![](\"https://cdn.nepalsportz.com/media/django-summernote/2024-07-09/cc33fef8-c152-43e0-988f-2114d4efb577.jpeg\")
काठमाडौं । एसीसी महिला एसिया कपका लागि श्रीलंकामा रहेको नेपाली टोली पहिलो अभ्यास खेलमा श्रीलंका डेभलभमेन्ट टोलीसँग पराजित भएको छ।
मंगलबार सम्पन्न खेलमा नेपाली टोली ३३ रनले पराजित भएको हो।
श्रीलंकाले दिएकाे ११९ रनको लक्ष्य पछ्याएको नेपालले बर्षाका कारण छोट्याईएको १५ ओभरमा ९ विकेट गुमाएर मात्र ६३ रन बनायो।
नेपालका लागि रुबिना क्षेत्रीले १७ बलमा १७ तथा सिता राना मगरले २८ बलमा ११ रन बनाईन्।श्रीलंकाका लागि दिवामी भिहागांले तीन तथा एम सिहानीले दुई विकेट लिईन्।
त्यसअघि पहिले ब्याटिङ गरेको श्रीलंकाले निर्धारित २० ओभरमा ८ विकेट गुमाएर ११८ रन बनाएको थियो।
दोस्रो अभ्यास खेल बुधबार हुनेछ।
काठमाडौं । अखिल नेपाल फुटबल संघ (एन्फा) ले यु-२० राष्ट्रिय पुरुष फुटबल टोलीको बन्द प्रशिक्षणका लागि ४० खेलाडी छनोट गरेको छ।
सातदोबाटोस्थित एन्फा कम्प्लेक्समा सम्पन्न केन्द्रीय छनोटमा करिब ४०० खेलाडीको सहभागिता थियो।
दक्षिण एसियाली फुटबल महासंघ (साफ) यु-२० च्याम्पियनसिप र यु-२० एसियन कप छनोटको बन्द प्रशिक्षणमा ४० खेलाडी छनोट गरिएको हो।
यस्तै टोलीको प्रशिक्षकमा उर्जन श्रेष्ठले जिम्मेवारी पाएका छन्।
साफ यु-२० च्याम्पियनसिप साउन ३२ गतेदेखि भदौ १२ गतेसम्म काठमाडौंमा हुदैछ। समूह ‘ए’ मा नेपाल, श्रीलंका, पाकिस्तान र बंगलादेश तथा समूह ‘बी’ मा भारत, माल्दिभ्स र भुटान छन्।
प्रतियोगिताको उद्घाटनमा नेपालले श्रीलंकाको सामना गर्नेछ। यसैगरी नेपालले पाकिस्तानविरुद्ध भदौ ३ र बंगलादेशविरुद्ध भदौ ६ मा खेल्नेछ।
यसैगरी यु-२० एसिया कप छनोटको समूह ‘बी’ मा नेपाल चाइनिज ताइपेइ, उज्वेकिस्तान, बहराइन र कम्बोडिया छन्। यो समूहको खेल सेप्टेम्बर २१ देखि २९ सम्म चाइनिज ताइपेइमा हुनेछ।
काठमाडौं । जिम्बावेविरुद्ध टी२० अन्तर्राष्ट्रिय सिरीजको दोस्रो खेलमा भारत विजयी भएको छ।
हरारे स्पोर्टस क्लब जिम्बावेमा आइतबार सम्पन्न खेलमा भारत १०० रनले विजयी भएको हो।
जितसँगै भारतले पाँच खेलको सिरीज १-१ को बराबरीमा ल्यायो। पहिलो खेलमा भारत १३ रनले पराजित थियो।
भारतले दिएको २३५ रनको लक्ष्य पछ्याएको जिम्बावे १८.४ ओभरमा १३४ रनमै समेटियो।
जिम्बावेका लागि विस्ली मेधभेरेले ४३, लुक जोन्ग्वेले ३३, ब्रायन जोन बेनेटले २६ र जोनाथन क्याम्पबेलले १० रन बनाए।
भारतका लागि आवेश खान र मुकेश कुमारले समान तीन, रवी बिश्नोइले दुई र वासिङ्टन सुन्दरले एक विकेट लिए।
त्यसअछि टस जितेर ब्याटिङ रोजेको भारतले निर्धारित २० ओभरमा दुई विकेट गुमाउँदै २३४ रनको योगफल तयार पारेको थियो।
भारतका लागि अविशेक शर्माले ४७ बलमा आठ छक्का र सात चौकाको मद्दतले सर्वाधिक १०० रनको योगदान गरे। यसैगरी ऋतुराज गायकवाडले ४७ बलमा ११ चौका र एक छक्काको मद्दतले अविजित ७७ र रिन्कु सिंहले अविजित ४८ रन बनाए।
