![](\"/media/django-summernote/2025-06-16/07352002-b792-42cb-8a5f-21dfb2c6c100.jpeg\")
काठमाडौं । इटालियन क्लब युभेन्टसले फिफा क्लब विश्वकप अन्तर्गतको आफ्नो पहिलो खेलमा युएईको अल अइनमाथि सहज जित हासिल गरेको छ।
अमेरिकाको अडी फिल्डमा बिहीबार सम्पन्न खेलमा युभेन्टसले ५-० को सानदार जित दर्ता गरेको हो।
युभेन्टसलाई जित दिलाउन रान्डल कोलो मुआनी र फ्रान्सिस्को कोन्सेकाओले समान दुई तथा केनान यिल्डिजले एक गोल गरे।
खेलको ११औं मिनेटमा कोलो मुआनीको गोलमार्फत युभेन्टसले अग्रता लिएको थियो।
जितसँगै युभेन्टसले समूह ‘जी’ मा तीन अंक जोडेको छ।
काठमाडौँ । फिफा क्लब विश्वकपमा म्यानचेस्टर सिटीले विजयी सुरुआत गरेको छ।
बुधबार राति सम्पन्न समुह जी अन्तर्गतको खेलमा इंग्लिस क्लब सिटीले मोरक्कोको क्लब वीडाड एसीलाई २-० गोल अन्तरले पराजित गरेको हो।
सिटीको जितमा फिल फोडेन र जेरेमी डोकुले एक एक गोल गरे। खेलको दोस्रो मिनेटमा नै फोडेनले गोल गरेर सिटीलाई अग्रता दिलाएका थिए। ४२औँ मिनेटमा डोकुले गोल गर्दै सिटीको अग्रता दोब्बर पारे।
खेलको ८८औँ मिनेटमा रिको लेविसले रातो कार्ड पाएपछि सिटी १० खेलाडीमा सिमित भएको थियो।
जितसँगै समुह जी मा रहेको सिटीले ३ अंक जोडेको छ। सिटीले अर्को खेल जुन २३ मा अल ऐनविरुद्ध र जुन २७ मा युभेन्टसविरुद्ध खेल्ने छ।
काठमाडौँ। स्पेनिस महारथी रियल मड्रिड फिफा क्लब विश्वकप अन्तर्गतको आफ्नो पहिलो खेलमा साउदी क्लब अल हिलालसँग बराबरीमा रोकिएको छ।
बुधबार राति भएको समूह 'एच' को खेलमा रियल र हिलालले १–१ गोलको बराबरी खेल्दै अंक बाँडेका हुन्।
खेलमा सुरुआती अग्रता बनाएको रियलले उक्त अग्रता जोगाउन सकेन।
रियलका लागि खेलको ३४औँ मिनेटमा गोन्जालो ग्रासियाले गोल गर्दै अग्रता दिलाएका थिए। रियलले उक्त अग्रता लामो समय टिकाउन भने सकेन। हिलालका लागि ४१औँ मिनेटमा रुवेन नेभेसले पेनाल्टीमा गोल गर्दै खेल १–१ को बराबरी अवस्थामा ल्याए।
यो बराबरीसँगै पहिलो खेलबाट दुबै टोलीले एक एक अंक जोडेका छन्।
४ असार, काठमाडौँ — काठमाडौँ महानगरपालिका वडा नम्बर २७ को आयोजनामा दोस्रो मङ्गलादेवी स्मृति फिडे रेटिङ बुद्धिचाल प्रतियोगिता बुधबारदेखि सुरु भएको छ।
उद्घाटन समारोहमा नेपाली कांग्रेस पार्टीबाट काठमाडौँ महानगरको मेयर पदकी प्रत्याशी तथा महिला नेतृ सृजना सिंह र वडा नं. २७ का अध्यक्ष योगेश कुमार खड्गीले संयुक्त रूपमा प्रतियोगिताको उद्घाटन गरे।
निशुल्क दर्ता गरिएको उक्त प्रतियोगितामा नेपालका शीर्षस्थ खेलाडीहरू सहित जम्मा ७६ खेलाडीहरूले सहभागिता जनाएका छन्। क्लासिकल विधामा सञ्चालन भइरहेको प्रतियोगितामा खेलाडीलाई प्रत्येक खेलका लागि ६० मिनेट प्लस ३० सेकेन्ड इन्क्रिमेन्टको समय प्रदान गरिएको छ।
