![](\"https://nepalsports.s3.amazonaws.com/media/django-summernote/2023-11-13/4e67da26-c99d-4ded-ab12-15ebab34c51d.jpeg\")
काठमाडौँ– आइसीसी एकदिवसीय विश्वकप क्रिकेट–२०२३ को दोस्रो सेमिफाइनल खेलमा दक्षिण अफ्रिकालाई पराजित गर्दै अस्ट्रेलिया फाइनलमा पुगेको छ।
अस्ट्रेलियाले उपाधिका लागि भारतसँगको भेट पक्का गरेको हो।
अस्ट्रेलियाले ४७.२ ओभरमा ७ विकेट गुमाएर दक्षिण अफ्रिकाले दिएको २१३ रनको लक्ष्य पूरा गर्यो।
अस्ट्रेलियाका लागि ओपनर ट्रेविस हेडले अर्धशतक प्रहार गरे। ४८ बलको सामना गरेका ९ चौका र २ छक्का प्रहार गर्दै उनले ६२ रन बनाए।
स्टिभ स्मिथले ३०, डेभिड वार्नरले २९, जोस इंग्लिसले २८, मार्नस लाबुसेनले १८ रन जोडे। अस्ट्रेलियाले १७ अतिरिक्त रन पायो।
दक्षिण अफ्रिकाका लागि जेराल्ड कट्जी र तबरेज शम्सीले २-२ विकेट लिए।
यसअघि इडेन गार्डेन कोलकातामा टस जितेर पहिला ब्याटिङ रोजेको दक्षिण अफ्रिकाले ४९.४ ओभरमा २१२ रनमा अल आउट भएको थियो।
दक्षिण अफ्रिकाका लागि डेविड मिलरको शतक बनाए। हेनरिक क्लासेनले ४८ बलमा ४ चौका र २ छक्कासहित ४७ रनमा आउट भए।
एक समय २४–४ को अवस्थामा पुगेको टोलीलाई मिलर र क्लासेनले पाँचौँ विकेटका लागि ९५ रनको महत्त्वपूर्ण साझेदारी गरेका थिए।
अन्य ब्याटरको प्रदर्शन राम्रो हुन सकेन।
अस्ट्रेलियाका प्याट कमिन्स र मिचेल स्टार्कले ३-३ विकेट लिए। त्यस्तै, ट्रविस हेड र जोस हेजलवुडले २-२ विकेट लिए।
फाइनल खेल आइतबार हुने छ।
काठमाडौँ– फिफा विश्वकप २०२६ छनोटको दोस्रो चरणअन्तर्गत पहिलो खेलमा नेपाल यूएईसँग पराजित भएको छ।
राति भएको खेलमा घरेलु टोलीले नेपाललाई ४–० ले हराएको हो।
यूएईको जितमा कप्तान अलि मखबूटले २ तथ खलीफा अल–हम्मादि र फावियो लिमाले १–१ गोल गरे।
खेल अवधिभर नै यूएईले नेपाललाई दबाबमा राखेको थियो। नेपालले सबै गोल पहिलो हाफमा खाएको थियो।
छनोटको दोस्रो खेल नेपालले मंसिर ५ मा यमनविरुद्ध काठमाडौँमा खेल्नेछ।
काठमाडौँ- चार देश सम्मिलित टी–२० सिरिजअन्तर्गत नेपालले बिहीबार दोस्रो खेल हङकङसित खेल्दै छ।
खेल बिहान ११ः४५ बजे सुरु हुने छ। पहिलो खेलमा पराजित नेपाल यो खेल जित्नैपर्ने दबाबमा छ।
हङकङ भने पहिलो खेलमा बुधबार जापानसित विजयी भएको थियो।
यो खेल जितेमा हङकङले उपाधि भिडन्त पक्का गर्ने छ।
नेपाल पहिलो खेलमा बुधबार तान्जानियासित २७ रनले पराजित भएको थियो।
काठमाडौँ- फिफा विश्वकप छनोट अन्तर्गत नेपाल र युएईबीचको खेल बिहीबार हुँदैछ।
नेपाली समयअनुसार राति साढे ९ बजे नेपालले दोस्रो चरणको पहिलो खेल युएईको दुबईमा खेल्नेछ।
दोस्रो चरणमा नेपाल रहेको समूहमा युएई, बहराइन र यमन छन्। दोस्रो चरणका खेलहरू होम एन्ड अवेमा २-२ खेलमा हुने भएकाले नेपालले ६ खेल खेल्नेछ।
