काठमाडौं । ब्राजिल कोपा अमेरिका १०१४ को क्वार्टरफाइनलमा प्रवेश गरेको छ।
लेभिस स्टेडियममा सम्पन्न समूह डी को अन्तिम खेलमा ब्राजिलले शीर्ष स्थानमा रहेको कोलम्बियालाई १-१ गोलको बराबरीमा रोकिएको हो।
यस समूहबाट कोलम्बिया यश खेलअघि नै क्वार्टरफाइनलमा पुगिसकेको थियो। समूह विजेता बनेको कोलम्बियाले तीन खेलबाट अपराजित रहँदै सात अंक जोड्यो। अपराजित रहेको ब्राजिलले पनि समान खेलबाट पाँच अंक जोड्यो। चार अंक जोडेको कोस्टरिका र अंकविहीन पाराग्वे प्रतियोगिताबाट बाहिरियो।
खेलको १२औं मिनेटमै राफिन्हाले फ्रिकिकमार्फत् गोल गर्दै ब्राजिललाई सुरुआती अग्रता दिलाएका थिए।
तर, पहिलो हाफको इन्ज्युरी समयको दोस्रो मिनेटमा जोन कर्डोबाको पासमा डेनियल मुनोजले गोल गर्दै कोलम्बियालाई खेलमा फर्काए।
काठमाडौं । कोपा अमेरिका फुटबल २०२४ मा उरुग्वे र पानामाले क्वाटरफाइनलमा स्थान पक्का गरेका छन्।
मंगलबार बिहान भएको खेलमा उरुग्वेले अमेरिका र पानामाले बेलेभियालाई पराजित गर्दै अन्तिम ८ मा स्थान पक्का गरेका हुन्।
अमेरिकाविरुद्ध पहिलो हाफ गोलरहित बराबरी खेलेको उरुग्वेले निर्णायक गोल दोस्रो हाफमा गरेको हो।
खेलको ६६औं मिनेटमा उरुग्वेका मेथिएस ओलिभेराले गोल गर्दै अग्रता दिलाएका थिए। सोही अग्रता अन्तिम समयसम्म कायमै राख्दै उरुग्वेले समूह चरणमा शतप्रतिशत जितका साथ अन्तिम ८ मा स्थान पक्का गर्न सफल भयो।
जितसँगै उरुग्वेको तीन खेलबाट ९ अंक भएको छ। यता, घरेलु टोली अमेरिका भने कोपाबाट बाहिरिएको छ।
यही समूह सीबाट पानामाले अन्तिम ८ मा स्थान पक्का गरेको छ। पानामाले बोलिभियालाई ३–१ गोल अन्तरले पराजित गरेको हो।
पानामले २२औं मिनेटमा जोसे फाजाडोको गोलमा अग्रता लिएको थियो। ६९औं मिनेटमा बोलिभियाले ब्रुनो मिरान्डाको गोलमा खेल बराबरी गरको थियो।
तर, ७९औं मिनेटमा एडुवार्डो गुरेरोले गोल गरेपछि पानामाले २–१ को अग्रता बनाएको थियो। दोस्रो हाफको अतिरिक्त पहिलो मिनेटमा सिजर अगुस्ट एनेसले गोल गरेपछि पनामा ३–१ को जित पक्का गर्न सफल भयो। जितसँगै पानामा ६ अंक बनाएर दोस्रो स्थानमा रहेर अन्तिम ८ मा पुग्न सफल भएको हो।
काठमाडौं । स्लोभानियालाई हराउँदै पोर्चुगल युरोकप २०२४ को क्वाटरफाइनलमा प्रवेश गरेको छ।
फ्रान्कफर्टमा मंगलबार बिहान सम्पन्न खेलमा पोर्चुगलले स्लोभानियालाई पेनाल्टी सुटआउटमा ३–० गोलले पराजित गरेको हो।
निर्धारित समय र अतिरिक्त ३० मिनेटमा पनि गोल नहुँदा खेल पेनाल्टीमा पुगेको थियो। पेनाल्टीमा पोर्चुगलका गोलरक्षक कोस्टाले स्लोभानियाको तीनै पेनाल्टी विफल पार्दा पारे।