कूल ९ चरणको खेल मध्ये पहिलो दिन दुई चरण सम्पन्न भएका छन्। अन्नपूर्ण स्कुलमा सम्पन्न दोस्रो चरणको खेलपछि कुशल बेलबासे र आभाष तिवारीले दुई-दुई अंक जोड्दै संयुक्त शीर्ष स्थानमा उक्लिएका छन्।
प्रतिस्पर्धामा २० जना खेलाडीले समान दुई अंक जोडी एफएम क्षितिज भण्डारी, सीएम पुरुषोत्तम सिलवाल, रिसोन थापा, आशिष फुयाल, प्रकाश चन्द्र नेपाल, शैलेन्द्र न्यौपाने, धिरेन राई र जनार्दन शर्मा शीर्ष १० औँ स्थानमा रहेका छन्।
यसैगरी, कमल श्रेष्ठ, सीएम नवीन टण्डुकार, महेन्द्रकुमार साम्बा हाम्फे, सन्देश श्रेष्ठ, सुशील सुवेदी, विनय थापा, सुरज सिंह, सम्यक श्रेष्ठ, कृष्ण प्रसाद सिग्देल र राजकुमार राई समान अंकसहित शीर्ष २० स्थानमा रहेका छन्।
महिला खेलाडीहरूको समूहमा ओमन नेशनल च्याम्पियन सिन्दिराज जोशी, विनिता कपाली, प्रतिमा बास्कोटा, अग्रता आचार्य, रिया श्रेष्ठ, कुसुम घिसिङ र शान्ति धिमालले समान १–१ अंक जोड्दै अग्रता बनाएका छन्
आयोजक समितिका अनुसार तेस्रो चरणको खेलदेखि प्रतिस्पर्धा थप रोमाञ्चक हुने अपेक्षा गरिएको छ भने प्रतियोगिता आगामी शनिबारसम्म चल्ने छ।
अन्तर वडा टिम च्याम्पियनसिपमा द्वितीय हुने वडा २७ का खेलाडीलाई नगद र ट्र्याकसुटसहित सम्मान
काठमाडौँ महानगरपालिका वडा नम्बर २२ द्वारा गत महिना आयोजित अन्तर वडा टिम च्याम्पियनसिप बुद्धिचाल प्रतियोगितामा वडा नम्बर २७ का खेलाडीहरू महेश्वरलाल डंगोल, राजेन्द्र बज्राचार्य र विनिता कपालीले उपविजेता भएका थिए।
कार्यक्रममा प्रमुख अतिथि सृजना सिंहले उप विजयी टिमका खेलाडीहरूलाई उल्लेखनीय प्रदर्शनको कदरस्वरूप जनही नगद ७ हजार रुपैयाँ र ट्र्याकसुट प्रदान गर्दै सम्मान गरिएको छ।
महिला नेतृ सृजना सिंहलले बौद्धिक चेस खेलमा युवा पुस्ताको सहभागिता दिनानुदिन बढ्दो देखिनु सकारात्मक संकेत भएको उल्लेख गर्दै यस्ता प्रतियोगिताले प्रतिभाको पहिचान र विकासमा टेवा पुर्याउने धारणा व्यक्त गरे।
२७ वडाका अध्यक्ष योगेश कुमार खड्गीले द्वितीय स्थान प्राप्त टिमका सदस्यहरूलाई आगामी दिनमा अझ उच्च सफलता हासिल गर्न सकोस् भनी शुभकामना व्यक्त गरेका छन्।
काठमाडौं । इङ्लिस प्रिमियर लिगको नयाँ सिजन २०२५/२६ को उद्घाटन खेलमा साबिक विजेता लिभरपुल र बर्नमाउथ खेल्ने भएको छ।
उक्त उद्घाटन खेल अगस्ट १६ शनिबार राति १२:४५ बजे लिभरपुलको घरेलु मैदान एनफिल्डमा हुनेछ।
प्रिमियर लिग २०२६ को मे २४ मा सकिने छ जसमा कूल ३८० खेल हुनेछन्।
काठमाडौँ । फिफा क्लब विश्वकप अन्तर्गत इटालियन क्लब इन्टर मिलान मेक्सिकन क्लब मोन्टेरीसँग बराबरीमा रोकिएको छ।
बुधबार बिहान सम्पन्न समुह इ अन्तर्गतको खेलमा मिलान र मोन्टेरी १-१ गोलको बराबरीमा रोकिएका हुन्।