जिम्बावेका लागि ब्लेसिङ मुजरबानी र वालिङटन मस्काड्जाले सामना एक विकेट लिएका थिए। अब सिरीज को तेस्रो खेल बुधबार हुनेछ।
काठमाडौं । अखिल नेपाल फुटबल संघ (एन्फा) ले राष्ट्रिय यु-२० टोलीको व्यवस्थापकमा रविन खड्कालाई नियुक्त गरेको छ।
सातदोबाटोस्थित एन्फा कम्प्लेक्समा आइतबार महासचिव किरण राईले खड्कालाई नियुक्ति पत्र हस्तान्तरण गरेका हुन्।
खड्का सातदोबाटो युथ क्लबका महासचिव पनि हुन्। एन्फाले यसअघि नै मुख्य उर्जन श्रेष्ठलाई, सहायक सशिन्द्र धिमाललाई र गोलकिपिङ प्रशिक्षकको जिम्मेवारी राजु सिंहलाई दिइसकेको छ।
नेपालले आगामी अगस्ट १६ देखि २८ तारिखसम्म दक्षिण एसियाली फुटबल महासंघ (साफ) यु-२० च्याम्पियनसिपको आयोजना गर्दैछ।
काठमाडौं । ब्राजिललाई पेनाल्टी सुटआउटमा पराजित गर्दै उरुग्वे कोपा अमेरिका २०२४ को सेमिफाइनलमा प्रवेश गरेको छ।
आइतबार बिहान सम्पन्न खेलमा निर्धारित ९० मिनेटमा कुनै गोल नभएपछि विजेताको टुंगो पेनाल्टी सुटआउटमार्फत गरिएको हो।
पेनाल्टी सुटआउटमा उरुग्वेले ब्राजिललाई ४-२ ले बाजी मार्यो।
उरुग्वेका लागि पेनाल्टी फेडेरिको भल्भर्डो, म्यानुअल उगार्टो, रोड्रिगो बेनटान्कर र जर्जियन डी अर्रास्केटाले गोल गर्दा मारिया गिमेनेजको प्रहार ब्राजिलियन गोलरक्षक एलिसनले बचाए।
ब्राजिलका गेब्रियल मार्टिनेली र एन्ड्रेस परेराले मात्रै गोल गर्न सके। डगलस लुइज र एडर मिलिटाओले भने गोल गर्न असफल रहे।
काठमाडौं । कोलम्बिया कोपा अमेरिका २०२४ को सेमिफाइनलमा प्रवेश गरेको छ।
आइतबार विहान सम्पन्न खेलमा पानामामाथि ५–० गोलको एकतर्फी जित निकाल्दै कोलम्बियाले अन्तिम चारमा स्थान पक्का गरेको हो।
पहिलो हाफमा ३ गोल गरेको कोलम्बियाले दोस्रो हाफमा थप २ गोल गर्न सफल भयो।
जोन एन्ड्रेस क्रोडोबाले खेलको आठौं मिनेटमा गोल गर्दै अग्रता दिलाएका थिए। १५औं मिनेटमा कोलम्बियाले पेनाल्टीमा गोल गर्दै अग्रता दोब्बर बनायो।
कोलम्बियाका जेम्स रोड्रिगेजले पेनाल्टीमा गोल गरे। ४१औं मिनेटमा लुइस डियाजले गोल गरेपछि कोलम्बियाले पहिलो हाफमा ३–० को अग्रता लियो।
दोस्रो हाफको ७० औं मिनेटमा रिचार्ड रियोसले गोल गरेपछि कोलम्बिया एकतर्फी र फराकिलो जिततर्फ अग्रसर बन्यो।
अतिरक्त समयको चौथो मिनेटमा कोलम्बियाका लागि मिगुएल ब्रोजाले गोल गरेपछि अन्ततः खेलको नतिजा ५–० का निस्कन पुग्यो। कोलम्बियाले अब सेमिफाइनलमा उरुग्वेसँग खेल्ने छ।
काठमाडौं । राष्ट्रिय खेलकुद परिषद् (राखेप) को आयोजनामा तथा नेपाल स्पाइनलकर्ड इन्जरी खेलसंघको ब्यवस्थापनमा ह्विलचियर बास्केटबल बागमती प्रदेश शभा सदस्य लक्ष्मी घिमिरेको प्रमुख आतिथ्यतामा तथा राष्ट्रिय खेलकुद परिषद्का बोर्ड सदस्य पेमा डोल्मो लामाको बिशेस आतिथ्यतामा सम्पन्न भएको छ।
