![](\"https://cdn.nepalsportz.com/media/django-summernote/2024-07-12/0ac9f283-61e2-41ca-bf7a-e8672f0170f9.jpeg\")
काठमाडौं । ललित स्मृति एन्फा यू-१८ युथ लिग फुटबल प्रतियोगिताको उद्घाटन खेलमा न्युरोड टिम (एनआरटी) विजयी हासिल गरेको छ।
ललितपुरको सातदोबाटोस्थित एन्फा कम्प्लेक्स मैदानमा सम्पन्न खेलमा एनआरटीले चर्च ब्वाइज युनाइटेडलाई २–१ गोलले पराजित गरेको हो।
खेलको पहिलो हाफमै लिएको अग्रता जोगाउन नसक्दा चर्च ब्वाइजले पराजय ब्यहोर्यो।
खेलको ३६औँ मिनेटमा चर्च ब्वाइजका लागि अमनबहादुर तामाङले गोल गरेका थिए। पहिलो हाफमा १–० ले पछि परेको एनआरटीले दोस्रो हाफमा लगातार दुई गोल गर्दै नतिजा आफ्नो पक्षमा पारेको थियो।
एनआरटीका लागि दुबै गोल कप्तान विज्ञान खड्काले गरेका थिए। उनले ५५औँ र ८०औँ मिनेटमा पेनाल्टीमार्फत गरेका थिए। उनी प्लेयर अफ दी म्याच पनि घोषित भए।
प्रतियोगितामा कुल १२ वटा टोलीको सहभागिता रहेको छ।
काठमाडौं । नेपाली राष्ट्रिय क्रिकेट टोलीका कप्तान रोहित पौडेल र अलराउन्डर दीपेन्द्रसिंह ऐरीले म्याक्स ६० क्यारेबियन क्रिकेट लिग खेल्ने भएका छन्।
क्यारेबियन फ्रेन्चाइज लिग अगस्ट १८ देखि २५ सम्म केम्यान आइल्यान्डमा हुने छ। यो प्रतियोगिता टी-१० फर्म्याटमा हुने छ।
रोहित मियामी लायन्समा आबद्द भएका हुन्। यो टोलीमा ड्वेन ब्राभो आइकन खेलाडीका रुपमा रहनेछन्। त्यस्तै, दीपेन्द्रलाई ग्रान्ड केम्यान स्टिङरेजले नियुक्त गरेको छ।
प्रतियोगितामा पाँच टिमले प्रतिस्पर्धा गर्नेछन्।
काठमाडौं । पेनाल्टी सुटआउटमा क्यानडालाई पराजित गर्दै उरुग्वे कोपा अमेरिकामा तेस्रो भएको छ।
बैंक अफ अमेरिका स्टेडियममा आइतबार बिहान निर्धारित ९० मिनेटको खेल २-२ गोलको बराबरीमा सकिएको थियो। त्यसपछि खेलको छिनोफानो पेनाल्टी सुटआउटमार्फत गरिएको हो। जसमा उरुग्वे ४-३ गोलअन्तरले विजयी भयो।
पेनाल्टीमा फेडरिको भल्भर्डो, राड्रिगो बेन्टानकर, डि एरस्कइट र लुइस सुआरेजले गोल गरे।
क्यानाडाका जोनाथन डेभिड, मोइस बोम्बिटो र म्याथ्यू चोइनिइरेले गोल गरे। इस्माइल कोनको प्रहार गोलरक्षक सर्जियो रोचटले बचाए । कप्तान अल्फन्सो डेभिसको प्रहार पोलमा लाग्न पुग्यो।
त्यसअघि खेलको आठौं मिनेटमा सेबास्टियन कासेरेसको पासमा बेन्टानकरले गोल गर्दै उरुग्वेलाई सुरुआती अग्रता दिलाएका थिए।
तर, २२औं मिनेटमा कोनेले गोल गर्दै क्यानडालाई खेलमा फर्काए। उनले बोम्बिटोको पासमा गोल गरे।