मोन्टेरीका लागि सर्जियो रामोसले खेलको २५औं मिनेटमा गोल गर्दै शुरुवाती अग्रता दिलाएका थिए। तर खेलको ४२औं मिनेटमा लाउतारो मार्टिनेजले गोल गर्दै इन्टर मिलानका लागि बराबरी गोल गरे।
यसअघि यसै समुहको अर्को खेलमा रिभर प्लेटले उर्वा रेड्सलाई ३-१ गोल अन्तरले पराजित गरेको थियो।
समुह 'इ' मा रिभर प्लेटको ३ अंक भएको छ भने इन्टर मिलान र मोन्टेरीको एक एक अंक भएको छ। त्यस्तै उर्वा रेडस अंक विहिन रहेको छ।
काठमाडौं । जर्मन क्लब बोरुसिया डर्टमन्ड फिफा क्लब विश्वकप अन्तर्गतकाे खेलमा ब्राजिलियन क्बल फ्लुमिनेन्ससँग गोलरहित बराबरी राेकिएकाे छ।
मेटलाइफ रंगशालामा मंगलबार दुवै टोलीले पाएका केही अवसरलाई गोलमा परिणत गर्न सकेनन्।
यो नितजासँगै समूह ‘ए’ का दुवै टोलीले समान एक अंक बाँडेका छन्।
काठमाडौँ । नेपालले घरेलु टोली स्कटल्यान्डविरुद्ध २ विकेटको संघर्षपूर्ण जित हासिल गरेको छ।
त्रिकोणात्मक टी-२० सिरिजमा स्कटल्यान्डले दिएको ९८ रनको लक्ष्य पछाएको नेपालले १९.५ ओभरमा ८ विकेट गुमाएर लक्ष्य पुरा गरेको हो।
नेपालका लागि कुशल भुर्तेलले सर्वाधिक ३० रन बनाए भने दिपेन्द्र सिंह ऐरीले १४ र बसिर अहमदले १३ रन बनाए। त्यस्तै किरण ठगुन्नाले १० रन बनाए भने लोकेस बमले ९, कप्तान रोहित पौडेलले ७, अनिल शाहले ३ र रुपेश सिंहले ३ रन बनाए। करण केसीले अविजित ३ रन बनाए।
यसअघि टस हारेर पहिला ब्याटिङ गरेको स्कटल्यान्डले १९.४ ओभरमा अलआउट हुँदै ९७ रन बनाएको थियो।
स्कटल्यान्डका लागि माइकल लिस्कले सर्वाधिक ४६ रन बनाए भने कप्तान माथ्यु क्रसले १५ रन बनाएका थिए।
नेपालका सन्दीप लामिछानेले ४ विकेट लिए भने दिपेन्द्र सिंह ऐरी र करण केसीले २/२ तथा ललित राजबंशीले एक विकेट लिए।
योसँगै यस सिरिजमा नेपालले दोस्रो खेलमा पहिलो जित हासिल गरेको छ। अब सिरिज अन्तर्गत बुधबार स्कटल्यान्ड र नेदरल्यान्ड्स खेल्दैछन्।
काठमाडौं। अखिल नेपाल फुटबल संघ (एन्फा) ले मैत्रीपूर्ण खेलमा नेपाल खेलकुद पत्रकार मञ्च (एनएसजेएफ)लाई पराजित गरेको छ
सातदोबाटोस्थित एन्फा मुख्यालय मैदानमा मंगलबार सम्पन्न खेलमा एन्फा १०-२ ले विजयी भएको हो।
एन्फालाई जित दिलाउन महासचिव किरण राई र केन्द्रीय सदस्य टिका लामाले ह्याट्रिक पूरा गरे। केन्द्रीय सदस्य पंकज शाही, विनोद डंगोल, जयोज नरसिंह श्रेष्ठ र राजेश शाहीले समान एक गोल थपे। एनएसजेएफका अनिश श्रेष्ठ र कार्यसमिति सदस्य अभिनव जोशीले गोल फर्काए।
एन्फाको टोलीबाट अध्यक्ष पंकजविक्रम नेम्वाङ, राष्ट्रिय महिला फुटबल टोलीका सहायक प्रशिक्षक राजेन्द्र तामाङ, एन्फा एकेडेमी प्रमुख नवीन न्यौपानेलगायतका पदाधिकारी र पूर्व खेलाडीले खेलेका थिए।
काठमाडौं। स्कटल्यान्डमा जारी टी-२० त्रिकोणात्मक सिरिजअन्तर्गत नेदरल्यान्ड्सविरुद्धको खेलमा नेपाल तेस्रो सुपर ओभरमा २ विकेटले पराजित भएको छ।