मंसिर ५ मा नेपालले दोस्रो खेल यमनसँग दशरथ रंगशालामा साँझ ७ बजे खेल्नेछ।
चार टिममध्ये शीर्ष दुई टिम एसिया कपमा छनोट हुनेछन्। शीर्ष दुई टिम विश्वकपको तेस्रो चरणका लागि छानिनेछन्।
पुछारका दुई टिमको विश्वकप छनोट यात्रा सकिएपनि एसिया कपको तेस्रो चरणमा स्थान बन्नेछ।
काठमाडौँ– बाबर आजमले पाकिस्तानको क्रिकेट टिमको कप्तानी छाडेको घोषणा गरेका छन्।
एकदिवसीय विश्वकप–२०२३ मा टिमले खराब प्रदर्शन गरेपछि सामाजिक सञ्जालमार्फत क्रिकेट टिमको नेतृत्व छाडेको घोषणा गरेका हुन्।
उनले आफूले सबै फर्म्याटको कप्तानी छाडेको घोषणा गरेका छन्। यद्यपि, उनी टिममा खेलाडीका रूपमा भने रहने छन्।
उनले सामाजिक सञ्जालमा सबै फर्म्याटको कप्तानी छोड्ने मुस्किल निर्णय लिएको बताएका छन्। यद्यपि आफ्नो निर्णयका लागि यो सही समय भएको उनको भनाइ छ। “आजबाट मैले सबै फर्म्याटको कप्तानी छाडेको छु। यो मुस्किल निर्णय भए पनि यसका लागि यो सही समय हो,” उनले एक्समा लेखेका छन्।
उनी २०१९ मा पाकिस्तानको क्रिकेट टिमको कप्तान बनेका थिए।
भारत विश्वकप क्रिकेट–२०२३ को फाइनलमा प्रवेश गरेको छ।
राति सम्पन्न पहिलो सेमिफाइनमा न्युजिल्यान्डलाई ७० रनले पराजित गर्दै घरेलु टोली १३ वर्षपछि विश्वकपको उपाधि नजिक पुगेको हो।
जितका लागि ३९८ रनको लक्ष्य पाएको न्युजिल्यान्ड ४८.५ ओभरमा ३२७ रन बनाएर अलआउट भयो।
न्युजिल्यान्डका ड्यारेल मिचेलले ११९ बलमा ९ चौका र ७ छक्कासहित सर्वाधिक १३४ रनको शतकीय इनिङ्स खेले पनि टोलीलाई जिताउन सकेनन्।
केन विलियम्सन ७३ बलमा ७ चौका र १ छक्कासहित ६९ रनमा आउट भए।
भारतका मोहम्मद शामीले ७ विकेट लिए। जसप्रित बुमराह, कुलदिप यादव र मोहम्मद शिराजका नाममा समान १–१ विकेट रह्यो।
भारतको जितमा विराट कोहलीले ११३ बलमा ९ चौका र २ छक्कासहित सर्वाधिक ११७ रनको शतकिय इनिङ्स खेले
श्रेयस एयरले ७० बलमा ४ चौका र ८ छक्कासहित १०५ रनको शतकीय इनिङ्स खेले।
कप्तान रोहित शर्माले २९ बलमा ४ चौका र ४ छक्कासहित ४७ रन जोड्दै उत्कृष्ट शुरूआत दिलाएका थिए।
न्युजिल्यान्डका टिम साउथीले ३ तथा ट्रेन्ट बोल्टले १ विकेट लिए।
बिहीबार दोस्रो सेमिफाइनलमा अस्ट्रेलिया र दछिण अफ्रिकाबीच प्रतिस्पर्धा हुँदैछ। फाइनल आइतबार हुनेछ।
काठमाडौँ– हङकङ जारी चार देशीय महिला टी२० श्रृंखलामा नेपाल हङकङसँग पराजित भएको छ।
हङकङ क्रिकेट क्लबमा ११६ रनको लक्ष्य पछ्याएको नेपाल १६.५ ओभरमा ८८ रन बनाउँदै अलआउट भयो।
नेपालका सीता रना मगरले सर्वाधिक ४३ रन बनाइन्। कप्तान इन्दु बर्मा १७ रनमा आउट भइन्।
त्यसअघि टस जितेर पहिले ब्याटिङ रोजेको निर्धारित २० ओभरमा ७ विकेट गुमाउँदै ११५ रन बनाएको थियो।