बौद्ध इन्टरनेशनल स्कुल अत्तरखेल जोरपाटीमा शनिबार सम्पन्न खेलमा पुरुषतर्फ विभागिय टोली एपिएफ क्लब र महिलातर्फ सुदूरपश्चिम प्रदेशले उपाधि जितेको छ।
पुरुषतर्फको फाइनल खेलमा एपिएफले बागमती प्रदेशलाई ३९–२० को स्कोरमा पराजित गरेको हो। यस्तै महिलातर्फ सुदूरपश्चिम प्रदेशले कोशी प्रदेशलाई १५–१० को स्कोरमा पराजित गरेको हो।
पुरुर्षतर्फ तेस्रो गण्डकी तथा महिलातर्फ लुम्बिनी प्रदेशले कर्णली प्रदेशलाई पराजित गर्यो। प्रतियोगितामा प्रथम हुने दुबै टीमले २० हाजर, दोस्रोले १५ हजार र तेस्रो स्थान हासिल गर्ने टिमले १० हजारसहित ट्रफी मेडल पाए।
त्यसैगरी हाइस्कोरर पुरुषतर्फ एपिएफका प्रेम बिक र महिलातर्फ सुदुरपश्चिम प्रदेशका एशेर्या कुमारी कुमाल भइन् भने मस्ट भ्यालुएबल प्लेएरमा पुरुषतर्फ एपिएफका प्रेम बिक र महिलातर्फ सुदुरपश्चिम प्रदेशका तुलसा मगर भइन्। उनीहरु सबैले १र१ हजार पुरुष्कार पाए।
सत्य नारायण बहादुर श्रेष्ठ (एसएनबी) मेमोरियल इन्टर स्कुल यु १६ फुटसल टुनामेन्ट अन्तर्गत महिला तर्फ एभिएमले उपाधी जितेको छ भने पुरूष तर्फ जेम्स स्कुलले उपाधी जितेको छ।
आदर्श विध्या मन्दिर स्कुले आयोजना गरेको यस प्रतियोगिता असार २० र २१ गते गरी दुई दिन सम्म भएको थियो।
महिला तर्फ जेम्स स्कुल दोस्रो र सेन्ट जेभियर्स स्कुल तेस्रो भएको थियो । त्यस्तै पुरूष तर्फ सेन्ट जेभियर्स स्कुल दोस्रो र रोजवर्ड स्कुल तेस्रो भएको थियो।
महिला तर्फ फेयर प्लेमा एम्स एकेडेमीले जितेको छ।
पुरूष तर्फ फेयर प्लेमा एभेन्स स्कूल जितेको छ।
महिला तर्फ उत्कृष्ट खेलाडी एभिएमका कृतिशा तामाङ भए। त्यस्तै पुरूष तर्फ उत्कृष्ट खेलाडी सेन्ट जेभियर्स जावलाखेलका सुयम भक्त श्रेष्ठ भए।
सर्बोकृष्ट गोल कर्ता महिला तर्फ एभिएमका आरोशी शर्मा भने पुरूष तर्फ एभिएम श्रीजल पौडेलले पाए।
जारी युरो कप २०२४ मा फ्रान्सले पोर्चुगललाई पराजित गरेको छ। यस जित संगै फ्रान्स सेमिफाइनलमा प्रवेश गरेको छ। टाइब्रेकरमा फ्रान्सले ५-३ ले खेल जितेको हो।
जर्मनीको ह्यामबर्गमा भएको क्वाटरफाइनल खेलमा निर्धारित ९० मिनेट गोल रहित बराबरी पछि खेल अतिरिक्त समयमा ढकेलेको थियो । त्यसमा पनि गोलरहित बराबरीमा सकिँए पछि खेल टाइब्रेकरमा अघि बढेको थियो।
टाइब्रेकरमा पोर्चुगलका लागि रोनाल्डो, सिल्भा र मेनडसले गोल गरेको थियो भने जोआओ फेलिक्सको पेनाल्टी पोस्टमा लागेर गोल हुन् लकेनन्।
फ्रान्सका लागि डेम्बेले, फोफाना, कोउण्डे, होरकोला र हर्नेनडेजले गोल गरेको थियो।
पहिलो क्वाटरफाइनलमा स्पेनले जर्मनीलाई २-१ ले पराजित गर्दै सेमिफाइनलमा प्रवेश गरेको थियो।
अब स्पेन र फ्रान्सले सेमिफाइनलमा खेल्नेछन् ।
शनिबार हुने तेस्रो क्वाटरफाइनलमा इंग्ल्यान्ड र स्विटजरल्यान्ड भिड्ने छ भने अन्तिम क्वाटरफाइनलमा नेदरल्यान्ड्सले टर्कीको सामना गर्नेछ ।