नेदरल्यान्ड्सले दिएको १५३ रनको लक्ष्य पछ्याएको नेपालले निर्धारित २० ओभरमा ८ विकेट गुमाउँदै १५२ रन बनाएको थियो। योसँगै खेल पहिलो सुपर ओभरमा प्रवेश गर्यो।
पहिलो सुपर ओभरमा कुशल भुर्तेलले २ छक्का र १ चौकासहित १८ र कप्तान रोहिकुमार पौडेलले १ रन थप्दा नेदरल्यान्ड्सले २० रनको लक्ष्य पाएको थियो। तर, करण केसी महंगो साबित हुँदा नेदरल्यान्ड्सले ६ बलमा १९ रन बनाउँदा खेल दोस्रो सुपर ओभरमा धकेलियो।
दोस्रो सुपर ओभरमा नेदरल्यान्ड्सले १८ रनको लक्ष्य दिएको थियो। दीपेन्द्रसिंह ऐरीले १ छक्का र १ चौका प्रहार गरे। रोहितले १ छक्का र १ रन थप्दा खेल पुन: सुपर ओभरमा पुग्यो।
तर, तेस्रो सुपर ओभरमा भने रोहित चल्न सकेनन्। उनी पहिलो बलमै क्याच भए। अर्का ब्याटर रुपेश सिंह पनि दुई बल डट खेल्दै चौथो बलमा क्याच भए।
योसँगै नेदरल्यान्ड्सले जितका लागि १ रनको लक्ष्य पाएको थियो। तर, सन्दीप लामिछानेको बलमा माइकल लेभिटले छक्का प्रहार गर्दै जित दिलाए।
जितसँगै नेदरल्यान्ड्सले दुई अंक जोडेको छ।
काठमाडौं । पाँचपोखरी क्रिकेट क्लब र मेलम्ची नगरपालिका संयुक्तरुपमा सिन्धुपाल्चोक जिल्लास्तरिय पाँचपोखरी ट्वान्टी-२० प्रतियोगिताको च्याम्पियन बनेका छन् ।
कीर्तिपुरस्थित त्रिवि क्रिकेट मैदानमा सोमबार तय भएको फाइनल वर्षाका नतिजाविहिन भएपछि दुवै टोलीलाई संयुक्तरुपमा विजेता घोषणा गरिएको हो ।
टस हारेर ब्याटिङको निम्तो पाएको पाँचपोखरी १७.४ ओभरमा एक विकेट गुमाउँदै १३३ रन बनाएको अवस्थामा खेल रोकिएको थियो ।
खेल रोकिनुअघि पाँचपोखरीका कप्तान सार्थक धिताल ५२ बलमा सात चौकाको मद्दतले ६१ तथा बुद्धी तामाङ ४४ बलमा दुई चौकासहित ३३ रन बनाएर खेलिरहेका थिए । यसैगरी रोशन विक २४ रन बनाए आउट भए ।
मेलम्चीका लागि कप्तान रिन्जिङ तामाङले एक विकेट लिए ।
संयुक्तरुपमा विजेता घोषित भएपछि दुवै टोलीले पुरस्कार रकम पनि बाँडेका छन् । प्रतियोगिताको विजेताले १ लाख र उपविजेताले ५० हजार रुपैयाा प्राप्त गर्नेछन् ।
वर्षाका कारण पहिलो सेमिफाइनल रद्द भएपछि पाँचपोखरी समूह विजेताको हैसियतले फाइनल प्रवेश गरेको थियो । यसैगरी दोस्रो सेमिफाइनलमा मेलम्चीले द माइटी साँगाचोका क्लबविरुद्ध सुपर ओभरमा जित निकालेको थियो ।
पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगितामा सात टोलीले प्रतिस्पर्धा गरेका थिए ।
गल्कोपाखास्थित आरम्भ संस्कार विद्यालयले टेबलटेनिस खेलाडी प्राज्ना महर्जनलाई सोमबार नगदसहित सम्मान गरेको छ । विद्यालयका कक्षा कप्तान तथा विद्यालयका लागि विद्यालय लिडर गरी ७२ जना विद्यार्थीलाई विभिन्न पदमा पदस्थापन गरिएको कार्यक्रममा प्राज्ना नगद १५ हजारसहित सम्मानित भइन् ।