तान्जानियाका आइसा ओमारीले सर्वाधिक २५ रनको योगदान दिइन्। हुद्दा मोहमदले २१ रन बनाइन्।
नेपालका संगिता राईले २ विकेट लिइन्। कप्तान इन्दु बर्मा, रुविना क्षेत्री र पूजा महतोले समान १–१ विकेट लिए।
स्पेनिस ला लिगा अन्तर्गत बार्सिलोना बिजयी भएको छ ।
बार्सिलोनाले आल्भेजलाई २-१ गोल अन्तरले पराजित गरेको हो ।
बार्सिलोनाको जितमा रोबेर्ट लेवानडोस्कीले दुवै गोल गरे
जितपछि १३ खेलमा ३० अंक भएको बार्सिलोना लिगको तेस्रो स्थानमा उक्लिएको छ ।
आल्भेजको भने यो हारपछि १३ खेलमा १२ अंक रहेको छ र लिगमा १५औं स्थानमा छ ।
इङ्लिस प्रिमियर लिग फुटबलमा चेल्सी र म्यानचेस्टर सिटीले बराबरीमा रोकिएका छन् ।
चेल्सीले सिटीसँग ४–४ गोलको बराबरी खेलेको हो ।
यो नतिजा पछि सिटी १२ खेलमा २८ अंकसहित शीर्ष स्थानमा कायमै रहेको छ।
चेल्सी भने १२ खेलमा १६ अंक सहित १०औं स्थानमा छ।
विश्वकप क्रिकेट अन्तर्गत आइतबार भएको खेलमा भारतले नेदरल्याण्डसमाथि १६० रनको शानदार जित निकालेको छ।
सुरुमा ब्याटिङ गरेको भारतले चार विकटेको क्षतिमा ४१० रन बनाएको थियो। नेदरल्याण्डविरुद्ध विशाल लक्ष्य बनाउन भारतका श्रेयस ऐयर र केएल राहुलले शतक प्रहार गरे ।
भारतका कप्तान रोहित शर्मा, शुभमन गिल र विराट कोहलीले अर्धशतक बनाए ।
विशाल रनको लक्ष्य पाएको नेदरल्याण्डस ४७.५ ओभरमा २५० रन बनाएर अलआउट भयो। नेदरल्याण्डसका लागि तेजा निदामानुरुले अर्थशतक बनाए।
यसअघि नै सेमिफाइनलमा स्थान पक्का गरेको भारतले नौ खेलमा सबै जित निकाल्दै १८ अंक बनाएको छ।
योसँगै सेमिफाइनल समीकरण पूरा भएको छ। विश्वकप २०२३ को सेमिफाइनलमा भारतसँगै दक्षिण अफ्रिका, अस्ट्रेलिया र न्युजल्याण्ड पुगेका छन्।
काठमाडौँ– इंग्लिस प्रिमियर लिग फुटबलमा आर्सनल विजयी भएका छन्।
शनिबार राति भएको खेलमा आर्सनलले बर्नलीलाई ३–१ ले पराजित गर्दै अंक तालिकाको दोस्रो स्थानमा उक्लिएको छ।
घरेलु मैदान इमिरेट्स स्टेडियममा आर्सनललाई जिताउन लियान्ड्रो ट्रोसार्ड, विलियम सालिबा र ओलेक्जेन्डर जिन्चेन्कोले गोल गरे।
जितपछि आर्सनल १२ खेलमा २७ अंक जोड्दै दोस्रो स्थानमा उक्लिएको छ।
बर्नली ४ अंकसहित १९औँ स्थानमा छ।
काठमाडौँ– इंग्लिस प्रिमियर लिग फुटबलमा म्यानचेस्टर युनाइटेड विजयी भएका छन्।
युनाइटेडले लुटन टाउनलाई १–० ले हराएको छ।
घरेलु मैदान ओल्ड ट्राफोर्डमा युनाइटेडका लागि डिफेन्डर भिक्टर लिन्डेलफले निर्णायक गोल गरे।
जितपछि युनाइटेड १२ खेलमा २१ अंक सहित छैठौँ स्थानमा उक्लिएको छ।
लुटन ६ अंकसहित १८औँ स्थानमा छ। ११ खेल खेलेको म्यानचेस्टर सिटी २७ अंकसहित शीर्ष स्थानमा छ।
काठमाडौँ । साउदी प्रो लिग फुटबल अन्तर्गत अल नासरले वेहदालाई पराजित गरेको छ।
अल नासरले अल वेहदालाई ३-१ गोल अन्तरले पराजित गरेको हो।
