![](\"https://cdn.nepalsportz.com/media/django-summernote/2024-06-11/b29da34d-4d5b-4bc0-a3f8-caea014356a8.jpeg\")
काठमाडौं । अखिल नेपाल फुटबल संघ (एन्फा) ले पूर्वअध्यक्ष स्वर्गीय ललितकृष्ण श्रेष्ठको स्मरणमा स्मृति सभा आयोजना गरेका छन्।
मंगलबार फुटबल खेलको विकास र विस्तारमा समर्पित श्रेष्ठको सम्झनामा सातदोबाटोस्थित एन्फा कम्प्लेक्समा स्मृति सभा आयोजना गरेको हो।
श्रेष्ठले नेपाली फुटबललाई व्यावसायिकतातर्फ डोहोर्याउनको लागि अग्रणी भूमिका निर्वाह गरेको अखिल नेपाल फुटबल संघ ९एन्फा० का अध्यक्ष पङ्कजविक्रम नेम्वाङले बताए।
उनले भने, ‘ललित दाइको जति पनि मैंले संगत गरे उहाँको खराब पक्ष भनेको एउटा मात्र देखें–उहाँ सबैको पक्षमा बोल्नुहुन्थ्यो । एकतामा नै विकास हुन्छ भन्ने हिसाबले उहाँले काम गर्नुहुन्थ्यो।’
यसको साथै, उनले एन्फाका नेतृत्वहरु र सरोकारवालाहरु सबैलाई नेपाली फुटबलको विकास गर्ने हो भने फुटेर होइन जुटेर अगाडि बढेमात्र ललितकृष्णप्रतिको श्रद्धा हुने बताए।
उनले भने, ‘एन्फा हाँकिसक्नु भएका नेतृत्वहरुलाई के अनुरोध गर्न चाहन्छु भने तपाईंहरु साच्चै नेपाली फुटबलको विकास चाहनुहुन्छ भने फुटबलको विकासका लागि सुझाव लिएर आउन अनुरोध गर्दछु। हामी स्वीकार गर्न तयार छौं। सरोकारवालालाई पनि अनुरोध गर्छु नेपाली फुटबलको विकास गर्ने हो भने फुटेर होइन जुटेर अगाडि बढ्नुपर्छ। यो नै ललित दाइप्रतिको श्रद्धा हुनेछ।’
फिफा विश्वकप २०२६ र एएफसी एसियन कप–२०२७ को संयुक्त छनोटअन्तर्गत नेपालले आज अन्तिम खेल यमनसँग प्रतिस्पर्धा गर्दैछ ।
समूह “एच” मा रहेको नेपाल र यमनबीचको खेल साउदी अरेबियाको दमामस्थित प्रिन्स मोहम्मद बिन फहद रंगशालामा नेपाली समय अनुसार रातीको ११ः४५ बजे सुरु हुनेछ ।
नेपालले पहिलो लेगमा यमनसँग २-० ले पराजित भएको थियो ।नेपाल समूह एच मा अंक विहिन रहेको छ भने यमनको ४ अंक रहेको । नेपालले हाल सम्म पांच खेलमा कुनै पनि खेल जितेको छैन। यमन भने एक जित , एक बराबरी र ३ खेलमा हार व्यहोरेको छ । नेपालले हाल सम्म कुनै गोल पनि गरेको छैन। यस अघि युएई सँगको खेलमा नेपालको दुई प्रहार क्रसबारमा लागि गोल विहिन भएको थियो। नेपाली टोलीले आज भने गोलको खडेरी तोड्ने लक्ष्य साथ मैदानमा उत्रिने छ।
नेपाली टोली:
गोलकिपर: किरन चेम्जोङ (कप्तान), विशाल सुनार, अभिषेक बराल
डिफेन्डर: अभिषेक लिम्बू, अनन्त तामाङ, विमल पाण्डे, विशाल बस्नेत, छिरिङ लामा, सौभाग्य राई, सनिश श्रेष्ठ, रोहित चन्द
मिडफिल्डर: भरत खवास, लाकेन लिम्बू, मणि कुमार लामा, मनिष डाँगी, सुमन श्रेष्ठ, वसन्त जिम्बा, आशिष राई
फरवार्ड: जिलेस्पी जंग कार्की, हिसुब थपलिया, सञ्जीव विष्ट, आयुष घलान, आशिक बाबु चौधरी
","created":"2024-06-11T13:48:47.566270+05:45","news_slug":"Nepal-yamen-playing-today-fifa-qualifier-round-2"},{"id":2132,"author":{"id":7,"first_name":"Swadesh","last_name":"Maharjan"},"title":"विश्वकपमा दक्षिण अफ्रिकाको तेस्रो जित","news_image_url":"https://cdn.nepalsportz.com/media/IMG_5802.jpeg","news_image_file":"https://app.nepalsportz.com/media/IMG_5802.jpeg","category":[{"id":3,"created":"2023-02-08T17:13:09.647250+05:45","modified":"2023-02-08T17:13:09.647269+05:45","created_np":"2079-10-25T17:13:09.647282+05:45","modified_np":"2079-10-25T17:13:09.647504+05:45","name":"Cricket","slug":"Cricket-nepal"}],"season":null,"content":"काठमाडौं । दक्षिण अफ्रिकाले वेस्ट इन्डिज र अमेरिकामा जारी आइसीसी टी२० विश्वकपमा लगातार तेस्रो जित हासिल गरेको छ।
नासाउ काउन्टी अन्तर्राष्ट्रिय क्रिकेट स्टेडियममा सम्पन्न खेलमा अफ्रिका ४ रनले विजयी भयो।
