७९औं मिनेटमा गरे।
काठमाडौं समूह बि को विजेताका रुपमा सेमिफाइनलमा पुगेको हो भने कीर्तिपुर समूह डि को विजेताका रुपमा सेमिफाइनलमा प्रवेश गरेको हो।
काठमाडौं। प्लानिङ ब्वाइज युनाइटेड ‘ए’ डिभिजन लिगमा बढुवा भएको छ।
सातदोबाटोस्थित एन्फा कम्प्लेक्समा मंगलबार सम्पन्न खेलमा प्लालिङले बाँसबारी क्लबलाई २–० ले पराजित गरेको हो।
प्लानिङको जितमा पुजन थापाले एक गोल गरे। अर्को भने उपहार पाएको थियो।
पहिलो हाफ दुवै टोलीले गोलरहित बराबरी खेलेका थिए। तर, दोस्रो हाफको दोस्रो मिनेटमा बाँसबारीका सन्दीप राउतले आत्मघाती गोल गर्न पुगे।
८१औं मिनेटमा पुजनले अर्को गोल गर्दै जित पक्का गरे।
जितसँगै शीर्ष स्थानमा रहेको प्लानिङले ११ खेलबाट २७ अंक पुर्याएको छ। बाँसबारीको समान खेलबाट १५ अंक छ।
काठमाडौं। नेपाल आइसिसी महिला टी–२० विश्वकप एसिया छनोटमा हङकङसँग पराजित भएको छ।
मंगलबार सम्पन्न खेलमा नेपाल सात विकेटले पराजित भएको हो।
नेपालले दिएको ३० रनको लक्ष्य हङकङले तीन बल बाँकी रहँदा तीन विकेट गुमाएर पूरा गरेको हो।
हङकङका शान्जिन शहजादले अविजित रहँदै सर्वाधिक १५ रन बनाइन्। १२ बल खेलेकी उनले एक छक्का प्रहार गरिन्।
मारिको हिल ११ रनमा आउट भइन्। नेपालकी कविता कुँवरले दुई विकेट लिइन्। १.३ ओभर बलिङ गरेकी उनले पाँच रन खर्चिइन्।
त्यसअघि टस हारेर पहिला ब्याटिङ थालेको नेपालले निर्धारित पाँच ओभरमा तीन विकेट गुमाउँदै २९ रन बनायो। वर्षाका कारण खेल पाँच ओभरमा खेलाइएको थियो।
नेपालकी सम्झना खड्काले सर्वाधिक १० रन बनाइन्। सात बल खेलेकी उनले एक चौका प्रहार गरिन्।
कप्तान इन्दु बर्माले अविजित रहेर ९ रन बनाइन्। पूजा महतो तीन, कविता कुँवर दुई रनमा आउट हुँदा रुविना क्षेत्री बेलबासे चार रनमा अविजित रहिन्।
हङकङकी मेई बाई सियुले तीन विकेट लिइन्। दुई ओभर बलिङ गरेकी उनले ११ रन खर्चिइन्।
जितसँगै हङकङ समूह सी को शीर्ष स्थानमा उक्लिएको छ। हङकङको तीन खेलबाट चार अंक छ। नेपालको भने समान खेलबाट तीन अंक छ।
काठमाडौं। प्रतिबन्ध फुकुवा भएको पहिलो खेलमै धीरेन्द्रबहादुर शाहको गोलसँगै सरस्वती युवा क्लबले सहिद स्मारक ‘बी’ डिभिजन लिगमा सहज जित हासिल गरेको छ।
सातदोबाटोस्थित अखिल नेपाल फुटबल संघ (एन्फा) मुख्यालय मैदानमा मंगलबार सम्पन्न खेलमा सरस्वतीले वीरगन्ज युनाइटेडविरुद्ध ३–० को सहज जित दर्ता गरेको हो।
सरस्वतीलाई जित दिलाउन ज्ञानेन्द्र जोशी, नरेशकुमार खत्री र धीरेन्द्रबहादुर शाहले गोल गरे।
खेलको १८औं मिनेटमा ज्ञानेन्द्रको गोलमार्फत सरस्वतीले अग्रता लिएको थियो। पहिलो हाफमा १–० को अग्रता बनाएको सरस्वतीका लागि ५६औं मिनेटमा नरेशले गोल गर्दै अग्रता दोब्बर बनाए।
त्यसपछि धीरेन्द्रले ७२औं मिनेटमा गोल गर्दै सरस्वतीलाई ३–० को सहज जित दिलाए। धिरेन्द्रले प्रतिबन्ध फुकुवा भएपछिको पहिलो खेलमै गोल गरेका हुन्।
