काठमाडौं। मैतिदेवीमा रहेको युनिभर्सल कलेजले नेपाली राष्ट्रिय महिला क्रिकेट कप्तान इन्दु बर्मालाई ब्रान्ड एम्बासडमा नियुक्त गरेको छ।
यसैगरी उनी कक्षा ११ मा व्यवस्थापन संकायमा भर्ना पनि भएकी छन्। इन्दुलाई कलेजका प्रिन्सिपल डा. शिवदत्त ज्ञवाली, नेटवर्क डाइरेक्टर राजु टण्डन, एकेडेमिक इन्चार्ज तिर्थराज घिमिरेलगायतले स्वागत गरेका थिए।
इन्दुको नियुक्तिले खेलकुद तथा अध्ययनलाई सँग-सँगै अगाडि बढाउन खोज्ने आम विद्यार्थीलाई प्रेरणाको श्रोत हुने विश्वास गरिएको छ। क्याप्टेन वर्मालाई शैक्षिक तथा खेल जीवनका लागि आवश्यक सबै किसिमको सहयोग गरिने प्रतिबद्धता प्रिन्सिपल डा. ज्ञवालीले व्यक्त गरे।
‘२८ वर्ष लामो गौरवमय शैक्षिक इतिहास बोकेको कलेजको ब्राण्ड एम्बासडर तथा विद्यार्थी हुन पाउँदा मलाई मेरो खेल जीवन र अध्ययनमा थप आत्मविश्वास तथा हौसला मिलेको छ,’ इन्दुले भनिन्।
काठमाडौं। नेक्सोभा स्पोर्टस प्रालिको आयोजनामा हुने सिटी इन्डोर क्रिकेट च्याम्पियनसिपको पहिलो संस्करण असार २९ देखि ३२ गतेसम्म हुने भएको छ।
बुढानिलकण्ठको चुनिखेलस्थित रोयल स्पोर्टस पाकएमा हुने प्रतियोगितामा १६ क्लबको सहभागिता रहने भएको छ। सहभागी टोलीलाई चार समूहमा विभाजन गरिनेछ। समूहका शीर्ष दुई टोलीले क्वार्टरफाइनलमा स्थान बनाउने छन्।
सिटी सिपको सहयोगमा नेक्सोभा स्पोर्टसले इन्डोर क्रिकेटको प्रवद्र्धन गर्ने उद्धेश्यसहित प्रतियोगिताको आयोजना गर्न लागेको हो।
इन्डोर क्रिकेट मनसुनमा पनि खेल्न मिल्ने भएकाले यसले राजधानीमा क्रिकेटको माहोललाई जीवितै राख्ने आयोजकले बताएकाे छ।
प्रतियोगिताका लागि खुलारूपमा खेलाडी दर्ता गर्न सकिनेछ। जसमा घरेलु देखि अन्तर्राष्ट्रिय स्तरका खेलाडीले सहभागिता जनाउन पाउनेछन्। पाँच लाख रुपैयाँ रहेको प्रतियोगिताको विजेताले १ लाख रुपैयाँसहित ट्रफी, मेडर र प्रमाण पत्र प्राप्त गर्नेछन्।
यसैगरी उपविजेताले ५० हजारसहित ट्रफी, मेडल र प्रमाण पत्र प्राप्त गर्नेछन्। यसैगरी प्रत्येक खेलका ‘प्लेयर अफ दि म्याच’लाई विशेष पुरस्कार प्रदान गरिनेछ।
काठमाडौं। नेपालले एएफसी महिला एसिया कप छनोटको दोस्रो खेलमा पनि फराकिलो जित हासिल गरेकोछ।
समूह ‘एफ’मा रहेको नेपालले उज्वेकिस्तानको राजधानी तास्केन्दस्थित मिली रंगशालामा बुधबार सम्पन्न खेलमा श्रीलंकालाई ८–० ले पराजित गरेको हो।
नेपालको जितमा कप्तान सावित्रा भण्डारीले ह्याट्रिक पूरा गरिन्। गीता रानाले दुई तथा निशा थोकर, रेखा पौडेल र पुजा रानाले समान एक गोल गरे।