अफ्रिकाले दिएको ११४ रनको लक्ष्य पाएको बंगलादेशले निर्धारित २० ओभरमा ७ विकेट गुमाउँदै १०९ रन मात्रै बनाउन सक्यो।
जितसँगै समूह 'डी' मा रहेको अफ्रिकाले तीन खेलमा तीन जितसहित छ अंक जोडेर अंक तालिकाको शीर्ष स्थानमा रहेको छ। पराजित बंगलादेश भने दई खेलमा एक जित एक पाजयसहित दुई अंकको साथ दोस्रो स्थानमा रहेको छ।
बंगलादेशका लागि ब्याटिङतर्फ तोहिद हृदोयले सर्वाधिक ३७ रन बनाए। ३४ बलमा उनले २ चौका र २ छक्का प्रहार गरे। मोहम्मद महमुदुल्लाहले २० रन र कपतान सान्तोले २३ बलमा १४ रन बनाए । यता, बलिङतर्फ अफ्रिकाको लागि केशव महाराजले सर्वाधिक तीन विकेट लिए। कागिसो रबाडा र एनरिच नोर्टजेले समान दई विकेट लिए।
टस जितेर ब्याटिङ गरेको दक्षिण अफ्रिकाले निर्धारित २० ओभरमा ६ विकेट गुमाएर ११३ रन बनायो।
दक्षिण अफ्रिकाका लागि हेनरिक क्लासेनले ४४ बलमा २ चौका र ३ छक्काको सहयोगमा ४६ रन बनाए। डेबिड मिलरले ३८ बलमा १ चौका र १ छक्काको सहयोगमा २९ रन बनाए। ओपनर क्विटन डि ककले ११ बलमा १८ रन बनाए।
बंगलादेशका लागि तान्जिम हसन सकिबले तीन तथा तस्किन अहमदले दुई विकेट लिए।
काठमाडौं । वेस्ट इन्डिज र अमेरिकामा जारी आइसीसी टी-२० विश्वकपमा दक्षिण अफ्रिकाले बंगलादेशलाई ११४ रनको विजयी लक्ष्य दिएको छ।
अमेरिकाको न्युयोर्कमा टस जितेर ब्याटिङ गरेको दक्षिण अफ्रिकाले निर्धारित २० ओभरमा ६ विकेट गुमाएर ११३ रन बनायो।
![](\"https://cdn.nepalsportz.com/media/django-summernote/2024-06-10/0b6414fb-6140-4902-be01-f2f4113dc7ac.jpeg\")
दक्षिण अफ्रिकाका लागि हेनरिक क्लासेनले ४४ बलमा २ चौका र ३ छक्काको सहयोगमा ४६ रन बनाए। डेबिड मिलरले ३८ बलमा १ चौका र १ छक्काको सहयोगमा २९ रन बनाए। ओपनर क्विटन डि ककले ११ बलमा १८ रन बनाए।
बंगलादेशका लागि तान्जिम हसन सकिबले तीन तथा तस्किन अहमदले दुई विकेट लिए।
काठमाडौं । कर्णाली प्रदेशका मुख्यमन्त्री यमलाल कँडेलले कर्णाली प्रदेशमा हुने १० औं राष्ट्रिय खेलकुद कर्णाली प्रदेशसंगै देशको पनि ठूलो इभेन्ट भएको बताएका छन् ।
युवा तथा खेलकुद मन्त्री विराजभक्त श्रेष्ठ, राष्ट्रिय खेलकुद परिषद्का सदस्य–सचिव टंकलाल घिसिङ, युवा तथा खेलकुद मन्त्रालयका सचिव सुमनराज अर्याल, सरोकारवालालगायतको उपस्थितिमा सोमबार सुर्खेतको वीरेन्द्रनगरमा १० औं राष्ट्रिय खेलकुदको सन्दर्भमा भएको बैठकमा मुख्यमन्त्री कँडेलले सो कुरा बताए हुन् ।
उनले तोकिएको मिति नसर्ने गरी राष्ट्रिय खेलकुद आयोजनाको तयारी अगाडि बढाउनु पर्नेमा जोड दिदै सबैले आ–आफ्नो तहबाट जिम्मेवारी पूरा गर्नु पर्ने बताए ।
खेलकुद मन्त्री श्रेष्ठले चुनौतीपूर्ण बजेटमा धेरै काम गर्नु पर्ने बाध्यता रहेको बताउदै ढृढ इच्छाशक्ति, समन्वय र सहकार्य राम्रो भयो भने चुनौतीलाई पार गर्न सकिने धारणा व्यक्त गरे ।
सदस्य–सचिव टंकलाल घिसिङले विगतको कमीकमजोरीलाई नदोहो¥याउनेमा सचेत रहेको बताउदै कर्णाली प्रदेशको अपनत्व भएको छ भन्ने गरी सन्देश दिन जरुरी रहेको बताए । सदस्य–सचिव घिसिङले १० औं राष्ट्रिय खेलकुदका लागि केन्द्रबाट भएका प्रगति बारे प्रकाश पारेका थिए ।
खेलकुद मन्त्रालयका सचिव सुमनराज अर्यालले संघीय मन्त्रालयको जिम्मेवारी पूरा गर्न खेलकुद मन्त्रालय गम्भीर र प्रतिबद्ध रहेको बताए । सोमबारै खेलकुद मन्त्री श्रेष्ठ र सदस्य–सचिव टंकलाल घिसिङले कर्णाली प्रदेशमा हुने १० औं राष्ट्रिय खेलकुदका लागि सुर्खेतमा निर्माणाधीन खेल पूर्वाधारको अवलोकन पनि गरेका थिए ।
काठमाडौं । सहिद स्मारक सी डिभिजन लिगअन्तर्गत अन्तिम चरणको खेलमा स्पोर्ट्स एकेडेमी साँगा र स्वयम्भू क्लबले बराबरी ख्ल्दै अंक बाँडेका छन्।