अल नासरको जितमा एलेक्स टेल्लेज, अब्दुलेलाह अल अम्री र क्रिस्टियानो रोनाल्डोले एक एक गोल गरे
१३ खेलबाट अल नासरको ३१ अंकसहित लिगमा दोस्रो स्थानमा रहेको छ।
बुन्डेसलिगामा बायर्न म्युनिख शीर्ष स्थानमा उक्लिएको छ । शनिबार घरेलु मैदानमा भएको खेलमा बायर्नले एफसी हेडेनहाइमलाई ४–२ गोलले पराजित गरेको हो ।
बायर्नको जितमा ह्यारी केनले दुई गोल गरे भने राफायल गुइरेइरो र एरिक मेक्सिमले समान एक एक गोल गरेको थियो । पाहुना टोलीका लागि टिम क्लेइन्डिएन्स्ट र जान निकलास बेस्टेले एक एक गोल गरेको थियो।
खेलको १४औं मिनेटमा केनले सानेको पासमा गोल गरेको थियो। त्यस्तै खेलको ४४औं मिनेटमा सानेको कर्नर किकमा हेड गर्दै केनले दोस्रो गोल गरेको थियो।
दोस्रो हाफको ६७औं मिनेटमा एफसी हेडेनहाइमका टिम क्लेइन्डिएन्स्टले एक गोल फर्काए । पहिलो गोल फर्काएको ३ मिनेट पछि जान निकलास बेस्टेले गोल गर्दै २-२ को बराबरीमा पुऱ्यायो।
त्यसपछि बायनका लागि खेलको ७२औं मिनेटमा राफायल गुइरेइरोसे गोल गर्दै अग्रता दिलाए। त्यस्तै खेलको ८५औं मिेनेटमा एरिक मेक्सिमले म्याथी तेलको क्रसमा हेडर गोल गर्दै ४-२ को नतिजामा पुऱ्याए।
यस जित संगै बायन २९ अंक सहित शिर्ष स्थानमा उक्लिएको छ भने हार पछि एफसी हेडेनहाइम १० अंक सहित १३औं स्थानमा रहेको छ ।
नेपाल सितोरियो कराते डो संघ, प्रयागपोखरी डोजोले १९ औं एसियाली खेलकुदमा ऐतिहासिक रजत पदक जितेकी करातेकी एरिका गुरुङलाई शनिबार नगदसहित सम्मान गरेको छ । शुभ दिपावली, नेपाल सम्वत् ११४४ तथा छठ पर्वको उपलक्ष्यमा प्रयागपोखरीस्थित ललितपुर जिल्ला खेलकुद विकास समितिमा आयोजित शुभकामना आदान प्रदान कार्यक्रममा एरिकालाई सम्मान गरिएको हो ।
बागमती प्रदेशका उद्योग, वाणिज्य, भूमि तथा प्रशासन मन्त्री रामकृष्ण चित्रकार, प्रयागपोखरी डोजोका संस्थापक अध्यक्ष गोपाल महर्जन, प्रयागपोखरी डोजोका प्रशिक्षक विकास महर्जनलगायतले एरिकालाई नगद २० हजारसहित प्रशंसा पत्र प्रदान गरी सम्मान गरे ।
सोही अवसरमा १९ औं एसियाली खेलकुदको कराते टोलीका प्रशिक्षक कुशल श्रेष्ठ र वीरकृष्ण शाही र व्यवस्थापक निवासगोपाल वैद्यलाई पनि प्रशंसा पत्रद्वारा सम्मान गरिएको थियो ।
चीनको हाङझावमा गत असोजमा भएको एसियाली खेलकुदमा एरिकाले महिला ६८ केजीमाथि तौलसमूहमा रजत जितेकी थिइन् । एरिकाले जितेको रजत नेपालले एसियाली खेलकुदको करातेमा जितेको पहिलो रजत पदक हो । एरिकाअघि सीताकुमारी राई, समरबहादुर गोले र विमला तामाङले एसियाली खेलकुदको फरक संस्करणमा नेपाललाई करातेमा कांस्य दिलाएका थिए ।
प्रदीप खड्का र अभिलाषा विष्टले तेश्रो वीर गणेशमान सिंह राष्ट्रिय टेनिस प्रतियोगिताको सिंगल्स उपाधि शनिबार जितेका छन् । पुरुषमा प्रदीप र महिलामा अभिलाषा च्याम्पियन बनेका हुन् ।