नयाँबस्तीका टिम म्यानेजर विकास राईले चैत ७ गते आफ्नो क्लबसँग भएको खेलमा धिरेन्द्रविरुद्ध उजुरी गरेका थिए। यो खेलमा सरस्वती १–० ले विजयी भएको थियो। त्यसपछि एन्फाले धिरेन्द्रलाई प्रतिबन्ध लगाउँदै सरस्वतीको अंक खोसेको थियो। तर मंगलबार उजुरी उपर छानबिन गर्दा धीरेन्द्रले विभिन्न मितिमा टुसाल र सरस्वतीसँग लिग खेल्न सम्झौता गरेको देखिएले एन्फा अनुसाशन समितिले उनलाई खेल्न दिने निर्णयगरेको थियो। यस्तै सरस्वतीलाई खोसिएको अंक पनि फिर्ता गरिएको थियो।
जितसँगै ११ खेलमा १५ अंक जोडेको सरस्वती आठौं स्थानमा उक्लिएको छ। पराजित वीरगन्ज चौथो स्थानमा झरेको छ।
काठमाडौँ । कार्लो एन्सेलोट्टी ब्राजिलको राष्ट्रिय पुरुष फुटबल टाेलीको प्रशिक्षक बनेका छन्।
ब्राजिल फुटबल फेडेरेसनले रियल मड्रिडका प्रशिक्षक एन्सेलोट्टी आफ्नो राष्ट्रिय टिमको मुख्य प्रशिक्षकमा नियुक्त भएको घोषणा गरेको हाे।
ब्राजिलले २०२६ विश्वकपसम्म एन्सेलोट्टी मुख्य प्रशिक्षक रहने बताएको छ। एन्सेलोट्टीले जुनको पहिलो सातादेखि ब्राजिलको मुख्य प्रशिक्षकको जिम्मेवारी सम्हाल्ने भएका छन्। एन्सेलोट्टीले इक्वेडर र पराग्वेविरुद्धको विश्वकप छनौटको खेलदेखि नै आफ्नो जिम्मेवारी सम्हाल्ने भएका छन् भने उनको नेतृत्वमा ब्राजिलले २०२६ को विश्वकप खेल्ने भएको छ।
६५ बर्षिय एन्सेलोट्टी पछिल्लो पटक २०२१ देखि रियलको प्रशिक्षक रहेका छन्। उनी यसअघि २०१३ देखि २०१५ सम्म पनि रियलको प्रशिक्षक थिए। उनले युभेन्टस, एसी मिलान, चेल्सी, पिएसजी, बायर्न म्युनिख, नापोली र एभर्टनको प्रशिक्षकको जिम्मेवारी सम्हालेका छन्।
काठमाडौँ । अल नासरले साउदी प्रो लिग अन्तर्गत फराकिलो जित हासिल गरेको छ।
नियमित कप्तान क्रिस्टियानो रोनाल्डो बिना मैदान उत्रिएको नासरले अल अखडोउडविरुद्ध ९(० को जित हासिल गरेको हो।
नासको जितमा साडियो मानेले ४ गोल गरे। त्यस्तै जोन डुरानले २ गोल गरे भने आयमान याहा र मोहमद मरानले एक एक गोल गरे।
त्यस्तै यस खेलमा खेलको ४७औं मिनेटमा पाउलो भिटोरले रातो कार्ड पाएपछि अल अखडोउड १० खेलाडीमा सिमित भएको थियो।
यो जितपछि अल नासर लिगमा तेस्रो स्थानमा उक्लिएको छ। अल नासरको ३१ खेलमा ६३ अंक भएको छ। त्यसैगरी अल अखडोउडको भने ३१ खेलमा २८ अंक रहेको छ र लिगमा १७औं स्थानमा रहेको छ। नासरले जारी सिजनका तीन खेल खेल्न बाँकी छ।
ललितपुर। गोदावरी नगरपालिकाको आयोजनामा जारी उपत्यकाव्यापी अन्तरपालिका खुला गोदावरी मेयर कप फुटबलको सेमिफाइलका खेल मंगलबारबाट सुरु हुँदैछ।
पहिलो सेमिफाइनलको खेलमा कीर्तिपुर नगरपालिका र काठमाडौं महानगरपालिका भिड्दै छन्। खेल गोदावरी–१० टाहाखेलस्थित निर्माणाधीन गोदावरी बहुउद्देश्यीय रंगशालाको झ्यालुन्टार मैदानमा मंगलबार दिउँसो साढे ३ बजे सुरु हुनेछ।
काठमाडौं समूह बि को विजेताका रुपमा सेमिफाइनलमा पुगेको हो भने कीर्तिपुर समूह डि को विजेताका रुपमा सेमिफाइनलमा प्रवेश गरेको हो। काठमाडौंले समूहचरणमा चाँगुनारायण र मध्यपुर ठिमी नगरपालिकालाई हराएको छ ।
२ खेलबाट काठमाडौंले ६ अंक जोड्दा मध्यपुर र चाँगुले १–१ अंक जोडेका छन्। कीर्तिपुरले समूहचरणमा तारकेश्वरसँग २–२ गोलको बराबरी तथा कोन्ज्योसोम गाउँपालिकाविरुद्ध ३–० को जित निकालेको छ। कीर्तिपुरले ४ अंक बनाउँदा तारेकेश्वरले २ अंक तथा कोन्ज्योसोमले १ अंक जोडेको छ।