यसअघि पहिलो खेलमा लाओसलाई ९–० ले हराएको नेपाल यो जितसँगै हालका लागि अंकतालिकाको शीर्ष स्थानमा उक्लिएको छ।
नेपालले समूह चरणको अन्तिम खेलमा आगामी शनिबार घरेलु टाेली उज्वेकिस्तानको सामना गर्नेछ।
एएफसी एशियन कप छनोट
नेपाल र श्रीलंका बिच खेल लाईभ हेर्नुहोस
नेपालले आज एएफसी एशियन कप छनोटको दोस्रो खेल श्रीलंकासंग खेल्दै छ। खेल नेपाली समय अनुसार सांझ ६ः१४ बजे उज्बेकिस्तानको बनयोडकर रंगशालामा हुनेछन्।
नेपालले पहिलो खेलमा लाओसलाई ९-० गोलले पराजित गरेको थियो। यता श्रीलंका भने आयोजक टोली उज्बेकिस्तानसंग १०-० गोलले पराजि भएको थियो।
नेपाल र श्रीलंका बिच अहिले सम्मको नतिजामा नेपाल नै हाबी भईरहेको छ । अहिले सम्म श्रीलंकासंग नेपाल पराजित भएको छैन।
यसैगरी आज नै समूह एफ को दोस्रो खेल उज्बेकिस्तान र लाओस बिच हुदै छ।
बेल्जियमका प्रशिक्षक प्याट्रिक डे वाइल्डको नेतृत्वमा रहेको नेपाल टोलीको समूहमा उज्बेकिस्तान, लाओस र श्रीलंकासँग रहेकोछ। समूह विजेता मात्र अर्को वर्ष अष्ट्रेलियामा आयोजना हुने अन्तिम प्रतियोगिताको लागि छनोट हुनेछ।
नेपालको तेस्रो खेल आयोजक उज्बेकिस्तानसंग जुलाई ५ २०२५, शनिबार हुनेछ।
नेपाल यसअघि तीन पटक एसियाली कपको लागि छनोट भइसकेको छ, तर समूह चरणबाटै बाहिरिएको थियो।
एसियन कप छनोटका लागि नेपाली टोली
गोलकिपरः अन्जिला तुम्बापो सुब्बा, उषा नाथ, अञ्जना राना मगर
डिफेन्डरः गीता राणा, निशा थोकर, समीक्षा घिमिरे, मनमाया दमाई, प्रतीक्षा चौधरी, विमला विक, पूजा राना, अमृता जैशी
मिडफिल्डरः विमला चौधरी, अनिता बस्नेत, रेणुका नगरकोटे, प्रीति राई, सरु लिम्बु, सविता राना मगर, सरस्वती हमाल
फरवार्डः सावित्रा भण्डारी, रश्मीकुमारी घिसिङ, चन्द्र भण्डारी, अनिता केसी, रेखा पौडेल
काठमाडौं। स्पेनिस महारथी रियल मड्रिड फिफा क्लब विश्वकपको क्वाटरफाइनलमा प्रवेश गरेको छ।
गएराति सम्पन्न प्रि-क्वाटरफाइनलको खेलमा रियलले इटालियन सिरी 'ए' क्लब युभेन्टसमाथि १-० को कठिन जित हासिल गरेको हो।
रियलको जितमा गोन्जालो गार्सियाले गोल गरे। उनले खेलको ५४औं मिनेटमा गोल गरेका हुन्।
पहिलो हाफ गोलरहित बराबरीमा सकिएको थियो।
काठमाडौं। रौनक श्रीवास्तवको शतकसँगै नेपालले एसिसी यु–१६ इस्ट जोन कपमा भुटानलाई २९८ रनले पराजित गरेको छ।
मलेसियाको सेलाङ्गोर टर्फ क्लबको मैदानमा नेपालले दिएको ३५९ रनको विशाल लक्ष्य पछ्याएको भुटान ३२.४ ओभरमा ६० हुँदा ९ विकेट गुमाएको थियो। तर, अन्तिम ब्याटर क्रिजमा नआएपछि नेपाल विजयी भएको हो।