त्यसअघि कप्तान क्रिस्टियानो रोनाल्डोले खेलको १०५ औं मिनेटमा प्राप्त पेनाल्टी चुकाउँदा खेल टाइब्रेकरसम्म पुगेको थियो। रोनाल्डोको प्रहारलाई स्लोभानियाका कप्तान तथा गोलरक्षक यान ओब्लाकले विफल पारेका थिए।
तर, पेनाल्टीमामा स्लोभानियाका जोसिप इलिचिचको पहिलो प्रहार डिओगो कोस्टाले विफल पारे। लगत्तै कप्तान रोनाल्डोले पेनाल्टीमा गोल गरे। कोस्टाले त्यसपछि दुवै पेनाल्टी बचाउँदा ब्रुनो फर्नान्डेस र बर्नार्डो सिल्भाले गोल गर्दै जित पक्का गरे।
जितसँगै पोर्चुगलले अब क्वाटरफाइनलमा फ्रान्सको सामना गर्नेछ। फ्रान्सले बेल्जियमलाई १-० ले पराजित गरेको थियो।
काठमाडौं । फ्रान्स युरोकपको क्वार्टरफाइनलमा प्रवेश गरेको छ।
डसेलडोर्फ एरिनामा सोमबार राति सम्पन्न खेलमा फ्रान्सले बेल्जियमलाई १-० गोलअन्तरले पराजित गर्दै अन्तिम आठमा पुगेको हो।
पहिलो हाफ गोलरहित बराबरीमा सकिएको थियो। तर, ८५औं मिनेटमा भेर्टोङ्गेनले आत्मघाती गोल गरेसँगै फ्रान्स विजयी भयो।
रान्डल कोलो मुआनीले गरेको प्रहार उनलाई डिफ्लेक्ट हुँदै गोलमा परिणत भएको हो।
काठमाडौं । टियु बिबिएम कप फुटसल प्रतियोगिताको पाँचौं संस्करण असाढ १८ गते, मंगलबारबाट सुरु हुने भएको छ ।
आयोजक स्वतन्त्र विद्यार्थी युनियन(स्ववियु), शंकरदेव क्याम्पसले सोमबार पत्रकार सम्मेलन गर्दै प्रतियोगिताका बारेमा जानकारी गराएको हो ।
चन्द एण्ड ब्रदर्स प्रा.लिको व्यवस्थापनमा हुन लागेको प्रतियोगिता बुढानिलकण्ठ नगरपालिका वडा नं ६ बाँसबारीस्थित चौर रिक्रिएसन सेन्टरमा हुनेछ । तीन दिनसम्म चल्ने प्रतियोगिताको उद्घाटन पूर्व परराष्ट्रमन्त्री प्रकाश शरण महतले गर्नेछन् ।
प्रतियोगितामा त्रिभुवन विश्वविद्यालय अन्तर्गत व्यापार व्यवस्थापनमा स्नातक गरिरहेका विद्यार्थीले मात्र सहभागिता जनाउन पाउनेछन् । सहभागी २० टोलीलाई चार समूहमा विभाजन गरिएको छ । प्रत्येक समूहका शीर्ष दुई टोलीले क्वार्टरफाइनलमा स्थान बनाउनेछन् ।
प्रतियोगिताको विजेताले ७५ हजार र उपविजेताले ४० हजार रुपैयाँ प्राप्त गर्ने आयोजकले जनाएको छ । यसैगरी सर्वोत्कृष्ट खेलाडीलाई १ हजार ५०० तथा विधागत उत्कृष्टलाई ट्रफी प्रदान गरिनेछ ।
शंकरदेव क्याम्पस प्रतियोगिताको साविक विजेता हो । प्रतियोगितालाई त्रिभुवन विश्वविद्यालयले प्राविधिक सहयोग गर्नेछ ।
काठमाडौं । एन्फा यु-१८ युथ लिग असार ३० गतेदेखि सुरु हुने भएको छ।
अखिल नेपाल फुटबल संघको आयोजनामा हुने यस लिगमा ए डिभिजनका १२ टिमको सहभागिता रहने छ। सहभागी टोलीहरूले डबल राउन्ड रोबिनका आधारमा खेल्ने एन्फाले जनाएको छ।