दक्षिण एसियाली युथ टेबलटेनिस प्रतियोगितामा २ पदक जितेकोमा प्राज्नालाई सम्मान गरिएको हो । अखिल नेपाल टेबलटेनिस संघको आयोजनामा उक्त प्रतियोगिता गत बैशाख ११ देखि १४ गतेसम्म लैनचौरस्थित राष्ट्रिय टेबलटेनिस प्रशिक्षण केन्द्रमा भएको थियो । प्राज्नाले यु–१५ गल्र्स डबल्समा रजत र टिम इभेन्टमा कांस्य पदक जितेकी थिइन् । नेपालले प्रतियोगितामा १ स्वर्ण, ६ रजत र ५ कांस्य गरी १२ पदक जितेको थियो ।
प्राज्ना आरम्भमै पूर्ण छात्रवृत्तिमा कक्षा ६ मा अध्ययनरत छिन् । आरम्भले प्राज्नासंगै टेबलटेनिस खेलाडी निश्चल थापा, यमिला श्रेष्ठ, आभा प्रधान र दिवाश्री श्रेष्ठलाई पनि पूर्ण छात्रवृत्ति प्रदान गरेको छ ।
प्राज्नालाई अखिल नेपाल टेबलटेनिस संघका अध्यक्ष वृजेन्द्रबहादुर हमाल, आरम्भका अध्यक्ष नरेशप्रसाद श्रेष्ठ र भाइस प्रिन्सिपल दिनेश श्रेष्ठले सम्मान गरे ।
काठमाडौँ। फिफा क्लब विश्वकप अन्तर्गत बायर्न म्युनिखले न्यूजील्यान्डको क्लब अकल्यान्ड सिटीविरुद्ध गोलको बर्षा गरेको छ।
आइतबार राति भएको खेलमा बायर्न म्युनिखले अकल्यान्डलाई १०-० गोल अन्तरले पराजित गरेको हो।
बायर्नका लागि जमाल मुसिआलाले ह्याट्रिक गरे भने थोमस मुलर, माइकल ओलीस र किंग्सले कोम्यानले २-२ गोल गरे। त्यस्तै सचा बोएयले एक गोल गरे।
यो जितपछि समुह सी मा बायर्न म्युनिखले महत्वपूर्ण ३ अंक हासिल गरेको छ।
काठमाडौं। फिफा क्लब विश्वकप अन्तर्गतको खेलमा युईएफए च्याम्पियन्स लिग विजेता पेरिस सेन्ट जर्मन (पिएसजी)ले सहज जित हासिल गरेको छ।
गएराती सम्पन्न खेलमा पिएसजीले स्पेनीस क्लब एटलेटिको मड्रिडलाई ४-० गोल अन्तरले पराजित गरेको हो।
पिएसजीको जितमा फाबियन रुइज, भिटिन्हा, सेनी मायुलु र ली कांग इनले एक एक गोल गरे।
खेलको ७८औं मिनेटमा क्लेमेन्ट लेंगलेटले रातो कार्ड पाएपछि एटलेटिको १० खेलाडीमा सिमित भएको थियो। यो जितपछि समुह बि मा पिएसजीले महत्वपूर्ण ३ अंक हासिल गरेको छ।
काठमाडौं। अखिल नेपाल फुटबल संघ (एन्फा) ले महिला लिगको छनोट प्रतियोगिता साउन अन्तिम सातादेखि सुरु गर्ने भएको छ।
सातदोबाटोस्थित एन्फा मुख्यालयमा आइतबार एन्फा प्रतिनिधि र सहभागी १६ क्लबको बैठकले छनोट प्रतियोगिता साउन २७ गतेदेखि सुरु गर्ने निर्णय गरेको हो।
छनोट प्रतियोगिताका लागि असार २० गतेभित्र खेलाडी दर्ता गर्नुपर्ने तय भएको छ। एन्फाले खेल तालिका भने साउन १६ गते सार्वजनिक गरिने जनाएको छ।
काठमाडौं । पाँचपोखरी क्रिकेट क्लब र मेलम्ची नगरपालिका सिन्धुपाल्चोक जिल्लास्तरिय पाँचपोखरी ट्वान्टी-२० प्रतियोगिताको उपाधिका लागि प्रतिस्पर्धा गर्ने भएका छन् ।
कीर्तिपुरस्थित त्रिवि क्रिकेट मैदानमा आइतबार तय भोटेचौर स्पोर्टस क्लबसँगकाे पहिलो सेमिफाइनल वर्षाका कारण हुन नसके पनि समूह विजेता भएका आधारमा पाँचपोखरीले फाइनलमा स्थान बनायो ।