भुटानका लागि ब्याटिङतर्फ छिन्जाङ दावाले सर्वाधिक १४ युगेन छाेपेलले १० रन भने अन्या ब्याटरले दाेहाेराे अंकमा रन बनाउन सकेनन्।
भुटानलाई कम स्कोरमा रोक्न नेपालका लागि कप्तान विपिनप्रसाद शर्माले सर्वाधिक चार विकेट लिए। उनले १० ओभरमा ६ मेडन फ्याक्दै सात रन खर्चिए। यस्तै, सचिन भट्ट र सुयाेग भट्टराईले समान दुई विकेट लिए।
त्यसअघि टस जितेर ब्याटिङ रोजेको नेपालले निर्धारित ५० ओभरमा विकेट गुमाउँदै ३५८ रन बनाएको थियो।
नेपालका रौनकले सर्वाधिक १६८ रन बनाए। १३२ बल खेलेका उनले १६ चौका र ५ छक्का प्रहार गरे। जोय थापाले ६७ बलमा ७ चौकासहित अविजित ६१ रन बनाए।
श्रीवान्स ५४ र सुगम बुढाथोकी ३५ रनमा आउट भए।
भुटानका लागि साङ्गे दोर्जीले सर्वाधिक ३ विकेट लिए। जेन्जिङ लोडी जामत्शोको नाममा १ विकेट रह्यो।
नेपाल यसअघि नै समूह एबाट सेमिफाइनलमा प्रवेश गरि सकेकाे छ। याे जितसँगै जारी प्रतियोगितामा नेपालले समूह चरणका सबै खेलमा शानदार विजयी हासिल गर्याे।
नेपालले सिंगापुरलाई ६ तथा जापानलाई ९ विकेटले हराउँदा इन्डाेरनेसियामाथि ३७० रनकाे जित हात पारेकाे थियाे।
काठमाडौं। प्रिमियर लिग क्लब म्यान्चेस्टर सिटीलाई निराश बनाउँदै साउदी प्रो लिग क्लब अल हिलाल फिफा क्लब विश्वकपको क्वाटरफाइनलमा प्रवेश गरेको छ।
अमेरिकाको क्यापिगं वर्ल्ड स्टेडियममा मंगलबार बिहान सम्पन्न भएको खेलमा अल हिलालले सिटीलाई ४-३ गोलअन्तरले हराएको हो।
अल हिलालको जितमा मार्कस लियोनार्डोले २ तथा मालकोम र कालिदोउ कुलिबाइले समान १ गोल गरे। सिटीका लागि भने बर्नार्डो सिल्भा, एर्लिङ हालान्ड र फिल फोडेनले समान १ गोल गरे।
सिटीले खेलमा सुरुवाती अग्रता लिएको थियो। खेलको नवौं मिनेटमा बर्नार्डो सिल्भाले गोल गर्दै सिटीलाई अग्रता दिलाएका थिए। तर, खेलको ४६औं मिनेटमा मार्कस लियोनार्डोले गोल गर्दै हिलाललाई बराबरीमा ल्याए।
त्यसको ६ मिनेटपछि मालकोमले हिलाललाई अग्रता दिलाए। खेलको ५५औं मिनेटमा सिटीका लागि एर्लिङ हालान्डले बराबरी गोल गरे। ९० मिनेट र इन्ज्युरी समयमा गोल नहुँदा खेल अतिरिक्त समयमा गएको थियो।
९३औं मिनेटमा कालिदोउ कुलिबाइले गोल गर्दै हिलाललाई फेरि अग्रता दिलाए। तर, १०४औं मिनेटमा सिटीका फिल फोडेनले गोल गर्दै खेल फेरि बराबरीमा ल्याए।
११२औं मिनेटमा लियोनार्डोले व्यक्तिगत दोस्रो तथा खेलको निर्णायक गोल गर्दै हिलाललाई जित दिलाए।
यो जितसँगै अल हिलालले अब सेमिफाइनल प्रवेशका लागि ब्राजिलको फ्लुमिनेससँग खेल्नेछ। फ्लुमिनेसले प्रिक्वाटरफाइनलमा इटालीय क्लब इन्टर मिलानलाई हराएको थियो।