प्रतियोगितामा एपिएफ फुटबल क्लब, चर्च ब्वाइज युनाइटेड, एफसी खुमलटार, जावलाखेल युथ क्लब, मछिन्द्र फुटबल क्लब, मनाङ मस्र्याङ्दी क्लब, नेपाल पुलिस क्लब, न्युरोड टिम, संकटा क्लब, सातदोबाटो युथ क्लब, थ्री स्टार क्लब र त्रिभुवन आर्मी फुटबल क्लबले प्रतिस्पर्धा गर्नेछन्।
लिगका खेलहरु सातदोबाटोस्थित एन्फा कम्प्लेक्सको मैदानमा हुनेछन्। यसपटक फ्रेन्ड्स र हिमालयन शेर्पाले भने प्रतियोगितामा सहभागिता नजनाउने भएका छन्।
काठमाडौं । कोपा अमेरिका २०२४ मा भेनेजुएला शतप्रतिशत जितसहित क्वार्टरफाइनलमा प्रवेश गरेको छ।
क्यू टू स्टेडियममा सोमबार बिहान सम्पन्न खेलमा जमौकालाई ३–० गोलअन्तरले पराजित गर्दै भेनजुएलाले समूह 'बी' मा शतप्रतिशत जित हासिल गरेको हो।
भेनेजुएलाले यसअघि मेक्सिकोलाई १–० र इक्वेडरलाई २–१ गोलअन्तरले पराजित गरेको थियो। भेनेजुएलाले यस समूहबाट नौ अंक जोड्यो। जमौका भने अंकविहीन रह्यो।
तीनवटै गोल खेलको दोस्रो हाफमा भएको थियो।
काठमाडौं । मेक्सिको कोपा अमेरिका २०२४ को समूहचरणबाटै बाहिरिएको छ।
स्टेट फार्म स्टेडियममा सोमबार बिहान सम्पन्न खेलमा इक्वेडरसँग गोलरहित बराबरीमा रोकिएपछि मेक्सिको समूह चरणबाटै बाहिरिएको हो।
समूह 'बी' मा रहेको इक्वेडर चार अंक जोड्दै उपविजेता बन्यो। समान अंक जोडेको मेक्सिको गोलअन्तरले पछि पर्यो।
काठमाडौं । जर्जियाविरुद्ध फराकिलो जित हासिल गर्दै स्पेन युरोकप २०२४ को क्वाटरफाइनलमा प्रवेश गरेको छ।
सोमबार बिहान सम्पन्न खेलमा स्पेनले जर्जियामाथि ४–१ गोलको पुनरागमन जित हासिल गरेको हो।
स्पेनको जितमा रोड्री, फाबियन रुइज, निको विलियम्स र ड्यानी ओल्मोले एक एक गोल गरे।
जितसँगै स्पेनले अब स्पेनले क्वाटरफाइनलमा आयोजक जर्मनीको सामना गर्नेछ। जर्मनीले डेनमार्कलाई पराजित गर्दै क्वाटरफाइनलमा प्रवेश गरेको हो।
खेलको १८ औं मिनेटमा ले नोर्मान्डले आफ्नै पोस्टमा गोल गरेपछि स्पेन सुरुआती समयमा एक शून्यले पछि पर्यो।
त्यसपछि स्पेनका लागि ३९औं रोड्रीले गोल गरेपछि खेल १–१ गोलको अबस्थामा फर्कियो।
पहिलो हाफमा एक एकको बराबरी गरेको स्पेनले दोस्रो हाफमा थप तीन गोल गर्न सफल भयो।
दोस्रो हाफको ५१औं मिनेटमा रुइजले स्पेनलाई २–१ गोलको अग्रता दिलाए। ७५औं मिनेटमा विलियम्सको गोलमा स्पेनले ३–१ को अग्रता बनायो।
८३औं मिनेटमा मैदान प्रवेश गरेका ओल्मोले गोल गर्दै स्पेनलाई ४–१ को जित दिलाए।
काठमाडौं । स्लोभाकियामाथि रोमाञ्चक जितनिकाल्दै इङ्ल्यान्ड युरोकप २०२४ को क्वाटरफाइनलमा प्रवेश गरेको छ।
अन्तिम १६ को खेलमा इङ्ल्यान्डले अतिरिक्त समयमा स्लोभाकियालाई २-१ ले पराजित गर्दै अन्तिम आठमा स्थान बनाएको हो।
इङ्ल्यान्डको जितमा जुड बेलिङ्घम र कप्तान ह्यारी केनले गोल गरे।