पाँचपोखरी समूह ‘ए’ को विजेता तथा भोटेचौर समुह‘बी’ को उपविजेता बन्दै सेमिफाइनलमा प्रवेश गरेका थिए ।
यता निकै रोमाञ्चक दोस्रो सेमिफाइनलमा मेलम्चीले द माइटी साँगाचोक क्लबलाई सुपर ओभरमा पराजित गर्यो ।
साँगाचोकले प्रस्तुत गरेको ८२ रनको लक्ष्य पछ्याएको मेलम्चीले निर्धारित १० ओभरमा पाँच विकेट गुमाउँदै ८१ रन नै बनाएपछि खेल सुपर ओभरमा गएको थियो ।
वर्षाका कारण खेललाई १० ओभरमा झारिएको थियो । मेलम्चीका लागि कप्तान रिन्जिङ लामाले ३३, उत्तम थापा मगरले १५ र सोनु देवकोटाले ११ रन बनाए ।
सँगाचोकका लागि उद्धव तिमल्सिनाले दुई तथा प्रतिक श्रेष्ठ, समुन चौलागाईँ र मनिष पराजुलीले समान एक विकेट लिए ।
त्यसअघि टस हारेर ब्याटिङको निम्तो पाएको साँगाचोकले निर्धारित २० ओभरमा आठ विकेट गुमाउँदै ८१ रनको योगफल तयार पारेको थियो ।
साँगाचोकका लागि आशोक पौडेल ३३, प्रतिश श्रेष्ठले २१ र कप्तान उमंग धितालले १० रन बनाए ।
मेलम्चीका लागि सन्दीपकुमार शाहले दुई तथा सोनु देवकोटा, निशान भारती, राकेश श्रेष्ठ र रिन्जिङ लामाले समान एक विकेट लिए ।
मेलम्ची समुह ‘बी’ को विजेता र साँगाचोक समूह ‘ए’ को उपाविजेताका रूपमा अन्तिम चारमा पुगेका थिए ।
पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगिताको फाइनल सोमबार हुनेछ ।
प्रतियोगिताको विजेताले १ लाख र उपविजेताले ५० हजार रुपैयाँ प्राप्त गर्नेछन् ।
काठमाडौं । अमेरिकी क्लब इन्टर मियामी र इजिप्टियन क्लब अल अहलीले फिफा क्लब विश्वकपमा गोलरहित बराबरी खेलेका छन्।
अमेरिकाको मियामीस्थित हार्ड रक रंगशालामा सम्पन्न उद्घाटन खेलमा घरेलु टोली मियामी गोलरहित बराबरीमा रोकिएको हो।
खेलमा दुवै टोलीले पाएका केही अवसरलाई सदुपयोग गर्न सकेनन्।
यो बराबरीसँगै समूह 'ए' का दुबै टोलीले पहिलो खेलबाट एक एक अंक जोडेका छन्।
मियामीले अर्को खेल १९ जुनमा पोर्चुगिज क्लब पोर्टोविरुद्ध खेल्नेछ भने। सोही दिन अल अहलीको भेट पाल्मेइराससँग हुनेछ।
फिफा क्लब विश्वकपको नयाँ स्वरुपमा ३२ टोलीले प्रतिस्पर्धा गरिरहेका छन्।
काठमाडौं। नेपाल राष्ट्रिय महिला फुटबल टोलीकी स्ट्राइकर रेखा पौडेलले पहिलो अन्तर्राष्ट्रिय व्यावसायिक लिगमै उपाधि हासिल गरेकी छन्।
उनीसम्मिलित आबुधाबी कन्ट्री क्लबले अपराजित रहँदै युएई महिला लिग जितेको हो। समग्रमा आबुधाबी ११औंपल्ट लिग च्याम्पियन बनेको हो।
आठ टोली सहभागी रहेको लिगमा आबुधाबीले आफ्नो सात वटै खेलमा शतप्रतिशत जित निकाल्दै २१ अंक बटुल्यो। एक खेल खेल्न बाँकी रहेको इम्पायरले १५ अंकका साथ दोस्रो स्थानमा छ।
बुढानीलकण्ठ नगरपालिकाको प्रायोजनमा सम्पन्न प्रथम जुनियर राष्ट्रिय चेस च्याम्पियनसिपमा झापाका रिसोन थापाले सत प्रतिशत जित निकाल्दै प्रथम भएका छन्।