सातदोबाटोस्थित एन्फा कम्प्लेक्समा सोमबार सम्पन्न दिनको दोस्रो तथा अन्तिम खेलमा दुबै टोलीले गोलरहित बराबरी खेल्दै अंक बाँडेका हुन्।
यो नतिजासँगै १३ खेलमा १६ अंक जोडेको साँगा नवौं स्थानमा छ। समान खेलबाट १४ अंक जोडेको स्वयम्भूले १२औं स्थानमा रहेर लिगको अन्त्य गरेको छ।
तिरहुट टाइगर्सले छैठौं संस्करणको राजविराज मेयर कप सप्तरी प्रिमियर लिगको उपाधि जितेको छ।
सप्तरीको राजविराज स्थित पब्लिक विन्देश्वरी मैदानमा सोमबार सम्पन्न फाइनलमा तिरहुट टाइगर्सले छिन्नमस्ता लायन्सलाई ३१ रनले पराजित गर्यो।
तिरहुट टाइगर्सले दिएको ९२ रनको लक्ष्य पछ्याएको छिन्नमस्ता लायन्सले १४ ओभरमा ६० रनमा सबै विकेट गुमायो।
छिन्नमस्ताको लागि बिशाल पटेलले सर्वाधिक १४, मयन यादवले १३ तथा फिर्दोश अन्सारीले अविजित १२ रन बनाउनु बाहेक अन्य ब्याटरले दोहोरो अंकमा रन जोड्न सकेनन्। राष्ट्रिय क्रिकेटर भिम शार्की उसका ४ जना ब्याटरले खाता समेत खोल्न सकेनन्।
तिरहुटको बलिंगमा देब्रे हाते स्पिनर दिपेश कंडेलले सर्वाधिक ४ विकेट लिए जुन क्रममा उनले ४ ओभरमा २५ रन खर्चिए। यस्तै प्लेयर अफ द म्याच घोषित कप्तान अनिल यादवले ३ विकेट लिए जुन क्रममा ३ ओभरमा १५ रन खर्चिए। बसिर अहमदले २ तथा अभिषेक कार्कीले १ विकेट लिए।
यस अघि टस जितेर ब्याटिंग रोजेको तिरहुट टाइगर्सले निर्धारित १८.४ ओभरमा सबै विकेट गुमाएर ९१ रन बनायो।
तिरहुटको लागि भोला कुमार साहले सर्वाधिक २९ रन योगदान दिए। बसिर अहमदले १८ तथा रुपेश सिंहले १० रन बनाउनु बाहेक अन्य ब्याटरए दोहोरो अंकमा रन बनाउन सकेनन्।
छिन्नमस्ताको बलिंगमा बिशाल पटेल, फिर्दोश अन्सारी, गुनानन्द रोय र सुमित नेवारले समान २ विकेट लिए।
उपाधि सहित तिरहुट टाइगर्सले ३ लाख रुपैयाँ हात पार्यो। उपविजेता छिन्नमस्ता लायन्सले १ लाख ५० हजार रुपैयाँ पायो।
प्रतियोगिताकै उत्कृस्ट खेलाडी तिरहुट टाइगर्सका बसिर अहमद घोषित भए जसले ६ खेलमा १९८ रन बनाउनुको साथै १० विकेट पनि लिए। यस्तै उत्कृस्ट बलर छिन्नमस्ता लायन्सका बिशाल पटेल घोषित भए जसले ७ खेलमा १५ विकेट लिए। उत्कृस्ट ब्याटर कन्चनरुप राइनोजका शुभ कंसकार घोषित भए जसले ७ खेलमा २९७ रन बनाए। यस्तै उदयमान खेलाडी छिन्नमस्ता लायन्सका मोहम्मद सोहेल खान घोषित भए जसले ७ खेलमा १२ विकेट लिए। फाइनल खेलको प्लेयर अफ द म्याच तिरहुट टाइगर्सका कप्तान अनिल कुमार यादव घोषित भए। प्रतियोगिताको उत्कृस्ट खेलाडीले २५ हजार रुपैयाँ, उत्कृस्ट बलर र ब्याटरले जनही १५ हजार रुपैयाँ तथा उदयमान खेलाडीले क्रिकेट किट प्राप्त गरे।
विजेता खेलाडीहरुलाई नेपाल क्रिकेट संघका उपाध्यक्ष रोशन कुमार सिंह, राजविराज नगरपलिकाका प्रवक्ता जय नारायण मण्डल, छिन्नमस्ता गाउँपालिकाका अध्यक्ष बिध्यानन्द चौधरी, तिरुहट गाउँपालिकाका अध्यक्ष विजय यादव, नेपाल क्रिकेट संघका केन्द्रिय सदस्य दुर्गाराज पाठक र सप्तरी क्रिकेट संघ अध्यक्ष तथा नेपाल क्रिकेट संघका केन्द्रिय सदस्य आयुष श्रेष्ठ लगायतले पुरस्कार वितरण गर्नु भयो।
सप्तरी क्रिकेट संघको आयोजनामा एघार दिन चलेको प्रतियोगितामा सप्तरी जिल्लाका ६ वटा स्थानीय तहका टिमहरु सहभागी रहेका थिए।
काठमाडौँ । सहिद स्मारक सी डिभिजन लिगको आफ्नो अन्तिम खेलमा सामाजिक युवा क्लबले विजयी भएको छ।
सातदोबाटोस्थित एन्फा कम्प्लेक्समा सोमबार सम्पन्न खेलमा सामाजिकले रेलिगेसन भइसकेको गोलबजार स्पोर्ट्स क्लबलाई २–१ गोल अन्तरले पराजित गरेको हो।
सामाजिकको जितमा बसन्तबहादुर राना र विजय दोङ्गले गोल गरे। यता, गोलबजारका लागि रेवाज बस्नेतले गरेको गोल सान्त्वना बन्यो।
जितसँगै समाजिकले यस सिजनको लिगमा तेस्रो स्थानमा रहँदै सुखद् अन्त्य गर्यो। समाजिकले १३ खेलबाट २२ अंक जोड्यो। पराजित गोलबजार भने सात अंकसहित पुछारमा रह्यो।