जितसँगै इङ्ल्यान्डले अब क्वाटरफाइनलमा स्वीट्जरल्यान्ड सामना गर्नेछ। स्वीट्जरल्यान्डले साविक विजेता इटालीलाई पराजित गर्दै अन्तिम आठमा स्थान बनाएको हो।
खेलको २५औं मिनेटमा स्लोभाकियाका लागि इभान स्क्रान्जले गोल गर्दै सुरुआती अग्रता दिलाएका थिए।
खेलमा एक शून्य गोलले पछि परेको इङ्ल्यान्डले बेलिङ्घमको गोलबाट नियमित समयको अन्तिम समयमा बराबरी गोल गर्न सफल रह्यो।
अतरिक्त समयको पाँचौं मिनेट बेलिङ्घमले उत्कृष्ट बाइसाइकल किक मार्फत गोल गर्दै खेल अतिरिक्त समयमा धकेलेका थिए।
अतिरिक्त समयको पहिलो मिनेटमा नै कप्तान ह्यारी केनले गोल गर्दै २–१ को अग्रता दिलाए। त्यसपछि बाँकी समय थप गोल हुन सकेन।
सुर्खेत । प्रथम राष्ट्रिय ई स्पोर्ट्स च्याम्पियनसिप २०८१ को उपाधि हेल नाइट (एचके) मडरर्सले जितेको छ । कर्णाली प्रदेशको सुर्खेत विरेन्द्रनगरमा शनिवार राति सम्पन्न फाइनल चरणमा लियो स्पोर्ट्सलाई पछि पार्दै एचके मडर्सस पब्जी मोबाईलतर्फको च्याम्पियन बनेको हो ।
दुवै टोलीले समान अंक जोडेपनि चिकेन डिनरका आधारमा एचके मडरर्स च्याम्पियन बनेको आयोजक ई स्पोर्ट्स एसोसिएनका सचिव आशिष दाहालले जानकारी दिए ।
च्याम्पियन बनेको एचके मडरर्सले २ लाख २५ हजार प्राप्त गऱ्यो । दोस्रो भएको लियो स्पोर्ट्सले १ लाख ८० हजार पायो । यस्तै तेस्रो भएको फ्याभ फोरले १ लाख ८ हजार प्राप्त गऱ्यो । पब्जी मोबाइलमा अन्तिम चरणमा प्रतिस्पर्धा गरेका १६ वटै टिमले नगद पुरस्कार प्राप्त गरेका थिए । जसको प्राईज पुल ९ लाख रुपैयाँ रहेको थियो ।
लियो स्पोर्ट्सका लिओ एक्स हैतदामी मोस्ट भ्यालुएबल प्लेअर (एमभिपी) घोषित भए । उनले टेक्नो पोभा–६ मोबाइल प्राप्त गरे ।
च्याम्पियनसिपमा तीन इभेन्ट समावेश गरिएको थियो । जसमा इ फुटबलको उपाधि गौरव पुडासैनीले जिते । यस्तै, मोबाइल लेजेण्ड्स (एमएलबीबी)को उपाधि टिम हाई भोल्टेजले जितेको थियो । पब्जी बाहेक बाँकी दुई इभेन्ट अनलाइनमा आयोजना भएको थियो । एमएलबीबीको प्राईज पुल २ लाख र ई फुटबलको प्राईज पुल एक लाख रुपैयाँ रहेको थियो ।
ई स्पोर्ट्स संघ नेपालको आधिकारिक गठन भएपछि पहिलो प्रतियोगिता कर्णाली प्रदेशमा आयोजना गरिएको हो । पहिलो पटक आयोजना भइरहेको ई राष्ट्रिय स्पोर्टस् च्याम्पियनसिपको छनोटमा पब्जीमा १३६ टिम, मोबाइल लेजण्ड्समा ४० टिम र ई फुटबलमा १९३ खेलाडीले प्रतिस्पर्धा गरेका थिए ।
विजेतालाई कर्णाली प्रदेश खेलकुद विकास परिषदका सदस्य सचिव विश्वामित्र सन्ज्याल, ईशानका अध्यक्ष अन्जन धमला, वरिष्ठ उपाध्यक्ष हिमबिक्रम केशी, सचिव बालकुमार केसी लगायतले पुरस्कृत गरेका थिए । सदस्य सचिव सन्जेलले आसन्न दशौं राष्ट्रिय खेलकुदमा ई स्पोर्ट्सलाई समावेश गर्ने प्रतिबद्धता ब्यक्त गरेका थिए ।