रिसोनले ९ चरणको खेलमा पूर्ण ९ अङ्क प्राप्त गर्दै पहिलो पुरस्कार नगद रु ४० हजार हात पार्न सफल भएका छन्। उनले नगदसहित आकर्षक ट्रफी स्वर्ण पदक र प्रमाणपत्र प्राप्त गरेका छन्।
यस्तै श्रीलंकामा भएको एसियाली चेसमा रजक पदक प्राप्त गरेका सीएम पुरुषोत्तम सिलवालले ८ अङ्क जोडेर द्वितीय बन्दै नगद २५ हजार प्राप्त गरेका छन्। प्रतिस्पर्धामा समान ७ अङ्क प्रोग्रेसिभ प्वाइन्टका आधारमा प्रतिक सुवेदी तृतीय बन्दै नगद १० हजार प्राप्त गरे।
रोमाञ्चक खेलतर्फ समान ७ अङ्क प्रोग्रेसिभ प्वाइन्टका आधारमा ललितपुरका अविक शाह चौथो स्थान मा रहँदै नगद ७ हजार ५०० प्राप्त गरेका छन् र काठमाडौँका अग्रिम सैजु पाँचौं स्थानमा प्रतियोगिता सम्पन्न गर्दै नगद ५ हजार पुरस्कार प्राप्त गरे।
यसैगरी जुनियर छात्रा तर्फ काठमाडौँ जिल्लाका रिया श्रेष्ठले ७ चरणको खेलमा पाँच जित र दुई बराबरी नतिजासँगै ६ अङ्कका साथ उपाधि जित्न सफल भएकी छिन्।
छात्रा तर्फ अपराजित रहँदै उपाधि जित्ने क्रममा रिया श्रेष्ठले पहिलो पुरस्कार नगद रु. ४० हजार, ट्रफी, गोल्ड मेडल र प्रमाणपत्र हात पारेकी छिन्।
प्रतियोगितामा बाँकेकी ईशा गिरीले ५.५ अङ्क टाइब्रेक ३३ प्वाइन्ट जोडेर द्वितीय बन्न सफल भएकी छिन्। ईशाले नगद पुरस्कार रु.२५ हजार, सिल्भर मेडल प्रमाणपत्र प्राप्त गरेकी छिन्।
यस्तै दक्षिणकाली नगरपालिकाका एन्जल महर्जनले समान ५.५ अङ्क टाइब्रेक ३१ प्वाइन्ट बनाउँदै तृतीय बन्न सफल भएकी छिन्। उनले नगद पुरस्कार रु १० हजार ब्रोन्ज मेडल र प्रमाणपत्र प्राप्त गरेका छन्।
यसै स्पर्धामा काठमाडौँका दानिसा पुरीले ५.५ अङ्क टाइब्रेक २७.५ प्वाइन्टमा सीमित रहँदै चौथो स्थान प्राप्त गरेका छन्। उनले नगद पुरस्कार रु ७,५०० हात पारेकी छिन्।
काठमाडौँकै प्रिसियस अधिकारीले पाँच अङ्क जोडेर पाँचौं स्थानमा उभिँदै नगद पुरस्कार रु ५ हजार हात पारेकी छिन्।
स्पर्धामा विधागततर्फ उत्कृष्ट छात्र यू ८ काठमाडौँका शुभाङ्ग प्रधान, यू १० आस्विक पोखरेल, यू १२ समृद्ध श्रेष्ठ, यू १४ ओस्कार पन्थी र यू १६ आद्यान्त काफ्ले र यू १८ युनिक गौतमले पुरस्कार ग्रहण गरे।
उत्कृष्ट छात्रातर्फ यू १० अग्रता आचार्य, यू १२ निहाना श्रेष्ठ, यू १४ नेलिसा ओझा, यू १६ ओजस्वी श्रेष्ठ र यू १८ ग्लोसी श्रेष्ठ ले नगद पुरस्कार ग्रहण गरेका छन्।
यसै बीच त्रिज्योति स्कुलमा भएको पुरस्कार वितरण कार्यक्रम संयोजक दीपक तामाङको सभापतित्वमा सम्पन्न भएको थियो।
उक्त समापन समारोहमा बुढानिलकण्ठ नगरपालिकाका प्रमुख मिठाराम अधिकारीले विजेता खेलाडीहरुलाई पुरस्कार वितरण गरेका छन्। कार्यक्रममा नेपाल बुद्धिचाल महासङ्घका अध्यक्ष हेराकाजी महर्जन, प्रवक्ता राजु ताम्राकारको उपस्थिति रहेको थियो।