काठमाडौँ । इटालियन सिरी ए क्लब इन्टर मिलानलाई हराउँदै ब्राजिलियन क्लब फ्लुमिनेन्स फिफा क्लब विश्वकपको क्वाटरफाइनलमा पुगेको छ।
सोमबार राति सम्पन्न नकआउट चरणको खेलमा फ्लुमिनेन्सले मिलानलाई २-० गोल अन्तरले पराजित गरेको हो।
फ्लुमिनेन्सको जितमा जर्मन कानो र हर्कुलसले एक एक गोल गरे। यो हारसँगै इन्टर मिलानको विश्वकपको यात्रा सकिएको छ।
नेपाली राष्ट्रिय पुरुष फुटबल टोलीका कप्तान तथा गोलकिपर किरण चेम्जोङ आइटी सुत्र इन्कको ब्रान्ड एम्बेसडर नियुक्त भएका छन् ।
संयुक्त राज्य अमेरिकामा मुख्यालय रहेको र ११ वर्षदेखि प्रविधि क्षेत्रमा नवप्रवर्तनकारी समाधानहरू प्रदान गर्दै आएको आईटी कन्सल्टिङ कम्पनीले किरणलाई ३ वर्षका लागि सोमबार आफ्नो ब्रान्ड एम्बेसडर नियुक्त गरेको हो ।
सम्झौता ३० लाख रुपैयाँ बराबरको रहेको उल्लेख गर्दै आइटी सुत्रले यो समझौताले प्रविधि र खेलकुद दुई क्षेत्रलाई जोडेको बताइएको छ ।
कम्पनीको मुख्य उद्देश्य नेपाली प्राविधिक क्षमतालाई विश्व बजारमा प्रतिस्पर्धी बनाउनु रहेकोले किरणको प्रतिबद्धता, अनुशासन र अन्तर्राष्ट्रिय छविले कम्पनीको मिसनलाई थप बल पु¥याउने विश्वास लिएको बताइएको छ ।
कम्पनीका सिइओ पंकज श्रेष्ठले सहकार्यबारे भने, ‘किरण चेम्जोङ खेलकुदको मैदानमा मात्रै होइन, हरेक नेपाली युवाका लागि प्रेरणाको स्रोत हुन् । उनको अटल समर्पण र विश्वास कम्पनीको मूल्यमान्यतासँग मेल खान्छ । यो केवल एउटा व्यावसायिक सम्झौता मात्र नभई नेपाली प्रतिभालाई प्रविधि र खेलकुद दुवै क्षेत्रमा अगाडि बढाउने हाम्रो साझा प्रतिबद्धता हो ।’
सिइओ श्रेष्ठले यो साझेदारीले आइटी सुत्रका आगामी ब्रान्ड अभियान, युवा लक्षित तालिम कार्यक्रम, डिजिटल प्रस्तुति र सामाजिक पहलमा किरणको सक्रिय भूमिका निश्चित गर्ने बताए ।
आइटी सुत्र अमेरिकाको टेक्सासमा मुख्यालय रहेको एक आइटी परामर्श र स्टाफिङ कम्पनी हो। कम्पनीको सफलताको प्रमुख आधार अमेरिकाका प्रतिष्ठित कम्पनीहरूमा १२ सय भन्दा बढी नेपाली प्राविधिकलाई अवसर प्रदान गर्नु रहेको बताइएको छ।
किरण अहिले अमेरिका भ्रमणमा छन् । डेढ दशकभन्दा लामो समयदेखि राष्ट्रिय टोलीको गोलपोस्ट सम्हाल्दै आएका किरण राष्ट्रिय टोलीबाट १ सय खेल पूरा गर्ने पहिलो नेपाली खेलाडीको हुन् ।
उनले भारत र माल्दिभ्सबाट व्यवसायिक फुटबल खेलेका छन् । घरेलु फुटबलमा थ्री स्टार क्लब, मच्छिन्द्र क्लब तथा नेपाल सुपर लिग अन्तर्गत धनगढी एफसीबाट प्रतिनिधित्व गरेका छन् ।
काठमाडौं। असार २० गतेबाट सुरु एन्फा यु–१६ युथ लिगको उद्घाटन खेलमा श्री भगवती क्लब र मनाङ मर्स्याङ्दी क्लब खेल्ने भएका छन्।