काठमाडौं । भारतीय क्रिकेट टोलीका कप्तान रोहित शर्मा र पूर्व कप्तान विराट कोहलीले टी–२० अन्तर्राष्ट्रियबाट सन्यास लिएका छन् ।
शनिबार राति वेस्टइन्डिजमा भारतलाई १७ वर्ष पछि टी–२० विश्वकपको उपाधि दिलाएका कप्तान रोहित र विराटले सन्यासको घोषणा गरेका हुन्।
कप्तान रोहित शर्माले खेलपछि आफ्नो सन्यासको बारेमा केही भनेनन् । तर, खेलपछि पत्रकार सम्मेलनमा रोहितले सन्यासको घोषणा गरेका थिए।
विराट कोहलीले जस्तै उनले पनि यो टीम इण्डियाका लागि उनको अन्तिम टी–२० अन्तर्राष्ट्रिय खेल भएको बताए । अर्थात् अब उनले टी–२० अन्तर्राष्ट्रियबाट सन्यास लिनेछन् । तर, रोहित र विराट दुवैले एकदिवसीय र टेस्टमा भारतका लागि खेल्ने छन् ।
पत्रकार सम्मेलनमा रोहित शर्माले विराट कोहलीको टी–२० अन्तर्राष्ट्रियबाट सन्यास लिएको प्रश्नमा भने, ‘यो मेरो पनि अन्तिम टी–२० अन्तर्राष्ट्रिय पनि थियो । यो ढाँचालाई अलविदा भन्नको लागि यो राम्रो समय हो । यो मैले चाहेको थियो, मलाई कप चाहिएको थियो र मैले यो पाएँ । यसबाहेक रोहितले यो ट्रफी राहुल द्रविडलाई समर्पण गरेको बताए ।
रोहित शर्मा हाल सबै टी २० विश्वकप खेल्ने एकमात्र भारतीय खेलाडी हुन् । उनी २००७ को टी–२० विश्वकपको टोलीमा थिए । त्यसपछि अब २०२४ मा उनको कप्तानीमा टोलीले यो प्रतियोगिता जितेको हो ।
रोहित शर्माले आफ्नो करियरमा कुल १५९ टी–२० अन्तर्राष्ट्रिय खेल खेलेका छन् र ४२३१ रन बनाएका छन् । यो फर्म्याटमा उनको नाममा सर्वाधिक ५ शतकको कीर्तिमान पनि छ । रोहितले टी–२० अन्तर्राष्ट्रियमा कुल ३२ अर्धशतक पनि बनाएका छन् । अब उनले यही ऐतिहासिक कीर्तिमानसँगै आफ्नो यात्रा अन्त्य गर्ने निर्णय गरेका छन् ।
काठमाण्डौं। जारी कोपा अमेरिकामा समूह ए अन्तर्गत अर्जेनटिनाले पेरूलाई पराजित गर्दै समूह विजेताको रूपमा नकआउट चरणमा प्रवेश गरेको छ। हार्डरक स्टेडियम, मियामीमा आइतबार बिहान मेस्सी बिना सम्पन्न खेलमा पेरूलाई २-० गोलले पराजित गरेको हो।
अर्जेनटिनाका लागि दुबै गोल लाउटारो मार्टिनेजले गरेको थियो। पहिलो हाफ गोर रहित बराबरीमा टुंगिएको थियो। दोस्रो हाफको दुई मिनेटमा नै डिमारियाको थ्रुबल पासमा लाउटारो मार्टिनेजले गोल गरेको थियो। खेलको ७३औं मिनेटमा अर्जेनटिनाले पेनाल्टी पाएको थियो तर उक्त पेनाल्टी क्रसबारमा लागेर गोल हुन सकेनन्।
त्यस्तै खेलको ८६ औं मिनेटमा पेरूका डिफेण्डरले बल राम्रो संग क्लियर गर्न नसक्दा लाउटारो मार्टिनेजले बल खोसेर जाली चुमाए र खेल २-० को नतिजामा पुऱ्याए।