","created":"2024-07-06T05:49:18.058460+05:45","news_slug":"France-advanced-to-semifinal-euro2024"},{"id":2268,"author":{"id":7,"first_name":"Swadesh","last_name":"Maharjan"},"title":"जर्मनीलाई हराउँदै स्पेन सेमिफाइनलमा","news_image_url":"https://cdn.nepalsportz.com/media/IMG_6979.jpeg","news_image_file":"https://app.nepalsportz.com/media/IMG_6979.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"काठमाडौं । अतिरिक्त समयमा पराजित गर्दै स्पेन युरो कप २०२४ को सेमिफाइनलमा प्रवेश गरेको छ।
माइकल मेरिनोले अरिक्त समय सकिन एक मिनेट हुँदा गोल गरेसँगै स्पेन युरो कपको सेमिफाइनल प्रवेश गरेको हो।
एमएचपी एरेनामा शनिबार राति सम्पन्न खेलमा स्पेनले जर्मनीलाई २-१ गोलअन्तरले पराजित गरेको हो।
निकै प्रतिस्पर्धात्मक बनेको खेल निर्धारित समयमा टुङ्गो नलागेपछि अतिरिक्त समयमा धकेलिएको थियो। अतिरिक्त समयको पनि अन्तिम मिनेटमा ड्यानी ओल्मोको पासमा गोल गर्दै मिकेल मेरिनोले स्पेनलाई जित दिलाए।
५१औं मिनेटमा ड्यानी ओल्मोले गोल गर्दै स्पेनलाई सुरुआती अग्रता दिलाएका थिए। उनले लामाइन यमलको पासको सदुपयोग गरे। तर, उक्त अग्रता स्पेनले बचाउन सकेन। वैकल्पिक खेलाडीको रुपमा मैदान छिरेका लेभरकुजनका मिडिफिल्डर फ्लोरियन विर्ट्जले निर्धारित समय सकिँन एक मिनेट बाँकी रहँदा गोल गर्दै खेल अतरिक्त समयमा पुर्याएका थिए। उनले लेरोय सानेको पासको सदुपयोग गरे।
तर, ११९औं मिनेटमा ओल्मोको पासमा माइकल मेरिनोले गोल गर्दै स्पेनलाई अन्तिम चारमा पुर्याए। अतिरिक्त समयमा स्पेनका ड्यानी कार्भाजलले दोहोरो पहेंलो कार्ड पाउँदै मैदान छाडेका थिए।
काठमाडौं । नेपाल क्रिकेट संघ (क्यान)ले लेग स्पिनर सन्दीप लामिछानेले क्रेन्दीय सम्झौतामा अनुबन्ध गरेको छ।
बिहीबार र शुक्रबार बसेको क्यानको केन्द्रीय कार्यसमितिको बैठकले उनलाई ए ग्रेडमा केन्द्रीय सम्झौतामा अनुबन्धन गर्ने निर्णय गरेको हो।
उनको केन्द्रीय सम्झौता जुलाई १, २०२४ देखि डिसेम्बर ३१, २०२४ सम्म कायम रहने क्यानले जनाएको छ।
काठमाडौं । इन्फिनिटी ड्रिम्स प्रालिलाई एभरेस्ट महिला फ्रेन्चाइज भलिबल लिग सञ्चालन गर्ने नेपाल भलिबल संघले आधिकारिक रूपमा स्वीकृति दिएको छ।
शुक्रबार राजधानीमा पत्रकारको सम्मेलन गर्दै नेपाल भलिबल संघका अध्यक्ष जितेन्द्रबहादुर चन्दले इनफिनिटी ड्रिम्स प्रालिसँग ७ वर्षको लागि एभरेस्ट महिला फ्रेन्चाइज भलिबल लिग आयोजना गर्न अनुमति दिएको बताएका छन्।
इनफिनिटी ड्रिम्स प्रालिले होम र अवे सिद्धान्तको अवधारणा अनुसार देशभर यो लिग आयोजना गर्न अधिकार पाएको हो।
यस लिगको उद्देश्य राष्ट्रिय र अन्तर्राष्ट्रिय क्षेत्रहरूमा भलिबलको स्तर विकास गर्नु र भलिबलमा व्यवसायिकता ल्याउनु साथै नेपालको खेलकुद पर्यटनमा पनि टेवा पुर्याउनु रहेकोजनाएको छ।
काठमाण्डौं । जर्मनीमा जारी युरोकप २०२४ मा आजदेखि क्वाटरफाइनल चरणका खेलहरु हुँदैछन्।