खेलको ३१औँ मिनेटमा बसन्तले गोल गर्दै सामाजिकलाई सुरुआती अग्रता दिलाए। ४३औँ मिनेटमा विजयले गोल गर्दै पहिलो हाफमै २–० को अग्रता दिलाए।
पहिलो हाफमै २–१ ले पछि परेको गोलबजारको लागि ६२औँ मिनेटमा रेवाजले गोल गरेपछि खेल २–१ को अवस्थामा आयो। त्यसपछि बाँकी समय थप गोल नहुँदा समाजिक विजयी भयो।
काठमाडौं । टी–२० क्रिकेट टोलीलाई प्रोत्साहन स्वरुप सीजी फुड्स नेपाल लिमिटेडले ‘वाई वाई क्रिकेट स्पेसल एडिसन प्याकेट’ बजारमा ल्याएको छ। \r\n\r\nसोमबार पत्रकार सम्मेलनको आयोजना गर्दै सीजीले नेपाल दोस्रो पटक आइसीसी पुरुष टी–२० विश्वकपमा सहभागी हुन सफल भएकोमा नेपाली क्रिकेट टिमलाई प्रोत्साहन र समर्थन गर्नको लागि उक्त प्याकेट बजारमा ल्याएको जानकारी दिइयो। \r\n\r\nटी–२० विश्वकपमा नेपाली राष्ट्रिय टिमका साथ रमाइरहेका नेपाली दर्शकहरूका लागि वाइ वाइको नयाँ प्याकेट विशेष हुने अपेक्षासहित नयाँ प्याकेट बजारमा ल्याइएको कम्पनीले जनाएको छ।\r\n\r\nपत्रकार सम्मेलनमा चौधरी ग्रुपका प्रबन्ध निर्देशक निर्वाण चौधरीको उपस्थितीमा नेपाल क्रिकेट संघ ९क्यान०का सचिव पारस खड्का र सीजी फुड्सका सिइओ प्रदिप पुडासैनीले सम्झौता पत्रमा हस्ताक्षर पनि गरेका छन्। सोही क्रममा क्यानका सचिव खड्काले प्राप्त रकमलाई क्रिकेटकै कामको लागि प्रयोग गर्ने भनेर बोर्डबाट नै घोषणा गर्ने बताए। उनले भने, ‘जतिपनि रकम प्राप्त हुन्छ त्यसलाई क्रिकेटकै कामको लागि प्रयोग गर्ने भनेर बोर्डबाट नै घोषणा गर्नेछौं। वाइ वाइले घोषणा गरेको रकम सम्पूर्ण नेपाली क्रिकेट टिममा नै आउनेछ। टिमको हौसला बढाउनुपर्छ भनेर पनि सम्झौता गरिएको हो।’\r\n\r\nसाथै उनले क्रिकेटलाई सुधार गर्नको लागि क्यान निरन्तर लागि रहेको पनि बताए। विगत लामो समयदेखि पुरुष यू–१९ क्रिकेट टिमलाई प्रायोजन गर्दै आएको वाइ वाइले महिला यू–१९ टिमलाई समेत प्रायोजन वापत रू. ३० लाख तथा अन्य क्रिकेट गतिविधि संचालनका लागि रू.३० लाख गरि जम्मा रू. ६० लाख नेपाल क्रिकेट संघलाई सहयोग गर्ने जनाइएको छ। \r\n\r\nयसअघि वाइ वाइले विश्वकपमा सहभागी राष्ट्रिय टिमलाई प्रोत्साहन स्वरुप सुपर–८ मा पुग्न सफल भएमा रु ३० लाख तथा मनोवल उच्च बनाउने उद्देश्यले प्रत्येक रन बापत रु. १ हजार, प्रत्येक चौका वापत रु.८ हजार, प्रत्येक छक्का बापत रु.१२ हजार, प्रत्येक विकेट बापत रु. १५ हजार, प्रत्येक अर्धशतक वापत रु. ५० हजार, प्रत्येक शतक वापत रु एक लाख र नेपाली टिमको प्रत्येक जितमा रू. १ लाख ५० हजार रूपैयाँ नगद उपलब्ध गराउने घोषणा गरिसकेको छ ।
काठमाडौं । आइसिसी टी-२० विश्वकपमा स्कटल्यान्डले लगातार दोस्रो जित हासिल गरेको छ।
सोमबार बिहान सम्पन्न खेलमा स्कटल्यान्डले ओमानलाई ७ विकेटले हरायो।
ओमानले दिएको १५१ रनको लक्ष्य स्कटल्यान्डले १३.१ ओभरमा तीन विकेट गुमाएर पूरा गर्यो। स्कटल्यान्डको लागि ब्रान्डन म्याकमुलेनले ३१ बलमा ६१ रन बनाए। ओपनर जर्ज मुन्सीले ४१ रनको योगदान गरे।
त्यसअघि ब्याटिङ गरेको ओमानको इनिङ्समा प्रतिक अथाभालेले अर्धसतक बनाए। उनले ४० बलमा पाँच चौका र दुई छक्कासहित सर्वाधिक ५४ रन बनाएका हुन्। आयन खानले ४१ रनको योगदान गरे।
यता स्कटल्यान्डको लागि सफियान शरीफले दुई विकेट लिएका थिए।
काठमाडौं । क्रिकेटर सन्दीप लामिछाने टी-२० विश्वकपमा सहभागी हुने भएका छन्।
नेपाल क्रिकेट संघ क्यानले एक विज्ञप्ति जारी गर्दै वेस्ट इन्डिजमा हुने खेलहरुमा सन्दीप समावेश हुने जानकारी गराएको हो।
क्यानले विज्ञप्ति जारी गरेर सन्दिपबारे जानकारी गराएकाे हाे। क्यानका सचिव पारस खड्काले सन्दिपले वेस्ट इन्डिजमा हुने खेलमन सहभागी हुने पुष्टि गरे।
क्यानको विज्ञप्तिमा के छ ?