एन्फा कम्प्लेक्स सातदोबाटोमा सोमबार भएको खेल तालिका अनुसार यी दुई टोली उद्घाटन खेल्न भिड्ने भएका हुन्। खेल दिउँसो १ बजेबाट सुरु हुनेछ।
यस्तै सोहि दिन अर्को खेलमा त्रिभुवन आर्मी फुटबल क्लबले हिमालयन शेर्पासँग प्रतिस्पर्धा गर्नेछ।
प्रतियोगितामा १४ वटै ए डिभिजन क्लबहरूको सहभागिता रहनेछ। अघिल्लो संस्करणमा ११ टोली मात्रै सहभागी थिए।
काठमाडौं। दोस्रो संस्करणकाे नेपाल प्रिमियर लिग (एनपिएल)का लागि पोखरा एभेन्जर्सले रिटेन र रिलिज गरिएका खेलाडीको सूची सार्वजनिक गरेको छ।
पोखराले आइतबार सामाजिक संजालमार्फत रिटेन र रिलिज खेलाडीको जानकारी दिएको हो।
पोखराले मार्की र कप्तान कुशल भुर्तेललाई रिटेनको पहिलो नम्बरमा राखेको छ। रिटेन हुने अन्य खेलाडीमा दिनेश खरेल, सागर ढकाल, किरण ठगुन्ना, आकाश चन्द र विपिन खत्री रहेका छन्।
रिलीज खेलाडी : अमृत गुरुङ, सुनम गौतम, दिलिप नाथ, नारायण जोशी, सुदिप अर्याल, तृतराज दास
यसअघि काठमाडौं गोर्खाज, लुम्बिनी लायन्स, सुदूरपश्चिम रोयल्स र चितवन राइनोजले पनि रिटेन र रिलिज खेलाडीको सुची सार्वजनिक गरिसकेको छ।
काठमाडौं। फ्रेन्चाइज टोली ललितपुर क्विन्सले दोस्रो संस्करणका एभरेस्ट महिला भलिबल लिगमा पनि उत्सव खड्कालाई नै प्रशिक्षण जिम्मेवारी सुम्पिएको छ।
क्लबले आइतबार खड्काकै प्रशिक्षणमा टोलीले प्रतियोगिता खेल्ने जानकारी दिएकाे हाे।
खड्काको प्रशिक्षणमा ललितपुर क्विन्स पहिलो संस्करणको फाइनलमा कर्णाली यश्विजसँग पराजित हुँदा उपविजेता बनेको थियो।
यसैगरी खड्को प्रशिक्षणमा हेल्प नेपाल स्पोर्टस क्लबले गत महिना सम्पन्न हेल्प नेपाल नवौं प्रधानमन्त्री कप एनभिए लिग च्याम्पियन बनेको थियो। दोस्रो संस्करण भदौ २० देखि २८ गतेसम्म हुँदैछ।
काठमाडौं। लिओनल मेस्सी आवद्ध इन्टर मियामी क्लब विश्वकपकाे अन्तिम १६ बाट बाहिरिएको छ।
एटलान्टामा भएको खेलमा मेस्सीको पूर्वक्लब पेरिस सेन्ट–जर्मेन (पिएसजी) सँग ४–० को लज्जास्पद हार बेहोर्दै इन्टर मियामी प्रतियोगिताबाट बाहिरिएको हो।
खेलको पहिलो हाफमै पिएसजीले चार गोल गर्दै स्पष्ट जित दर्ता गर्यो।
अनमार्क रहेका जोआओ नेभेसले छैठौं मिनेटमा हेडर गर्दै पहिलो गोल गरे। त्यसको आधा घण्टापछि टिमको उत्कृष्ट पासिङ मूभको अन्त्य गर्दै उनले नै दोस्रो गोल गरे।
४४औं मिनेटमा इन्टर मियामीका थमस अविलेसले आफ्नै पोस्टमा गोल गरेपछि स्कोर ३–० भयो। पहिलो हाफको अन्त्यतिर अचार्फ हाकिमीले चौथो गोल गर्दै इन्टर मियामीको पुनरागमनको ढोका बन्द गरे।