सातदोबाटोस्थित टेनिस कोर्टमा भएको पुरुष फाइनलमा प्रदीपले ऋतिक राणालाई ७–५, ४–६ र ६–३ को सेटमा पराजित गरे ।
महिलाको उपाधि भिडन्तमा अभिलाषाले प्रकृति श्रेष्ठलाई ६–० र ६–० ले सहजै हराइन् । पुरुष÷महिला दुवैमा पहिलो हुनेले १ लाख तथा दोश्रोले ५० हजारका दरले नगद पुरस्कार हात पारे ।
प्रदीप र अभिलाषाले प्रतियोगितामा दोहोरो स्वर्ण जिते । दुवैले डबल्समा पनि स्वर्ण जिते । प्रदीपले निहालजंगबहादुर थापा तथा अभिलाषाले माहिका राणासंग मिलेर स्वर्ण हात पारेका हुन् ।
भेट्रान ३५ वर्षमाथि पुरुष सिंगल्समा पूर्व सिंगल्स राष्ट्रिय च्याम्पियन जितेन्द्र परियार पहिलो भए । उनले फाइनलमा कमलबहादुर भण्डारीको चुनौती ६–२, १–६ र १०–८ ले पन्छाए । जितेन्द्रले ५० हजार तथा कमलले २५ हजार नगद पुरस्कार पाए ।
वीर गणेशमान सिंह फाउन्डेसन तथा वीर गणेशमान सिंह स्पोर्ट्स कमिटीद्वारा संयुक्त आयोजित प्रतियोगिता सिनियर, भेट्रान र जुनियरमा गरी जम्मा २३ स्पर्धामा प्रतिस्पर्धा भएको थियो । यसअघि भेट्रान ३५ वर्षमाथि पुरुष डबलसमा सुभाष बस्नेत र सन्तोष खत्री, ४५ वर्षमाथि पुरुष सिंगल्समा महेश श्रेष्ठ, ४५ वर्षमाथि पुरुष डबल्समा रोहित सुनुवार र यज्ञबहादुर भण्डारी, ५५ वर्षमाथि पुरुष सिंगल्समा विमलकुमार गुरुङ, ५५ वर्षमाथि पुरुष डबल्समा सुदर्शन विष्ट र जीवन घिमिरे तथा ६५ वर्षमाथि पुरुष सिंगल्समा कमल थापा पहिलो भए ।
जुनियरमा शिभाली गुरुङ, विश्वविशेष डल्लाकोटी, सरा पन्त र वृजेश अर्यालले पनि दोहोरे स्वर्ण जित्न सफल भए । शिभालीले यु–१२ र यु–१४ गल्र्स सिंगल्समा स्वर्ण जितिन् । विश्वले यु–१० र यु–१२ ब्वाइज सिंगल्सको फाइनलमा बाजी मारे । सरा यु–९ र यु–१० गल्र्स सिंगल्समा अब्बल बनिन् । यु–१४ ब्वाइज सिंगल्समा स्वर्ण जितेका वृजेशले डबल्समा साश्वत वज्राचार्यसंग मिलेर पहिलो बने ।
त्यस्तै यु–८ सिंगल्सको ब्वाइजमा भिरल अग्रवाल र गल्र्समा निम्ति कुँवर, यु–९ ब्वाइज सिंगल्समा निश्चल ज्ञवाली तथा गल्र्स डबल्समा स्वस्तिका विष्ट र मेरिशा थापाले शीर्ष स्थान हात पारे ।
विजेतालाई पूर्व उपप्रधानमन्त्री प्रकाशमान सिंह, प्रतियोगिता संयोजक भाष्करमान सिंह, नागर्जुन नगरपालिकाका मेयर मोहनबहादुर बस्नेत, तार्केश्वर नगरपालिकाका मेयर हरिकृष्ण महर्जन, नेपाल टेनिस संघकी अध्यक्ष ज्योति राणा र महासचिव मनोहरदास मुल, आयोजक कमिटीका अध्यक्ष सन्जिव तुलाधरलगायतले एक कार्यक्रमबीच पुरसकार वितरण गरे ।
आठदिने प्रतियोगितामा करिब २ सय खेलाडीले प्रतिस्पर्धा गरेका थिए । जुनियरमा बाहेक सबै स्पर्धमा नगद पुरस्कारको व्यवस्था थियो । जम्मा ९ लाख ४ हजार ३ सय ७५ रुपैयाँ नगद पुरस्कार वितरण गरियो । जुनियरका पदक विजेतालाई भने गिफ्ट ह्याम्पर प्रदान गरिएको थियो ।