","created":"2025-06-15T07:32:23.938429+05:45","news_slug":"Junior-chess-rison-Riya-winner"},{"id":3412,"author":{"id":7,"first_name":"Swadesh","last_name":"Maharjan"},"title":"एपीएफ प्रचण्ड कप भलिबलको च्याम्पियन","news_image_url":"https://app.nepalsportz.com/media/IMG_0820.jpeg","news_image_file":"https://app.nepalsportz.com/media/IMG_0820.jpeg","category":[{"id":4,"created":"2023-02-08T17:13:28.632012+05:45","modified":"2023-02-08T17:13:28.632034+05:45","created_np":"2079-10-25T17:13:28.632047+05:45","modified_np":"2079-10-25T17:13:28.632269+05:45","name":"Volleyball","slug":"volley-ball"}],"season":null,"content":"पोखरा । विभागीय टिम एपीएफ क्लबले ‘प्रचण्ड कप’ राष्ट्रिय महिला भलिबल प्रतियोगिताको उपाधि जितेको छ । शनिबार पोखरा रंगशालामा नेपाल पुलिस क्लबमाथि शानदार जित निकाल्दै एपीएफ पहिलो संस्करणको प्रतियोगिताको च्याम्पियन बनेको हो ।
एपीएफले पुलिसलाई ३–० को सोझो सेटमा हरायो । पुलिसमाथि हाबी बनेको एपीएफले २५–१९, २५–२० र २५–१३ को सहज जित निकाल्यो । निरुता ठगुन्नाको अलराउण्डर प्रर्दशनमा एपीएफको सहज जित सम्भव बनेको हो । उपाधि सहित एपीएफले ६ लाख रुपैयाँ प्राप्त गरेको छ । पुलिसले ३ लाख रुपैयाँमा चित्त बुझाएको छ ।
उपाधिको दाबेदार मानिएको न्यु डायमण्ड स्पोर्ट्स क्लब तेस्रो बन्यो । न्यु डामण्डले तेस्रो स्थानका लागि भएको खेलमा एभरेस्टलाई २५–८, २५–१९ र २५–११ को सेटमा हरायो । तेस्रो बनेको न्यु डायमण्डले १ लाख रुपैयाँ हात पार्यो ।
प्रतियोगिताको सर्वोत्कृष्ट खेलाडी एपीएफकी निरुता ठगुन्ना घोषित भईन् । उनले ३० हजार रुपैयाँ प्राप्त गरिन् । विधागत पुरस्कारतर्फ पुलिसकी उषा भण्डारी उत्कृष्ट स्पाईकर, न्यु डायमण्डकी सुमित्रा रेग्मी उत्कृष्ट ब्लकर, न्यु डायमण्डकी शलिना श्रेष्ठ उत्कृष्ट लिब्रो, एपीएफकी श्रृष्टि खड्गी उत्कृष्ट सर्भर र एपीएफका पुष्पजंग मल्ल उत्कृष्ट प्रशिक्षक घोषित भए । विधागततर्फका उत्कृष्टले जनही २० हजार रुपैयाँ प्राप्त गरे ।
विजेता खेलाडीलाई प्रमुख अतिथी शक्तिबहादुर बस्नेत, अखिल नेपाल खेलकुद महासंघका अध्यक्ष शिव कोईराला ज्वाला, राष्ट्रिय खेलकुद परिषदका बोर्ड सदस्यहरु अन्जन धमला, सम्राट कुशारी लगायतका अतिथीहरुले नगद, ट्रफी, मेडल, प्रमाणपत्रले पुरस्कृत गरेका थिए ।
नेश्नल स्पोर्ट्स एकेडमीले आयोजना गरेको प्रतियोगिता जेठ २७ गतेदेखि पोखरा रंगशालामा सुरु भएको थियो । प्रतियोगितामा राष्ट्रिय स्तरका ६ महिला भलिबलका टिम सहभागी थिए । समापन समारोहमा आयोजक टिमका अध्यक्ष दिपक कोईरालाले कार्यक्रमको दोस्रो संस्करणमा पुरुष विधालाई समेत समावेश गरेर अझ भब्य रुपमा सञ्चालन गरिने प्रतिबद्धता ब्यक्त गरेका थिए ।