अब पिएसजीले शनिबार हुने क्वार्टरफाइनलमा र बायर्न म्युनिखसँग प्रतिस्पर्धा गर्नेछ।
काठमाडौं। कप्तान सावित्रा भण्डारी (साम्बा) को ह्याट्रिक प्रेरित नेपालले एसिया कप छनोट अन्तर्गतको आफ्नो पहिलो खेलमा लाओसविरुद्ध ६-० को जित हासिल गरेको छ।
उज्वेकस्तानको बुन्योदकोर स्टेडियम तास्कन्दमा आइतबार सम्पन्न खेलमा नेपालले दलाओसलाई ९-० ले पराजित गरेको हो।
नेपालको जितमा कप्तान सावित्राले ह्याट्रिकसहित ५ गाेल गर्दा अनिता बस्नेत, अनिता केसी, सरु लिम्बू र रश्मिकुमारी घिसिङले समान एक गोल गरे।
पहिलो हाफमा २ गोलमात्रै गरेको नेपालले दोस्रो हाफमा थप ७ गोल गर्न सफल भयो।
खेलको १२औं तथा सावित्राले ४४औं मिनेटमा गोल गर्दै पहिलो हाफभरि नेपाललाई २ गोलको अग्रता दिलाएकी थिइन्।
काठमाडौं। एसिया कप छनोट अन्तर्गतको आफ्नो पहिलो खेलमा नेपालले लाओसविरुद्ध २-० को अग्रता बनाएको छ।
उज्वेकिस्तानमा जारी खेलको पहिलो हाफ सकिँदा नेपालले २ गोलको अग्रता बनाएको हो।
नेपालका लागि अनिता बस्नेत र कप्तान सावित्रा भण्डारीले गोल गरिन्।
अनिताले खेलको १२औं तथा सावित्राले ४४औं मिनेटमा गोल गर्दै पहिलो हाफभरि नेपाललाई २ गोलको अग्रता दिलाएकी हुन्।
नेपाल र लाओस विरूद्ध खेल लाईभ हेर्नुस
नेपाल र लाओस विरूद्ध खेल लाईभ हेर्नुस
काठमाडौं। नियमित कप्तान तथा गोल किपर एन्जिला तुम्बाप्पो सुब्बालाई बेन्चमा राखिएको छ।
एएफसी महिला एसियन कप छनाेट अन्तर्गत लाओसविरूद्धको खेलमा नव नियुक्त प्रशिक्षक प्याट्रिक डि वाइल्डले कप्तानको जिम्मेवारी रेणुका नगरकोटेलाई दिइएको छ। प्लेइङ ११ मा नियमित रहेकी रेखा पौडेल र प्रिती राई पनि बेन्चमा रहेका छन्।
प्याट्रिकले लाओसविरुद्ध अन्जना राना मगरलाई गोल पोष्टको जिम्मा दिएका छन्।
अन्य खेलाडीहरू:
निशा थोकर, पुजा राना समिक्षा घिमिरे, सरू लिम्बु, सरस्वती हमाल, रेणुका नगरकोटी, सबिता राना मगर, अनिता बस्नेत, रश्मी कुमारी घिसिङ र साबित्रा भण्डारी प्लेइङ इलेभेनमा परेका छन्।
","created":"2025-06-29T17:38:47.953569+05:45","news_slug":"Nepal-playing-XI-against-Laos-"},{"id":3473,"author":{"id":7,"first_name":"Swadesh","last_name":"Maharjan"},"title":"रसिलालाई माउन्ट पोपा अल्ट्राया रनको उपाधि","news_image_url":"https://app.nepalsportz.com/media/OxffzBLn.jpeg","news_image_file":"https://app.nepalsportz.com/media/OxffzBLn.jpeg","category":[{"id":6,"created":"2023-02-25T05:35:16.095163+05:45","modified":"2023-02-25T05:43:41.832025+05:45","created_np":"2079-11-13T05:43:41.832036+05:45","modified_np":"2079-11-13T05:43:41.832254+05:45","name":"Other