क्वाटरफाइनलको पहिलो खेलमा स्पेन र जर्मनीबीच प्रतिस्पर्धा हुँदैछ। यी दुई टोलीबीचको रोमाञ्चक भिडन्त नेपाली समय अनुसार राति ९ः४५ बजेदेखि सुरु हुँदैछ।
स्पेनले क्वाटरफाइनलमा जर्जियालाई ४–१ गोल अन्तरले पराजित गरेको हो भने जर्मनीले डेनमार्कलाई २–० ले पराजित गर्दै क्वाटरफाइनमा पुगेको हो।
युरोकपका दाबेदार मानिएका स्पेन र जर्मनीको यो भिडन्त निकै रोचक हुने देखिएको छ। स्पेन र जर्मनीबीच अहिलेसम्म २६ खेल भएका छन्। जसमा जर्मनीले ९ खेल जितेको छ भने स्पेनले ८ खेल जितेको छ। त्यस्तै ९ खेल बराबरीमा सकिएका छन्।
काठमाण्डौं । पेनाल्टी सुटआउटमा इक्वेडरलाई पराजित गर्दै अर्जेन्टिना कोपाको सेमिफाइनलमा प्रवेश गरेको छ।
एनआरजी स्टेडियममा शुक्रबार बिहान सम्पन्न खेलमा अर्जेन्टिनाले इक्वेडरलाई पेनाल्टी सुटआउटमा ४-२ गोलअन्तरले पराजित गरेको हो।
निर्धारित ९० मिनेटको खेल १-१ गोलको बराबरीमा सकिएपछि सेमिफाइनलमा पुग्ने टोलीको छिनोफानो पेनाल्टी सुटआउटबाट गरिएको थियो। जसमा अर्जेन्टिनाले बाजी मार्यो।
अर्जेन्टिनाको लागि कप्तान लियोनल मेस्सीको प्रहार बारमा लागेर बाहिरिएको थियो भने जुलियन अल्भारेज, एलेक्सिस म्याक एलिस्टर, गोन्जालो मोन्टिएल र निकोलस ओटामेन्डीले गोल गरे।
इक्वेडरका जोन येबोह र जोर्डी काइसिडोले मात्रै गोल गर्न सके। एन्जल मेना र एलन मिन्डाको प्रहार इमिलियानो मार्टिनेजले रोके।
त्यसअघि खेलको ३५औं मिनेटमै लिसान्ड्रो मार्टिनेजले गोल गर्दै अर्जेन्टिनालाई सुरुआती अग्रता दिलाएका थिए। ६२औं मिनेटमा इक्वेडरले खेललाई बराबरीमा ल्याउने मौका पाएको थियो। तर, इनर भ्यालेन्सियाले पेनाल्टीमा गोल गर्न सकेनन्।
तर, दोस्रो हाफको इन्ज्युरी समयको पहिलो मिनेटमा जोन येबोहको पासमा केभिन रोड्रिग्जले गोल गर्दै खेल १-१ को बराबरीमा पुर्याएका थिए।
काठमाडौं । जाउलाखेल ह्विलचियर स्पोर्ट्स क्लबले वडा कप महिला ह्विलचियर बास्केटबलको उपाधि जितेको छ ।
राष्ट्रिय अपांग महिला समाजको आयोजनामा ज्ञानेश्वरस्थित ग्यालेक्सी पब्लिक स्कुलमा बिहीबार सम्पन्न खेलमा जाउलाखेलले ह्विलचियर स्पोर्ट्स एसोसिएसन (डब्ल्युएसए) लाई ११–८ को स्कोरमा पराजित गर्दै उपाधि हात पारेको हो ।
जाउलाखेलले उपाधिसँगै १५ हजार रुपैयाँ प्राप्त ग¥यो भने उपविजेता डब्लुएसएले १० हजारमा रुपैयाँमा चित्त बुझायो । प्रतियोगिताको पहिलो सेमिफाइनलमा जाउलाखेलले विइनलाई १८–२ को फराकिलो स्कोरमा पराजित गर्दै फाइनमा स्थान बनाएको थियो । दोस्रो सेमिफाइनलमा डब्ल्युएसएले बीआईएलाई १२–६ को स्कोरमा पराजित गर्दै जाउलाखेलसँगको भेट पक्का गरेको हो ।
प्रतियोगितामा चार टोलीको सहभागिता रहेको थियो । तेस्रो स्थानको लागि भएको प्रतिस्पर्धामा विइनलाई ४–० को स्कोरमा पराजित गर्दै बीआईएले पाँच हजार रुपैयाँ पायो । प्रतियोगितामा टप स्कोरर डब्ल्युएसएकी ज्योति अर्याल घोषित भइन् । उनले फाइनलमा ६ स्कोर गरिन् । मोस्ट भ्यालुएबल प्लेयर जाउलाखेलकी बबिता थापा चुनिइन् । उनीहरूले समान एक हजार रुपैयाँ र ट्रफी हात पारे ।