८०औं मिनेटमा डेभिडले गोल गर्दै क्यानडालाई २-१ गोलको अग्रता दिलाए। तर, दोस्रो हाफको इन्ज्युरी समयको दोस्रो मिनेटमा सुआरेजले गोल गर्दै उरुग्वेलाई २-२ को बराबरीमा फर्काए।
काठमाडौं । नेपाली राष्ट्रिय फुटबल टोलीका अनुभवी खेलाडी रोहित चन्दले इन्डोनेसियन लिगा वान टोली पेर्सिक केदिरीसँग सम्झौता नवीकरण गरेका छन्।
३२ वर्षिय रोहितले क्लबसँगको सम्झौता एक वर्ष बढाएको पेर्सिकले जानकारी दियो। सन् २०१३ मा पहिलो पटक इन्डोनेसिया पुगेका रोहितले २०१६ मा मलेसियन लिग खेलेका थिए।
यसैगरी सन् २०१७ मा फर्किए यता भने रोहितले लिगा वान नै खेल्दै आएका छन्। रोहितले २०१७ देखि पाँच सिजन पर्सिजा जकार्तामा बिताए। क्लब २०१८ को लिग विजेता बन्दा रोहित सर्वोकृष्ट खेलाडी घोषित भए। हित सन् २०२२ मा पर्सिजा छाडी पेर्सिक पुगेका थिए।
काठमाडौं । नेपाली राष्ट्रिय क्रिकेट टोलीका ओपनर आसिफ शेख इलाइट मुभर्स एजुकेसन कन्सल्टेन्सीकाे ब्रान्ड एम्बासडरमा नियुक्त भएका छन्।
शेखको यो सम्झौता २ वर्षका लागि रहेको र आवश्यकता परेमा आपसी समझदारीमा सम्झौता बढाउदै लैजाने इलाइट मुभर्स एजुकेसन कन्सल्टेन्सीले बताएको छ।
सम्झौतापछि आशिफले विभिन्न माध्यमबाट संस्थाका गतिविधिको प्रचारप्रसारमा सहयोग गर्नेछन्। संस्थाले सम्झौता रकम भने खुलाएको छैन।
काठमाडौं । पाकिस्तानले काठमाडौंमा आयोजना हुने साफ यु २० च्याम्पियनसिप नखेल्ने भएको छ।
दक्षिण एसियाली फुटबल महासंघ (साफ)का अनुसार पाकिस्तानले प्रतियोगिताबाट नाम फिर्ता लिएको हो।
योसँगै प्रतियोगिता दुई दिन पर सरेको छ। यसअघि नेपालले १६ अगस्टमा हुने भनिएको उद्घाटन खेलमा श्रीलंकासँग प्रतिस्पर्धा गर्ने तय थियो।
तर, यो खेल अगस्ट १८ मा हुने छ। अब नेपाल रहेको समूहमा श्रीलंका र बंगलादेश मात्रै हुने छ। अर्को समूहमा भारत, माल्दिभ्स र भुटान रहेका छन्।
काठमाण्डौं । नेपाली राष्ट्रिय भलिबल टोलीका कप्तान मान बहादुर श्रेष्ठ फेवा एजुकेसन तथा माइग्रेसन कम्पनी अस्ट्रेलियाले ब्रान्ड एम्बसेडर नियुक्त भएका छन्।
हाल अस्ट्रेलिया भ्रमणमा रहेका श्रेष्ठलाई फेवा एजुकेसन तथा माइग्रेसनले दुई वर्षको लागि कम्पनिको ब्रान्ड एम्बसेडरको रुपमा नियुक्त गरेको कम्पनिका निर्देशक योगेश श्रेष्ठले जानकारी दिए।
कम्पनी र श्रेष्ठबीच ब्रान्ड एम्बसेडर सम्बन्धि सम्झौता भएको छ। सम्झौता अनुसार कम्पनिले श्रेष्ठ लाई दुई वर्षमा करिब दस लाख नेपाली रुपैयाँ बराबर नगद तथा सेवा प्रदान गर्ने कम्पनिले जनाएको छ।
सम्झौता अनुसार नेपाली भलिबल कप्तान श्रेष्ठ बार्षिक रूपमा अस्ट्रेलियामा आयोजना गरिने भलिबल प्रतियोगितामा सहभागी हुने छन्।