![](\"https://cdn.nepalsportz.com/media/django-summernote/2024-06-10/95a8dff3-1f7e-428c-b407-8ecb898b1e1a.jpeg\")
वेस्ट इन्डिज र अमेरिकामा जारी आईसीसी टी–२० विश्वकप अन्तर्गत समूह ए को खेलमा भारतले पाकिस्तानलाई पराजित गरेको छ।
अमेरिकाको न्युयोर्कमा भएको आइतबार राति भएको खेलमा भारत ६ रनले विजयी भएको हो।
टस हारेर पहिले ब्याटिङ गरेको भारतले पाकिस्तानलाई १२० रनको लक्ष्य दिएको थियो। उक्त लक्ष्य पछ्याएको पाकिस्तानले निर्धारित २० ओभरमा ७ विकेट गुमाएर ११३ रन मात्र बनायो।
पाकिस्तानका लागि मोहम्मद रिजवानले ३१ तथा इमाद वासिमले १५ रन बनाए। भारतका लागि जसप्रित बुमराहले तीन तथा हार्दिक पान्ड्याले दुई विकेट लिए ।
त्यसअघि पहिले ब्याटिङ गरेको भारतले १९औं ओभरको अन्तिम बलमा अल आउट हुम्दै ११९ रन बनाएको थियो।
भारतका लागि रिषभ पन्तले ३१ बलमा ६ चौकाको सहयोगमा सर्वाधिक ४२ रन बनाए। अक्षर पटेलले १८ बलमा २० तथा कप्तान रोहित शर्माले १२ बलमा १३ रन बनाए। भारतका अन्य ब्याटरले दोहोरो अंकमा रन बनाउन सकेनन्।
पाकिस्तानका लागि हरिस रउफ र नशिम शाहले समान तीन तीन तथा मोहम्मद आमिरले दुई विकेट लिए।
लगातार दोस्रो हारका साथ पाकिस्तानको सुपर आठमा पुग्ने सम्भावना कठिन बनेको छ। दुई खेलमा लगातार जित हात पारेको भारत चार अंकका साथ शीर्ष स्थानमा छ।
काठमाडौं । महावीर क्लबले सहिद स्मारक सी डिभिजन लिगको अन्तिम खेलमा मनोहरा युनाइटेड क्लबमाथि सहज जित हासिल गरेको छ।
सातदोबाटोस्थित एन्फा मुख्यालयमा आइतबार सम्पन्न भएको खेलमा महावीरले मनोहरालाई ३-१ गोल अन्तरले पराजित गरेको हो।
महावीरको जितमा शिवप्रसाद चौलागाईं २ र सुरज थारुले १ गोल गरे। यता, मनोहराको लागि सञ्जय श्रेष्ठले सान्त्वना गोल गरे।
महावीरका लागि शिवले खेलको १० र २०औँ मिनेटमा गोल गरेका थिए। यस्तै सुरज थारुले पहिलो हाफको अतिरिक्त समयको पाँचौं मिनेटमा गोल गर्दै महावीरलाई ३-० को अग्रता दिलाए। मनोहराका सञ्जयले ६९औं मिनेटमा गोल गरेपनि हारबाट जोगाउन सकेनन्।
जितसँगै महावीर सातौं स्थानमा उक्लिएको छ। महावीरको १३ खेलबाट १६ अंक रहेको छ। समान अंक भएपनि एक खेल कम खेलेको झम्सिखेल युथ क्लब गोल अन्तरले पछि पर्दै आठौं स्थानमा झरेको छ।
पराजित मनोहरा १५ अंकसहित नवौं स्थानमा छ।
छिन्नमस्ता लायन्स सप्तरीको राजविराजमा जारि राजविराज मेयर कप सप्तरी प्रिमियर लिगको छैठौं संस्करणको फाइनल पुगेको छ।
आइतबार सम्पन्न दोश्रो क्वालीफायरमा कन्चनरुप राइनोजलाई पराजित गर्दै छिन्नमस्ताले तिरहुट टाइगर्ससंग फाइनल प्रतिस्पर्धा तय गरेको हो। उपाधिको लागि कन्चनरुप राइनोज र तिरहुट टाइगर्स सोमबार फाइनल खेल हुनेछ।
![](\"https://cdn.nepalsportz.com/media/django-summernote/2024-06-09/831a6f98-a149-41e8-a919-92c2f9ac52a7.jpeg\")
पब्लिक विन्देश्वरी क्रिकेट मैदानमा कन्चनरुप राइनोजले दिएको ११८ रनको लक्ष्य छिन्नमस्ताले ४ बल बाँकी हुँदा ६ विकेट क्षेतीमा भेटायो।
छिन्नमस्ताको लागि राष्ट्रिय क्रिकेटर समेत रहेका भिम शार्कीले अर्धशतकीय योगदान दिए। उनले ३७ बलमा ६ चौका र २ छक्का प्रहार गर्दै जितमा अहम योगदान दिए। यस्तै फिर्दोश अन्सारीले अविजित १६ रन, राज वर्माले १५ तथा सुमित नेवारले ११ रन बनाए।
लक्ष्य पछ्याउने क्रममा ५८ रनमा ४ विकेट गुमाएको अवस्थामा भिमले फिर्दोश अन्सारीसंग ४५ रनको साझेदारी गर्दै जितको आधार तयार गरे। सोह्रौं ओभरमा भिम आउट भएपछि फिर्दोशले अन्तिमसम्म ब्याटिंग गर्दै टिमलाई जितसम्म पुर्याए।