प्रतियोगिता समापन समारोहमा काठमाडौं महानगरपालिका ३० का वडाअध्यक्ष दलबहादुर कार्की, ग्यालेक्सी स्कुलकी प्रधानाध्यापक सुरिना गुरुङ, राष्ट्रिय अपांग महिला समाजकी अध्यक्ष देवी आचर्यालगायतको उपस्थिति रहेको थियो । प्रतियोगिता सम्पन्न गर्न काठमाडौं महानगरपालिका ३० ले विषेश सहयोग गरेको थियो ।
काठमाडौँ । अमेरिकन मेजर लिग सकर अन्तर्गत चार्लोटविरुद्ध इन्टर मियामीले विजयी हासिल गरेको छ।
विहिबार बिहान सम्पन्न खेलमा इन्टर मियामीले चार्लोटलाई २-१ गोल अन्तरले पराजित गरेको हो।
मियामीको जितमा रोबेर्ट टेलर र बेन्जामिन क्रेमासचीले एक एक गोल गरे। त्यस्तै चार्लोटका लागि पाट्रीक आग्येमांगले एक गोल गरेको गोल सान्त्वना बन्यो।
जितसँगै इन्टर मियामीले मेजर लिग सकरको इस्टर्न कन्फेरेन्समा २२ खेलमा ४७ अंक भएको छ र शीर्ष स्थानमा रहेको छ। त्यस्तै चार्लेटको भने २२ खेलमा ३२ अंक रहेको छ र लिगमा छैठौं स्थानमा छ।
यस खेलमा चार्लोटका पाट्रीकले ९० मिनेटपछिको इन्जुरी समयमा रातो कार्ड पाएका थिए।
मुख्य खेलाडी लियोनेल मेस्सी र लुइस स्वरेज कोपा अमेरिका खेल्न टिम बाहिर रहेका बेला इन्टर मियामीले लगातार जित हासिल गरिरहेको छ।
काठमाडौं । नेपाल भलिबल संघले काभा यु–२० महिला भलिबल च्याम्पियनसिपमा सहभागी हुने अन्तिम १२ सदस्यीय खेलाडी टोली घोषणा गरेको छ।
टोलीमा बागमती प्रदेशका ६, लुम्बिनी प्रदेशका ४ तथा सुदूरपश्चिम प्रदेश र गण्डकी प्रदेशबाट समान १–१ खेलाडी छनोट भएको नेपाल भलिबल संघका अध्यक्ष जितेन्द्रबहादुर चन्दले जनाएका छन्।
गत शनिबार सम्पन्न प्रथम सहाना प्रधान यु-१९ महिला तथा पुरुष भलिबल च्याम्पियनसिपमा बागमती प्रदेशलाई उपाधि दिलाएकी ६ खेलाडी परेका छन्। उक्त प्रतियोगितामा बागमतीकी सलिना बुढा मगर उत्कृष्ट स्पाइकर घोषित भएकी थिइन्। एन्जिला मानन्धर उत्कृष्ट लेवेरो हुँदा प्रतियोगिताको उत्कृष्ट खेलाडी जेनिशा विश्वकर्मा र उत्कृष्ट सेटर भावना तामाङ घोषीत भइएकी थिइन्।
लुम्बिनीका निशा चौधरी, अनुषा चौधरी, मिना सुनार र आरती चौधरी छनोट भए। निशा चौधरी सहाना प्रधान भलिबलमा उत्कृष्ट ब्कर घोषीत खेलाडी हुन्।
यस्तै सुदूरपश्चिमबाट स्नेहा ठगुन्ना तथा गण्डकीबाट आशिका क्षेत्री छानिए। टोलीको मुख्य प्रशिक्षकमा कुमार राई र सहायक प्रशिक्षकमा अर्जुन घिमिरे तथा व्यवस्थापकमा जुनु पुन मगर रहेका छन्।
काभा भलिबल प्रतियोगिता माल्दिभ्सको मालेमा असार ३१ गतेदेखि साउन ९ गतेसम्म हुनेछ।
काठमाडौं । टियु बिबिए कप फुटबल प्रतियोगिताको १६औं संस्करण असास २० गतबाट सुरु हुने भएको छ ।
उद्घाटन खेलमा साविक विजेता तथा आयोजक शंकरदेव क्याम्पस र केसीएमआइटी कलेजबीच प्रतिस्पर्धा हुनेछ ।