यसै समूह ए को अर्को खेल क्यानाडा र चिली बिच गोर रहित बराबरीमा सकिएको थियो।
यस जितसंगै अर्जेटिना ३ खेलमा ३ जित पछि ९ अंक सहित समूह विजेता र क्यानाडा ३ खेलमा १ जित १ हार १ बराबरी गर्दै ४ अंक सहित उप विजेता बन्दै नकआउट चरणमा प्रवेश गरेको छ। चिली ३ खेलमा २ बराबरी १ हार पछि २ अंक सहित तेस्रो र पेरू २ हार १ बराबरी पछि १ अंक सहित पुछारमा रहेको छ।
","created":"2024-06-30T08:11:11.220089+05:45","news_slug":"Martinez-2-goal-win-Argentina"},{"id":2243,"author":{"id":7,"first_name":"Swadesh","last_name":"Maharjan"},"title":"जर्मनी क्वाटर फाइनलमा प्रवेश","news_image_url":"https://cdn.nepalsportz.com/media/IMG_6691.webp","news_image_file":"https://app.nepalsportz.com/media/IMG_6691.webp","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"काइ हाभर्ट्ज र जमाल मुसियालाले दोस्रो हाफमा गरेको गोलले जर्मनीलाई युइएफए युरो २०२४ को क्वाटरफाइनलमा प्रवेश गरेको छ। शनिबार राती सिग्नल ईदुना पार्क डर्टमन्डमा भएको खेलमा जर्मनीले डेनमार्कलाई २-० गोलले पराजित गरेको हो।
खेलको ५३ओं मिनेटमा काइ हाभर्ट्जले पेनाल्टीमा गोल गर्दै जर्मनीलाई अग्रता दिलाए। डि-बक्स भित्र डेनमार्कका खेलाडीको हातमा बलले लागेपछि जर्मनीले पेनाल्टी पाएको थियो।
त्यस्तै खेलको ६८औं मिनेटमा जमाल मुसियालाले डिफेण्डरले दिएको लंग थ्रुबल पासमा डेनमार्कका डिफेण्डरलाई बिट गर्दै उत्कृष्ट गोल गर्दै जित पक्का गरेको थियो।
अब जर्मनीले स्पेन र जर्जिया बिच विजेतासंग क्वाटरफाइनलमा जुलाई ६ मा खेल्ने छ।
AFP via Getty Images
काठमाडौँ । इटाली युरोकप २०२४ को अन्तिम १६ बाट बाहिरिएको छ।
शनिबार सम्पन भएको खेलमा इटाली स्वीट्जरल्यान्डसँग २–० ले पराजित हुँदै प्रतियोगिातबाट बाहिरिएको हो।
स्वीट्जरल्यान्डको जितमा रेमो फ्रेउलर र रुबेन भारगासले गोल गरे।
खेलमा ३७औँ मिनेटमा रेमो फ्रेउलरले गोल गर्दै स्वीस टोलीलाई अग्रता दिलाएका थिए। दोस्रो हाफको सुरुवातमा नै रुबेन भारगासले गोल गर्दै टोलीको अग्रता दोब्बर बनाए।
त्यसपछि भने कुनै गोल हुन नसकेपछि इटाली प्रतियोगिताबाट बाहिरिन बाध्य बन्यो।
काठमाडौं । भारतले दक्षिण अफ्रिकालाई पराजित गर्दै आइसिसी टी–२० विश्वकप जितेको छ।
शनिबार राति सम्पन्न खेलमा दक्षिण अफ्रिकालाई ७ रनले पराजित गर्दै भारतले सन् २००७ पछि पहिलोपल्ट उपाधि जितेको हो।
भारतले दिएको १७७ रनको लक्ष्य पछ्याएको दक्षिण अफ्रिकाले निर्धारित २० ओभरमा आठ विकेट गुमाउँदै १६९ रनमात्रै बनाउन सक्यो।
दक्षिण अफ्रिकाका हाइनरिक क्लासनले सर्वाधिक ५२ रन बनाए। २७ बल खेलका उनले दुई चौका र पाँच छक्का प्रहार गरे।