नेपाली भलिबल टोलीका खेलाडी ब्रान्ड एम्बसेडर नियुक्त भएको यो पहिलो पटक हो।
काठमाडौं । स्पेनिस महारथी रियल मड्रिडले फ्रेन्च स्टार स्ट्राइकर किलियन एमबाप्पेलाई आगामी मंगलबार सान्टियागो–बर्नाबेउमा आफ्ना समर्थकमाझ सार्वजनिक गर्ने भएको छ।
फ्रान्सको टोली युरो कपको सेमिफाइनलमा स्पेनसँग पराजित भएको २४ घण्टा नबित्दै रियलले एमबाप्पेलाई सार्वजनिक गर्ने बताएको हो।
उनले रियलमा ९ नम्बरको जर्सी लगाउने छन्। एमबाप्पेलाई मंगलबार बर्नाबेउमा प्रस्तुत गरिनेछ। त्यसपछि रियलका अध्यक्ष फ्लोरेन्टिनो पेरेजले उनको पाँच वर्षे सम्झौतामा हस्ताक्षर गर्ने क्लबले बुधबार घोषणा गरेको छ।
युरो कपमा फ्रान्सका कप्तानले अस्ट्रियाविरुद्धको पहिलो खेलमा नाक भाँचेका थिए र मंगलबार स्पेनसँग २–१ ले पराजित हुँदा बराबरी गर्ने अन्तिम मौका गुमाएका थिए ।
काठमाडौं । भारतले जिम्बाब्वेविरुद्धको टी-२० सिरिजमा लगातार दोस्रो जित हासिल गरेको छ। जिम्वाब्बे
बुधबार सम्पन्न सिरिजको तेस्रो खेलमा भारत २३ रनले विजयी भयो।
यो जितसँगै भारत पाँच खेलको सिरिजमा २-१ को अग्रता बनाएको छ। यसअघि सम्पन्न दोस्रो खेलमा भारत विजयी भएको थियो भने पहिलो खेलमा जिम्बाब्वे विजयी भएको थियो। अब सिरिजको चौथो खेल शनिबार हुने तालिका रहेको छ।
भारतले दिएको १८३ रनको लक्ष्य पछाएको जिमबाब्वेले २० ओभरमा ६ विकेट गुमाउँदै १५९ रन मात्र बनाउन सक्यो।
जिम्बाब्वेका लागि डिओन मेयर्सले सर्बाधिक ६५ रन बनाएका थिए भने क्लीभ माडान्डेले ३७ रन बनाएका थिए। त्यसैगरी भारतीय बलर वाशिंटन सुन्दरले सर्बाधिक ३ विकेट लिए भने अभेश खानले दुई तथा खलील अहमदले एक विकेट लिएका थिए।
यस अघि टस जितेर पहिला ब्याटिङ गरेको भारतले २० ओभरमा ४ विकेट गुमाएर १८२ रन बनाएको थियो।
भारतका लागि कप्तान शुभमन गिलले सर्बाधिक ६६ रन बनाए भने रुतुराज गायकवाडले ४९ तथा यशस्वी जयसवालले ३६ रन बनाएका थिए। त्यस्तै जिम्बाब्वेका बलर ब्लेसिंग मुजाराबानी र सिकन्दर राजाले दुई/दुई विकेट लिएका थिए।
१० सदस्यीय कोलम्बियाले बिहिबार विहान उरुग्वेलाई १–० ले पराजित गर्दै २३ वर्षपछि पहिलो पटक कोपा अमेरिकाको फाइनलमा प्रवेश गरेको छ ।
जेफरसन लेर्माको हेडर गोल नै खेलको निर्णायक गोल भएको थियो। अब कोलम्बियाले सेमबार विहान मियामीको हार्ड रक स्टेडियममा हुने फाइनलमा अर्जेन्टिनाको सामना गर्नेछ।
ड्यानियल मुनोजलाई पहिलो हाफअघि रातो देखाए पछि खेलको दोस्रो हाफ कोलम्बियाले १० जना खेलाडीले मात्र खेलेको थियो।