आयोजक स्वतन्त्र विद्यार्थी युनियन(स्ववियु), शंकरदेव क्याम्पसले मंगलबार पत्रकार सम्मेलन गर्दै प्रतियोगिताका बारेमा जानकारी गराएको हो ।
चन्द एण्ड ब्रदर्स प्रा.लिको व्यवस्थापनमा हुन लागेको प्रतियोगिता काठमाडौंको सानो गौचरण खेल मैदानमा हुनेछ ।
प्रतियोगितामा त्रिभुवन विश्वविद्यालय अन्तर्गत व्यापार प्रशासनमा स्नातक गरिरहेका विद्यार्थीले मात्र सहभागिता जनाउन पाउनेछन् । सहभागी २६ टोलीलाई दुई पोलमा विभाजन गरिएको छ ।
प्रतियोगिताको विजेताले १ लाख रुपैयाँ प्राप्त गर्ने आयोजकले जनाएको छ । त्यस्तै हरेक खेलका म्यान अफ दि म्याचलाई ट्रफी प्रदान गरिनेछ ।
यसैगरी आयोजकले सर्वोत्कृष्ट खेलाडी र विधागततर्फ उत्कृष्ट हुने खेलाडीलाई विशेष पुरस्कारको व्यवस्था गरेको बतायो ।
महेन्द्र बहुमुखी क्याम्पस, धरानले आयोजना गरेको १५औं संस्करणमा शंकरदेवले फाइनलमा काठमाडौंकै एनसिसीलाई टाइब्रेकरमा पराजित गर्दै उपाधि जितेको थियो ।
त्यसैले प्रतियोगिताको आयोजना गर्ने जिम्मेवारी शंकरदेवले प्राप्त गरेको हो ।
मंगलबार आयोजित पत्रकार सम्मेलनमा शंकरदेव स्ववियु सभापति शुसान्त बस्नेत, क्याम्पस विद्यार्थी कल्याणकारी कोषका अध्यक्ष जोगिन्दर गोयत, बिबिए निर्देशक ऋषिराम पन्त, अखिल नेपाल फुटबल संघ(एन्फा)का केन्द्रीय सदस्य रविन्द्र चन्द लगायतको उपस्थिति थियो ।
स्ववियु सभापति बस्नेतले प्रतियोगितामा २६ टोलीलाई सहभागिता गराउन पाउँदा गर्व लागेको प्रतिक्रिया दिए । ‘विभिन्न बाधा अड्चनका बावजुद हामीले यति धेरै क्याम्पसहरुलाई प्रतियोगितामा सहभागि गराउन पाएका छौं । मिति नजिकिँदै जाँदा प्रतियोगिता नै रद्ध गर्न आदेश आउँदा समेत हामीले विद्यार्थीको मिहिनेतलाई कदर गर्योँ, र आज हामी यस कार्यक्रममा यसरी उभिन पाएका छौं । आज शंकरदेवको विद्यार्थी भन्दा हामीलाई गर्व लागेको छ,’ उनले भने ।
कल्याणकारी कोषका अध्यक्ष गोयतले विद्यार्थीको अधिकारलाई प्राथभिकता राखेको प्रतिक्रिया दिए । ‘विश्वविद्यालयबाट खेलकुद गतिविधि रोक्न दवाब आएपनि देशभरका विद्यार्थीको अधिकारको कुरालाई प्राथमिकता राख्दै हामीले यो प्रतियोगिता गरेका हौं, ’ गोयतले भने ।
त्यसैगरी बिबिए निर्देशक पन्तले प्रतियोगिताले क्याम्पसको पहिचान र विद्यार्थीको स्वास्थ्यमा सकारात्मक प्रभाव पार्ने बताए । ‘खेलले नै हो विश्वमा कुनै पनि देशको नाम राख्ने । क्याम्पसको नाम र पहिचानका लागि पनि यस किसिमका प्रतियोगिताहरु भइरहन आवश्यक छ । यस्ता प्रतियोगिताले विद्यार्थीको शारीरिक र मानसिक दुवै पक्षमा सकारात्मक प्रभाव पर्छ,’ पन्तले भने ।
उता एन्फा सदस्य चन्दले विश्वविद्यालयमा प्रतियोगिताले राम्रो सन्देश दिने धारणा राखे । ‘बिबिए कपले टियुका विद्यार्थीहरु पढाई बाहेक खेलकुदमा पनि अगाडि रहेछ भन्ने सन्देश जानेछ,’ चन्दले भने ।