क्विन्टन डी कक ३९, ट्रिस्टन स्टब्स ३१ र डेभिड मिलर २१ रनमा आउट हुँदा अन्य खेलाडीले दोहोरो अंकमा रन बटुल्न सकेनन्। भारतका हार्दिक पाण्ड्याले सर्वाधिक तीन विकेट लिए। अर्शदीप सिंह र जसप्रीत बुहराहले समान दुई विकेट लिँदा अक्षर पटेलको नाममा एक विकेट रह्यो।
त्यसअघि बार्बडसस्थित किंगस्टन ओभलमा टस जितेर पहिला ब्याटिङ थालेको भारतले निर्धारित २० ओभरमा सात विकेट गुमाउँदै १७६ रन बनाएको थियो।
भारत जारी प्रतियोगितामा अपराजित रह्यो।
काठमाडौं । प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको पुरुषतर्फ उपाधि गण्डकी प्रदेशले जितेको छ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार सम्पन्न पुरुषतर्फको फाइनल खेलमा गण्डकीले लुम्बिनी प्रदेशलाई ३-१ को सेटमा पराजित गरेको हो।
गण्डकीले पहिलो २५-१५ ले आफ्नो पक्षमा पर्दा दोस्रो सेट २०-२५ ले गुमाएको थियो। त्यसपछि बाँकी दुई सेट २५-२० र २५-२० ले आफ्नो पक्षमा पर्दै च्याम्पियन बनेको हो।
उपाधिसँगै गण्डकीले नगद तीन लाख प्राप्त गरेको छ। पराजित लुम्बिनीले भने दुई लाखमा चित्त बुझायो।
काठमाडौं । प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको महिलातर्फ उपाधि बागमती प्रदेशले जितेको छ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार सम्पन्न महिलातर्फको फाइनल खेलमा बागमतीले लुम्बिनी प्रदेशलाई ३-० को सोझो सेटमा पराजित गरेको हो।
बागमतीले २५-२१, २५-१६ र २५-१८ को सेटमा सहज जित हासिल गर्यो।
उपाधिसँगै बागमतीले नगद तीन लाख प्राप्त गरेको छ। पराजित लुम्बिनीले भने दुई लाखमा चित्त बुझायो। बागमतीले समूह चरणको सबै खेल जितेको थियो। बागमती समूह बी मा शीर्ष स्थानमा रहँदै सेमिफाइनलमा पुगेको हो। बागमतीले सेमिफाइनलमा समूह ए बाट उपविजेता बनेको कोशी प्रदेशलाई ३-० को सेटका पराजित गर्दै फाईनलमा पुगेको थियो।
यता, लुम्बिनीले भने गण्डकीलाई ३-० को सोझो सेटमा हराउँदै फाइनल प्रवेश गरेको हो।
काठमाडौं । सुदूरपश्चिम प्रदेशले प्रथम सहाना प्रधान स्मृति यु-१९ राष्ट्रिय महिला तथा पुरुष भलिबल प्रतियोगितामा पुरुषतर्फ तेस्रो स्थान हासिल गरेको छ।
त्रिपुरेश्वरस्थित राष्ट्रिय खेलकुल परिषद् (राखेप) कभर्डहलमा शनिबार सम्पन्न तेस्रो स्थानको लागि भएको खेलमा सुदूरले बागमती प्रदेशलाई ३-० को सेटमा पराजित गरेको हो।
सुदूरपश्चिमले २५-१९, २५-२३ ले आफ्नो पक्षमा पार्दा तेस्रो सेट पनि २५-२१ ले आफ्नो पक्षमा पार्दै तेस्रो स्थान हासिल गर्यो।
सेमिफाइनलमा सुदूरपश्चिम गण्डकी तथा बागमती लुम्बिनी प्रदेशसँग पराजित भएको थियो।