खेलको ३९ औं मिनेटमा लेर्माले जेम्स रोड्रिग्वेजको कर्नरमा हेद गर्दै उरुग्वेका गोलरक्षक सर्जियो रोचेटलाई पछि पार्दै कोलम्बियाको लागि गोल गरे र त्यो नै निर्णायक बन्यो।
कोलम्बिया आफ्नो दोस्रो कोपा अमेरिका उपाधि खोज्दैछ, उसले सन् २००१ को फाइनलमा मेक्सिकोलाई पराजित गर्दै कोपा अमेरिकाको उपाधी जितेको थियो।
","created":"2024-07-11T08:05:57.577629+05:45","news_slug":"Colombia-into-final-of-copa-America"},{"id":2287,"author":{"id":7,"first_name":"Swadesh","last_name":"Maharjan"},"title":"नेदरल्याण्ड्सलाई पराजित गर्दै इंग्ल्याण्ड फाइनलमा","news_image_url":"https://cdn.nepalsportz.com/media/IMG_7051.jpeg","news_image_file":"https://app.nepalsportz.com/media/IMG_7051.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"इन्जुरी समयमा ओली वाटकिन्सको उत्कृष्ट गोलमा नेदरल्यान्ड्सलाई २-१ लेपराजित गर्दै इंग्ल्याण्ड युरो २०२४ को फाइनलमा प्रवेश छ।
जाभी सिमोन्सले खेलको सातौं मिनेटमा इंग्ल्याण्डका मिडफिल्डसंग बल खोस्दै डिबक्स बाहिरबाट उत्कृष्ट लामो दूरीसटमा गोल गर्दै नेदरल्यान्ड्सलाई अग्रता दिलाए। तर खेलको १८औं मिनेटमा ह्यारी केनले पेनाल्टीमा गोल गर्दै बराबरी गरेका थिए । डिबक्स भित्र हातना बलले लागेपछि इंग्ल्याण्डले पेनाल्टी पाएको थियो।
खेलको ८१औं मिनेटमा केनको सत्तामा आएको ओली वाटकिन्सले इन्जुरी समयको पहिलो मिनेटमा कोल पालमरको पासमा बायाँ कुनामा लक्षित गरि प्रहाक गर्दै गोल गरेको थियो ।
इंग्ल्याण्डले अब फाइनल स्पेनसंग १५ जुलाईमा सोमबार विहान १ः४५ बदे हुनेछ।
","created":"2024-07-11T07:28:08.657106+05:45","news_slug":"England-advanced-into-final"},{"id":2286,"author":{"id":7,"first_name":"Swadesh","last_name":"Maharjan"},"title":"युरोकपमा गोल गर्ने यमल कान्छो खेलाडी","news_image_url":"https://cdn.nepalsportz.com/media/IMG_7050.jpeg","news_image_file":"https://app.nepalsportz.com/media/IMG_7050.jpeg","category":[{"id":1,"created":"2023-02-03T13:17:51.271694+05:45","modified":"2023-02-03T13:17:51.271713+05:45","created_np":"2079-10-20T13:17:51.271727+05:45","modified_np":"2079-10-20T13:17:51.278345+05:45","name":"Football","slug":"football"}],"season":null,"content":"काठमाडौं । लामिन यमल युरोकपमा गोल गर्ने सबैभन्दा कान्छो खेलाडी बनेका छन्।