कन्चनरुपको बलिंगमा दिनेश अधिकारीले ३ विकेट लिएता पनि जितको लागि पर्याप्त भएन।
यस अघि टस जितेर ब्याटिंग गरेको कन्चनरुप राइनोजले १८.२ ओभरमा ११७ रनमा सबै विकेट गुमायो।
कन्चनरुपको लागि दिनेश अधिकारी र कर्ण बिकले समान १९ रन, अभिषेक गौतमले १५ तथा सुभ कंसकार र महानन्द यादवले समान १३ रन योगदान दिए।
बलिंगतर्फ छिन्नमस्ता लायन्सका बिशाल पटेलले सर्वाधिक ३ विकेट लिए जुन क्रममा ३.२ ओभरमा २४ रन खर्चिए। यस्तै मोहम्मद सोहेल, फिर्दोश अन्सारी र गुनानन्द रोयले समान २ विकेट लिए।
सप्तरी क्रिकेट संघद्वारा आयोजित प्रतियोगिताको विजेताले तिन लाख रुपैयाँ हात पर्नेछ। उपविजेता टिमले एक लाख पचास हजार प्राप्त गर्नेछ।
काठमाडौं। स्पेनले अन्तर्राष्ट्रिय मैत्रीपूर्ण खेलमा उत्तरी आयरल्यान्डलाई पराजित गरेको छ।
आइतबार बिहान सम्पन्न खेलमा स्पेनले आयरल्यान्डलाई ५-१ गोल अन्तरले पराजित गरेको हो।
खेलको दोस्रो मिनेटमै डेनियल बलार्डले गोल गर्दै उत्तरी आयरल्यान्डलाई सुरुआती अग्रता दिलाएका थिए।
![](\"https://cdn.nepalsportz.com/media/django-summernote/2024-06-09/7634447b-754a-4c34-b2ea-d77259bfc36e.jpeg\")
तर, १२औं मिनेटमा नाचो फर्नान्डेजको पासमा पेड्रीले गोल गर्दै खेल बराबरीमा ल्याए। त्यसको ६ मिनेटपछि नै अल्भारो मोराटाले गोल गरे। उनले जेसस नाभासको पासमा गोल गरेका हुन्।
२९औं मिनेटमा पेड्रीले व्यक्तिगत दोस्रो र टोलीका लागि तेस्रो गोल गरे। उनले निको विलियम्सको पासलाई सदुपयोग गरे। ३५औं मिनेटमा लामाइन यमलको पासमा फाबियन रुइजले गोल गरे।
६०औं मिनेटमा यमलकै पासमा माइकल ओयारजाबलले गोल गर्दै स्पेनलाई ५-१ गोल अन्तरले विजयी बनाए।
काठमाडौं । ब्राजिलले अन्तर्राष्ट्रिय मैत्रीपूर्ण खेलमा मेक्सिकोलाई पराजित गरेको छ।
आइतबार बिहान सम्पन्न खेलमा ब्राजिलले मेक्सिकोलाई ३-२ गोल अन्तरले पराजित गरेको हो।
खेलको पाँचौं मिनेटमै एन्ड्रियास परेराले गोल गर्दै ब्राजिललाई सुरुआती अग्रता दिलाएका थिए। उनले साभिनोको पासलाई सदुपयोग गरे।
५४औं मिनेटमा ग्रेब्रियल मार्टिनेलीले गोल गर्दे अग्रता दोब्बर बनाए। उनले यान काउटोको पासमा गोल गरे।
७३औं मिनेटमा एलेक्सिस भेगाको पासमा जुलियन क्विनोन्सले गोल गर्दै मेक्सिकोलाई २-१ को स्थितिमा ल्याए। दोस्रो हाफको इन्ज्युरी समयको तेस्रो मिनेटमा गुइलेर्मो मार्टिनेजले गोल गर्दै खेल २-२ को बराबरीमा ल्याए।
तर, त्यसको तीन मिनेटपछि नै एन्ड्रिकले गोल गर्दै ब्राजिललाई जित दिलाए। उनले भिनिसियस जुनियरको पासमा गोल गरे।
आइसीसी टी-२० विश्वकप क्रिकेटमा दक्षिण अफ्रिकाले लगातार दोस्रो जित हासिल गरेको छ।
शनिबार राति भएको खेलमा दक्षिण अफ्रिकाले नेदरल्याण्ड्सलाई ४ विकेटले पराजित गरेको हो।
यो जितसँगै दक्षिण अफ्रिका समूह डीबाट सुपर एटमा पुग्ने लगभग पक्का भएको छ। यो समूहमा नेपाल पनि रहेको छ।
टस जितेर पहिले ब्याटिङ गरेको नेदरल्यान्ड्सले निर्धारित २० ओभरमा ९ विकेट गुमाएर १०३ रन मात्रै बनाउन सकेको थियो।
नेदरल्यान्ड्सले दिएको १०४ रनको लक्ष्य पाएको दक्षिण अफ्रिकाले डेभिड मिलर र ट्रिस्टन स्टब्सले उत्कृष्ट साझेदारीमा १८.५ ओभरमा जित निकाल्यो।
लक्ष्य पछ्याउने क्रममा दक्षिण अफ्रिकाको सुरुवात निकै खराब रह्यो। टोलीका दुई उत्कृष्ट ब्याट्सम्यान क्विन्टन डी कक र कप्तान एडेन मार्कराम खाता खोल्नै नखाई आउट भए। ओपनर रिजा हेन्ड्रिक्सले पनि ३ रन मात्र बनाउन सके। हेनरिक क्लासेनले मात्र ४ रन बनाउन सके।