प्रतियोगिताको सुरुआत १८ वर्ष अगाडि शंकरदेव क्याम्पसको पहलबाट नै सुरु भएको हो । प्रतियोगितालाई त्रिभुवन विश्वविद्यालयले प्राविधिक सहयोग गर्दै आएको छ ।
","created":"2024-07-03T15:26:46.077491+05:45","news_slug":"TU-BBA-football"},{"id":2259,"author":{"id":7,"first_name":"Swadesh","last_name":"Maharjan"},"title":"उर्जन श्रेष्ठ यू-२० टिमको मुख्य प्रशिक्षक","news_image_url":"https://cdn.nepalsportz.com/media/IMG_6897.jpeg","news_image_file":"https://app.nepalsportz.com/media/IMG_6897.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"
काठमाडौं । यू–२० पुरुष टोलीको मुख्य प्रशिक्षकमा उर्जन श्रेष्ठ नियुक्त भएका छन्।
सातदोबाटोस्थित एन्फा कम्प्लेक्समा एन्फाका महासचिव किरण राईलेश्रेष्ठलाई नियुक्ति पत्र हस्तान्तरण गरेका हुन् ।
राईले सहायक प्रशिक्षक र गोलकिपिङ प्रशिक्षकमा नियुक्त भएका शशिन्द्र धिमाल र राजु सिंहलाई पनि पत्र हस्तान्तरण गरेका छन् ।
कोचिङ टोलीले आगामी अगस्ट १६ देखि २८ सम्म काठमाडौंमा आयोजना हुने साफ यू–२० च्याम्पियनसिपका लागि राष्ट्रिय टोलीको तयारी गरिरहेको छ ।
सातदोबाटोस्थित एन्फा कम्प्लेक्समा अहिले प्रतियोगिताका लागि खेलाडी छनोट भइरहेको छ। केन्द्रीय छनोटमा करिब ४ सय खेलाडी सहभागी भएको छन्।
काठमाडौं । युरोकप २०२४ को क्वाटरफाइनल समिकरण पूरा भएको छ।
जर्मनीमा जारी युरोकपमा गएराति टर्कीले अष्ट्रिया र नेदरल्याण्ड्सले रोमानियालाई पराजित गर्दै अन्तिम आठ मा स्थान पक्का गरे।
जर्मनीको लाइप्जिङगमा मंगलबार राति सम्पन्न खेलमा अष्ट्रियामाथि २–१ गोलको रोमाञ्चक जित हासिल गर्दै टर्कीले अन्तिम आठमा स्थान पक्का गरेको हो।
टर्कीको जितमा डिफेन्डर मरिह डेमीरालले दुवै गोल गरेका थिए। यता अष्ट्रियाका लागि माइकल ग्रेगोरिस्चले फर्काएको गोल सान्त्वनामा परिणत भयो।
यस्तै, अर्को खेलमा नेदरल्याण्ड्सले रोमानियालाई ३–० गोल अन्तरले पराजित गरेको छ। एलियान्ज एरिनामा मंगलबार राति सम्पन्न खेलमा अन्तिम आठमा पुगेको हो।
नेदरल्यान्ड्सका कोडी गाक्पोले खेलको २०औं मिनेटमै गोल गर्दै सुरुआती अग्रता दिलाएका थिए। उनले जावी सिमोन्सको पासमा गोल गरे।
६३औं मिनेटमा उनले दोस्रो गोल गरेपनि भिडियो असिस्टेन रेफ्रीले अफसाइड देखाइदिँदा मान्यता पाउन सकेन। ८३औं मिनेटमा उनकै पामा डोनिएल मालेनले गोल गर्दै नेदरल्यान्ड्सको अग्रता दोब्बर बनाए।
दोस्रो हाफको इन्ज्युरी समयको तेस्रो मिनेटमा उनले नै व्यक्तित दोस्रो र टोलीको लागि तेस्रो गोल गर्दे नेदरल्यान्ड्सलाई जित दिलाए।
अब शुक्रबार र शनिबार क्वाटरफाइनलका खेलहरु हुने छन्। जसमा स्पेन र जर्मनी भिड्दा पोर्चुगल र फ्रान्स आमने सामने हुने छन्। यसैगरी इंग्ल्याण्ड र स्वीट्जरल्याण्ड भिड्दा अन्तिम क्वाटरफाइनलमा टर्की र नेदरल्याण्ड्सले प्रतिस्पर्धा गर्ने छन्।