अन्तर्राष्ट्रिय क्रिकेट परिषद (आईसीसी) ले श्रीलंका क्रिकेट बोर्डलाई निलम्बन गरेको छ ।
आईसीसीको बोर्ड बैठकले सरकारको हस्तक्षेप भएको भन्दै श्रीलंकाको सदस्यता तत्काल लागू हुने गरि निलम्बन गर्ने निर्णय गरेको हो ।अनियमितता र भ्रष्टाचारमा संलग्न भएको भन्दै श्रीलंकाका खेलमन्त्री रोशन रणसिंघले सामी सिल्भा नेतृत्वको निर्वाचित क्रिकेट बोर्ड निलम्बन गर्दै नयाँ अन्तरिम कमिटी गठन गरेका थिए ।खेलमन्त्री रणसिंघले सिल्भा नेतृत्वको बोर्डले गरेका खर्च र अन्य कामकारबाहीका बारेमा छानबिन पनि गर्ने घोषणा गरेका थिए । रणसिंघले अन्तरिम कमिटीको प्रमुखमा अर्जुन रणतुंगालाई नियुक्त गरेका छन् । सन् १९९६ मा श्रीलंकालाई विश्वकप क्रिकेट उपाधि जिताउने कप्तान हुन् । उनी अहिले राजनीतिमा पनि संलग्न छन् ।
","created":"2023-11-10T21:46:56.449700+05:45","news_slug":"Sri-Lanka-cricket-ban-by-icc"},{"id":1835,"author":{"id":2,"first_name":"Nepalsports","last_name":""},"title":"सीता सम्मिलित जाडे जेट्सको विजयी शुरूआत","news_image_url":"https://pub-3c33246ca4a241a2b1671ce9faaa628a.r2.dev/media/399796019_879517637166682_4478004571540260941_n.jpg","news_image_file":"https://app.nepalsportz.com/media/399796019_879517637166682_4478004571540260941_n.jpg","category":[{"id":3,"created":"2023-02-08T17:13:09.647250+05:45","modified":"2023-02-08T17:13:09.647269+05:45","created_np":"2079-10-25T17:13:09.647282+05:45","modified_np":"2079-10-25T17:13:09.647504+05:45","name":"Cricket","slug":"Cricket-nepal"}],"season":null,"content":"काठमाडौँ– सीताराना मगरसम्मिलित जाडे जेट्सले हङकङमा जारी वुमन्स अल स्टार्स टी२० क्रिकेट प्रतियोगितामा विजयी शुरूआत गरेको छ। \r\n\r\nशुक्रबार सम्पन्न खेलमा जाडेले रुविना क्षेत्री बेलबासेसम्मिलित बाउहिनिया स्टार्सलाई ३९ रनले पराजित गर्दै विजयी शुरूआत गरेको हो।\r\n\r\nजाडेले दिएको १३३ रनको लक्ष्य पछ्याएको बाउहिनियाले निर्धारित २० ओभरमा ९३ रन मात्रै बनाउन सक्यो।\r\n\r\nबाउहिनियाका लागि रुविनाले अविजित रहँदै सर्वाधिक ३५ रन बनाइन्। उनले ३९ बलमा १ चौका प्रहार गरिन्। \r\n\r\nमारियम बिबीले २२ बलमा १ चौकासहित २२ रन बनाइन्। ओपनर इमा लीले १९ रन बनाउँदा इकरा शाहार ३ रनमा अविजित रहिन्।\r\n\r\nजाडेका लागि लागि मारिया बालोचले २ तथा एलिसन सियु र फतिमा अमिरले समान १ विकेट लिए।\r\n\r\n४ ओभर बलिङ गर्दै १२ रन दिएकी सीता भने विकेटविहीन रहिन्।\r\n\r\nसीता ‘प्लेयर अफ द म्याच’ घोषित भइन्।