तर, यसपछि डेभिड मिलर र ट्रिस्टन स्टब्सले चौथो विकेटका लागि ६५ रनको साझेदारी गर्दै इनिङ्सलाई सम्हाले। स्टब्सले ३३ रनको इनिङ खेले। डेभिड मिलरले ५१ बलमा ५९ रन बनाएर अविजित रहे। नेदरल्याण्ड्सका भिभान किंग्मा र लोगन भान विकले समान दुई दुई विकेट लिए।
यसअघि पहिले ब्याटिङमा आएका नेदरल्याण्डका लागि सिब्रान्डले ४५ बलमा ४० रन बनाए। भान बेकले पनि २२ बलमा २३ रनको योगदान पुर्याए र टोलीले एक सय रन पार गर्न सफल भयो। दक्षिण अफ्रिकाका लागि ओटनियल बार्टम्यानले उत्कृष्ट बलिङ गरे। उनले ४ ओभरको स्पेलमा ११ रन दिएर ४ विकेट लिए।
काठमाडौं । नेपाल पुलिस क्लबकी उषा भण्डारी र हेल्प नेपाल स्पोर्टस क्लबका मुबासर राजा वाटो आठौं प्रधानमन्त्री कप एनभिए महिला तथा पुरुष भलिबल लिगको सर्वोत्कृष्ट खेलाडी चुनिएका छन् ।
उषा भण्डारी महिलातर्फ र पाकिस्तानका मुवासर राजा वाटो पुरुषतर्फ सर्वोकृष्ट चुनिए। सर्वोत्कृष्ट दुवैले समान ५० हजार रुपैयाँसँगै ट्रफी र प्रमाणपत्र पाए।
यसैगरी महिलातर्फ विधागत उत्कृष्टमा एभरेस्टकी केपी अनुश्री स्पाइकर, पुलसकी कमला पुन सेटर, एपिएफकी निरुता ठगुन्ना सर्भर, पुलिसकी शान्तिकला तामाङ लिबेरो र पुलिसकै रुपेशकुमार विष्ट प्रशिक्षक चुनिए भने एभरेस्टकी सूर्या उत्कृष्ट ब्लकर चुनिइन्।
पुरुषतर्फ उत्कृष्टमा गण्डकीका सन्तोष स्पाइकर, हेल्प नेपालका अदनान सेटर, गण्डकीका रमन कुमार सर्भर, पुलिसका सफल विक ब्लकर, हेल्प नेपालका टोपबहादुर थापा (दीपक) लिबेरो र हेल्प नेपालकै उत्सव खड्का प्रशिक्षक घोषित भए ।
दुवैतर्फको विधागत उत्कृष्टले जनही २० हजार रुपैयाँसँगै ट्रफी र प्रमाण पत्र प्राप्त गरे ।
पुरुषतर्फ हेल्प नेपालले गण्डकी प्रदेशलाई ३-१ तथा महिलातर्फ पुलिसले एभरेस्ट भलिबल क्लबलाई ३-२ को सेटमा पराजित गर्दै च्याम्पियन बनेका थिए।
आइसीसी टी-२० विश्वकप क्रिकेटमा अष्ट्रेलियाले लगातार दोस्रो जित हासिल गरेको छ। आइतबार विहान सकिएको खेलमा अष्ट्रेलियाले इंग्ल्याण्डलाई ३६ रनले पराजित गरेको हो।
अष्ट्रेलियाले दिएको २०१ रन बनाएको पछाएको इंग्ल्यान्डले निर्धारित २० ओभरमा ५ विकेट गुमाएर १६५ रन मात्रै बनाउन सक्यो।
लक्ष्य पछ्याउने क्रममा इंग्ल्याण्डले पनि उत्कृष्ट सुरुवात गरेको थियो। फिल साल्ट र कप्तान जोस बटलरले पहिलो विकेटका लागि ७३ रनको साझेदारी गरे। यो साझेदारी आठौं ओभरमा तोडियो। साल्ट २३ बलमा ३७ रन बनाएर एडम जाम्पाबाट बोल्ड भए। बटलर पनि २८ बलमा ४२ रन बनाएर आउट भए। उनको विकेट १०औं ओभरमा ९२ रनमा खसेको थियो। विल ज्याक १० र जोनी बेयरस्टो ७ रनमा आउट भए। मोइन अली पनि १५ बलमा २५ रन बनाएर आउट भए।
लियाम लिभिङस्टोनले १२ बलमा १५ रन बनाएर १९औं ओभरमा १५२ रनको स्कोरमा आउट भए। ह्यारी ब्रुकले १६ बलमा २० रन बनाएर अविजित रहे पनि आफ्नो टोलीलाई जित दिलाउन सकेनन्। अष्ट्रेलियाका लागि एडम जाम्पा र प्याट कमिन्सले २/२ विकेट लिए।
त्यसअघि टस हारेर पहिले ब्याटिङ गरेको अष्ट्रेलियाका लागि डेभिड वार्नरले ट्राभिस हेडसँग मिलेर अस्ट्रेलियालाई शानदार सुरुवात गराए। उनीहरुले पहिलो ५ ओभरमा ७० रन बनाएका थिए। यो साझेदारी मोइन अलीले तोडेका थिए। अलीले अष्ट्रेलियाका वार्नरलाई ३९ रन बनाएका बेला आउट गरे। वार्नरले १६ बलमा दुई चौका र एक छक्का प्रहार गरेका थिए।
अर्को ओभरमा हेड पनि आउट भए। हेडले १८ बलमा ३४ रन बनाए। कप्तान मिचेल मार्स र ग्लेन म्याक्सवेलले छिटो रन बनाएर स्कोर १३९ मा पुर्याए। मार्सले २५ बलमा ३५ रन बनाए। उनको इनिङ्समा दुई चौका र दुई छक्का सामेल थिए। म्याक्सवेलले २८ रनको इनिङ खेले।