आयोजक गोदावरी र दक्षिणकाली भिड्ने
गोदावरी मेयर कप फुटबलको अर्को सेमिफाइनलमा आयोजक गोदावरी नगरपालिकाले दक्षिणकाली नगरपालिकासँग बुधबार प्रतिस्पर्धा गर्नेछ समूह ए मा महालक्ष्मी नगरपालिकालाई ६–१ ले तथा बाग्मती गाउँपालिकालाई ७–० ले हराएको गोदावरीले समूह चरणमा ललितपुर महानगरपालिकासँग १–१ गोलको बराबरी खेलेको थियो।
समूह सि मा रहेको दक्षिणकालीले कागेश्वरी मनोहरा नगरपालिकालाई ५–० ले तथा चन्द्रागिरी नगरपालिकालाई २–१ ले हराउँदै सेमिफाइनलमा पुगेको हो। गोदावरी मेयर कपमा काठमाडौ उपत्यकामा रहेका २१ पालिकामध्ये काठमाडौं जिल्लाबाट ६ , ललितपुरबाट ५ र भक्तपुरबाट २ पालिकाको सहभागिता रहनेछ।
काठमाडौं जिल्लाका काठमाडौ महानगरपालिकासहित कीर्तिपुर नगरपालिका, चन्द्रागिरी नगरपालिका, दक्षिणकाली नगरपालिका,कागेश्वरी मनहरा नगरपालिका र तारकेश्वर नगरपालिकाले खेलेका छन्।
यसैगरी ललितपुर जिल्लाका आयोजक गोदावरी सहित ललितपुर महानगरपालिका , महालक्ष्मी नगरपालिका , बाग्मती गाउँपालिका र कोन्ज्योसोम गाउँपालिकाले सहभागिता जनाएका छन्। यसैगरी भक्तपुर जिल्लाबाट चाँगुनारायण नगरपालिका र मध्यपुर ठिमी नगरपालिकाले सहभागीता जनाएका छन्।
अघिल्लो पटक सहभागी भएका काठमाडौंका नागार्जुन नगरपालिका , टोखा नगरपालिका र बुढानिलकण्ठ नगरपालिका यसपटक सहभागी छैनन् भने चाँगुनारायण र कागेश्वरी मनोहराले पहिलो पल्ट सहभागिता जनाएका छन्।
काठमाडौं । डिएभी सुशील केडिया विश्व भारती स्कुल ‘ए’ जयकुमारनाथ शाह मेमोरियल यु-१६ ट्वान्टी-२० अन्तरविद्यालय क्रिकेट प्रतियोगिताको च्याम्पियन बनेको छ।
सोमबार मुलपानी क्रिकेट मैदान (तल्लो) मा सम्पन्न फाइनलमा डिएभीले गेटवे एकेडेमीविरुद्ध सात विकेटको सहज जित दर्ता गर्यो।
गेटवेले प्रस्तुत गरेको ७३ रनको लक्ष्य डिएभीले १६.४ ओभरमा तीन विकेट गुमाउँदै पूरा गर्यो। डिएभीका लागि कप्तान प्रसिद्ध जैसीले अविजित ३५ र मायंककुमार साहले १६ रन बनाए।
गेटवेका लागि उज्वल गुप्ताले दुई र साइमन पटेलले एक विकेट लिए।
त्यसअघि टस जितेर ब्याटिङ रोजेको गेटवेले १९.३ ओभरमा सबै विकेट गुमाउँदै ७२ रनको योगफल तयार पारेको थियो।
गेटवेका लागि मुर्शिद इक्बालले १५ र कप्तान सबिर अन्सारीले ११ रन बनाउनुबाहेक अन्य ब्याटरले दोहोरो अंकमा रन जोड्न सकेनन्।
डिएभीका लागि कमल शाहीले चार, कप्तान प्रसिद्ध जैसीले तीन र केशव अग्रवालले दुई विकेट लिए।
काठमाडौं। सहिद स्मारक ‘बी’ डिभिजन लिगमा झापा एफसीले सहज जित हासिल गरेको छ।
सातदोबाटोस्थित अखिल नेपाल फुटबल संघ ९एन्फा० मुख्यालय मैदानमा सोमबार सम्पन्न खेलमा झापासँग ३-१ को हार बेहोरेपछि नयाँबस्ती युवा क्लबमाथि रेलिगेसनको खतरा बढेको छ।
झापालाई जित दिलाउन राजेश दाहालले दुई तथा बबिन बोहराले एक गोल गरे। नयाँबस्तीका लागि सुमन योङयाले गोल फर्काए।
सोमबारै सम्पन्न पहिलो खेलमा अन्नपूर्ण क्लब ९आरसिटी० ले ब्रिगेड ब्वाइज क्लबविरुद्ध २-१ को रोमाञ्चक जित दर्ता गरेको थियो।