Sports","slug":"other-sports"}],"season":null,"content":"रसिलालाई माउन्ट पोपा अल्ट्राया रनको उपाधि काठमाडौँ, असार १५ गते । अल्ट्रा रनर रसिला तामाङले आइतबार माउन्ट पोपा अल्ट्रा म्याराथनको उपाधि जितेकी छन् । म्यानमारमा भएको ५० किमी दुरीको ट्रायल रनमा रसिलाले पुरुष धावकहरुलाई समेत पछाडि पारेर ओभरअलमै पहिलो भएकी हुन् । सन् २०२३ मा भएको एसिया ट्रायल मास्टर्स महिला च्याम्पियन्सीपमा पहिलो स्थान हासिल गरेर इतिहास बनाएकी रसिलाले ६ घन्टा १८ मिनट ५१ सकेन्डमा दौड पूरा गरिन् । रसिलाले जितपछि कोरोस घडीसहित अन्य गिफ्ट ह्यामपर प्राप्त गरिन् । सोही दुरीमा पुरुषतर्फ पहिलो स्थान हासिल गर्ने पाइङ ओले सात घन्टा ३८ मिनेट ४२ सकेन्ड समय लगाएका थिए । महिलातर्फ दोस्रो हुने यीयीले नौ घन्टा नौ सकेन्डमा दोड पुरा गरिन् । साराह सेङ तेस्रो भइन् । पुरुषतर्फ ज्याक स्पिड दोस्रो र अङ टुन लिन तेस्रो स्थानमा रहे । यस जितसँगै रसिलाले अक्टोबर ४ तारिखमा भियतनाममा हुने एटिएम च्याम्पियन्सीप फाइनलमा चयन भएकी छन् । रसिलाले जितपछि ओभरअलमै जित प्राप्त गर्दा निकै खुशी लागेको बताइन् । उनले व्यवस्थितरुपमा रेस आयोजना गरेको भन्दै आयोजकको प्रशंसा पनि गरिन् ।
काठमाडौं। ओपनर प्रसिद्ध जैसीको शतक र कप्तान विपिनप्रसाद शर्माको ६ विकेट सहयोगमा साविक विजेताले नेपाल एसिसी मेन्स यु१६ इस्ट जोन कप २०२५ मा सेमिफाइनल प्रवेश गरेको छ।
एक खेल अगावै सेमिफाइनल प्रवेश गर्ने क्रममा नेपालले आइतबार इण्डोनेसियामाथि ३७० रनको विशाल जित हासिल गर्यो। ४२१ रनको विशाल लक्ष्य पछ्याएको इण्डोनेसिया २४.३ ओभरमा ५० रनमा अलआउट भयो।
इण्डोनेसियाका लागि कविन निरज चन्दा ३४ बलमा १५ तथा दिभित नन्दा ३१ बलमा १४ रनमा आउट भए। इण्डोनेसियाका ९ खेलाडीले दोहोरो अंकमा रन जोड्न सकेनन्।
इण्डोनेसियालाई सस्तैमा समेट्न नेपालका लागि कप्तान विपिनप्रसादले ७.३ ओभरमा १२ रन खर्चिएर ६ विकेट लिए। शुभम खनाल र सुगम बुढाथोकीले समान १ विकेट लिए।
त्यसअघि मलेसियामा टस हारेर ब्याटिङको निम्तो पाएको नेपालले निर्धारित ५० ओभरमा ५ विकेट गुमाएर ४२० रनको विशाल योगफल तयार गरेको थियो।
यो हारसँगै इण्डोनेसिया भने एक खेल अगावै प्रतियोगिताबाट बाहिरिएको छ।
नेपाल तेस्रो खेलमा अपराजित रहँदै सेमिफाइनल प्रवेश गरेको हो। नेपालले पहिलो खेलमा सिंगापुर र दोस्रो खेलमा जापानलाई हराएको थियो।