अस्ट्रेलियाले १६औं ओभरमा १५० रनको अंक पार गरे पनि १७औं ओभरमा १६८ रनको स्कोरमा टिम डेभिडको विकेट गुमाएको थियो। उनी ११ रन बनाएर आउट भएका थिए। अन्त्यमा मार्कुस स्टोइनिसले १७ बलमा ३० रन र म्याथ्यु वेडले १० बलमा नटआउट १७ रन बनाएर आफ्नो टोलीको स्कोर २०० भन्दा माथि पुर्याएका थिए। इङ्ल्यान्डका लागि क्रिस जोर्डनले सर्वाधिक दुई विकेट लिए।
जितसँगै अष्ट्रेलिया २ खेलमा ४ अंकसहित समूह बी मा शीर्ष स्थानमा पुगेको छ। योसँगै इंग्ल्याण्ड २ खेलमा १ अंक जोडेर चौथो स्थानमा छ भने २ खेलमा ३ अंक जोडेको स्कटल्यान्ड दोस्रो र नामिबिया २ खेलमा २ अंक जोडेर तेस्रो स्थानमा छ।
तिरहुट टाइगर्स सप्तरीको राजविराजमा जारि राजविराज मेयर कप सप्तरी प्रिमियर लिगको फाइनल पुगेको छ। शनिवार सम्पन्न रोमान्चक पहिलो क्वालीफायरमा छिन्नमस्ता लायन्सलाई ४ रनले पराजित गर्दै तिरहुट टाइगर्सले फाइनलमा स्थान पक्का गर्यो।
पराजित छिन्नमस्ताले अब फाइनल प्रवेशको लागि दोश्रो मौका पाउनेछ। आइतबार दोश्रो क्वालीफायरमा छिन्नमस्ता र कन्चनरुप राइनोज बीच प्रतिस्पर्धा हुनेछ। आज सम्पन्न इलिमीनेटरमा कन्चनरुपले सनराइज तिलाठी कोइलाडीलाई पराजित गरेको हो। पराजित हुँदै तिलाठी कोइलाडी प्रतियोगिताबाट बाहिरिएको छ।
पहिलो क्वालीफायर अन्तर्गत पब्लिक विन्देश्वरी मैदानमा तिरहुट टाइगर्सले दिएको १६८ रनको लक्ष्य पछ्याएको छिन्नमस्ताले पुरै २० ओभरमा ८ विकेट गुमाएर १६३ रन मात्र बनायो।
सुमित नेवारले अविजित ७२ रन बनाएता पनि जितको लागि पर्याप्त हुन सकेन। सुमितले ३७ बलमा ४ चौका र ६ छक्का मद्दतले अविजित ७२ रन बनाए। मयन यादवले ३६ तथा विकास दासले २३ रनको योगदान दिए।
बलिंगतर्फ तिरहुटका अनिल यादवले सर्वाधिक ४ विकेट लिए जुन क्रममा ४ ओभरमा २२ रन खर्चिए। रुपेश सिंहले २ तथा दिपेश कंडेलले १ विकेट लिए।
यस अघि टस जितेर ब्याटिंग गरेको तिरहुट टाइगर्सले २० ओभरमा १६७ रनमा सबै विकेट गुमायो।
तिरहुटको लागि खेलको प्लेयर अफ द म्याच समेत घोषित भएका बसिर अहमदले सर्वाधिक ७४ रन योगदान दिए जुन क्रममा उनले ४२ बलमा ९ चौका र ३ छक्का प्रहार गरे। यस्तै अमित यादवले ४२ रन बनाए जुन क्रममा ३४ बलमा ४ चौका र २ छक्का प्रहार गरे।
बलिंगतर्फ छिन्नमस्ता लायन्सका फिर्दोश अन्सारीले सर्वाधिक ३ विकेट लिए जुन क्रममा उनले ४ ओभरमा ३१ रन खर्चिए। मोहम्मद सोहेल र भिम शार्कीले समान २ विकेट तथा बिशाल पटेलले १ विकेट लिए।
आज सम्पन्न इलिमेनेटरमा सनराइज एघार तिलाठी कोइलाडीले दिएको १२५ रनको लक्ष्य कन्चनरुप राइनोजले १५.१ ओभरमा ७ विकेट गुमाएर पुरा गर्यो।
कन्चनरुपको लागि ओपनर सुभ कंसकारले सर्वाधिक ७१ रन बनाए। प्लेयर अफ द म्याच घोषित उनले ४० बलमा ५ चौका र ७ छक्का प्रहार गरे। अरनिको यादवले २६ तथा राशिद खानले अविजित १० रन बनाए। बलिंगतर्फ तिलाठी कोइलाडीका दिपेश सरदारले ३, नारायण जोशीले २ तथा तृत राजदास र बिशाल सुश्लिंगले १/१ विकेट लिए।
यस अघि टस हारेर ब्याटिंग गरेको सनराइज एघार तिलाठी कोइलाडीले १५.२ ओभरमा सबै विकेट गुमाएर १२४ रन बनाएको थियो।
तिलाठी कोइलाडीको लागि तृत राज दासले सर्वाधिक ५१ रनको योगदान दिए जुन क्रममा उनले २८ बलमा ५ चौका र ४ छक्का प्रहार गरे। अभिषेक तिवारीले ३० तथा बिशाल सुश्लिंगले १२ रन बनाए। बिनोद भण्डारीले ६ रन मात्र बनाउन सके। बलिंगतर्फ कन्चनरुप राइनोजका दिनेश अधिकारीले सर्वाधिक ३ विकेट लिए जुन क्रममा ३.२ ओभरमा १५ रन खर्चिए। राहुल मण्डलले २ विकेट लिंदा चित्र बहादुर बिस्ट, उमेश चौधरी र अरनिको यादवले १/१ विकेट लिए।