गएराति सम्पन्न युरोकप २०२४ को पहिलो सेमिफाइनलमा फ्रान्सविरुद्ध गोल गर्दै यमलले यस प्रतियोगिताको इतिहसमै गोल गर्ने सबैभन्दा कान्छो खेलाडी बनेका हुन्।
खेलको २१औं मिनेटमा १६ वर्षीय यमलले गोल गर्दै स्पेनलाई खेलमा फर्काएका थिए।
त्यसअघि खेलको नौ मिनेटमा कप्तान केलियन एमबाप्पेले दिएको पासमा मुआनीले हेडर गर्दै फ्रान्सलाई अग्रता दिलाएका थिए।
यमल १६ वर्ष ३६२ दिनका छन्। यसअघि सन् २००४ को युरोकपमा स्विट्जरल्यान्डका जोहान भोनलन्थेन १८ वर्ष १४१ दिनको उमेरमा फ्रान्सविरुद्ध सबैभन्दा कम उमेरमा गोल गरेका थिए।
यमलले गोल गरेको चार मिनेटपछि डानी ओल्मोले गोल गर्दै स्पेनलाई २-१ को अग्रता दिलाए। बाँकी समय थप गोल हुँदा स्पेन विजयी हुँदै फाइनलमा पुग्यो।
स्पेनले बुधबार राति हुने दोस्रो सेमिफाइनलअन्तर्गत इङ्ल्यान्ड र नेदरल्यान्ड्सबीचको विजेतासँग उपाधिका लागि खेल्ने छ।
काठमाडौं । ललित स्मृति एन्फा यु–१८ युथ लिगको तयारी पूरा भएको छ। सातदोबाटोस्थित एन्फा कम्प्लेक्स बुधबार पत्रकार सम्मेलन आयोजना गर्दै अखिल नेपाल फुटबल संघ (एन्फा)ले तयारी पूरा भएको जनाएको हो।
एन्फा उपाध्यक्ष तथा लिग संयोजक दीपक खतिवडाले लिगको तयारीबारे पत्रकारलाई जानकारी दिए। यस्तै, एन्फा प्रवक्ता सुरेश शाह, प्रतियोगिता निर्देशक सञ्जीव मिश्रलगायतले प्रश्नको जवाफ दिएका थिए। यस पटक गत सिजन ए डिभिजन लिग खेलको १२ क्लब एपीएफ फुटबल क्लब, चर्च बोइज युनाइटेड, एफसी खुमलटार, जावलाखेल युथ क्लब, मच्छिन्द्र फुटबल क्लब, मनाङ मस्र्याङ्दी क्लब, नेपाल पुलिस क्लब, न्युरोड टिम, संकट क्लब, सातदोबाटो युवा क्लब, थ्री स्टार क्लब र त्रिभुवन आर्मी फुटबल क्लब प्रतियोगितामा भाग लिनेछन्।
प्रतियोगिताको तयारीबापत सहभागी क्लबले ३ लाख ५० हजार रुपैयाँ प्राप्त गर्नेछन्। लिगका खेल सातदोबाटोस्थित एन्फा कम्प्लेक्स मैदानमा हुनेछन्। सहभागी १२ क्लबले उपाधि जित्ने शीर्ष टोलीले डबल राउन्ड रोबिन ढाँचामा एक अर्कासँग खेल्नेछन्।
लिगको च्याम्पियनले एक लाख र उपविजेताले ५० हजार रुपैयाँ पाउनेछन्। मोस्ट भ्यालुएबल खेलाडी, सर्वाधिक गोलकर्ता र उत्कृष्ट गोलकिपरले जनही १५ हजार रुपैयाँ पाउनेछन्।
काठमाडौं । अर्जेन्टिना लगातार कोपा अमेरिकाको फाइनलमा पुगेको छ।
मेटलाइफ स्टेडियम, न्यू जर्सीमा बुधबार बिहान सम्पन्न खेलमा क्यानडामाथि २-० गोलको जित निकाल्दै अर्जेन्टिना फाइनलमा पुगेको हो।
खेलको २३औं मिनेटमै जुलियन अल्भारेजले गोल गर्दै अर्जेन्टिनालाई सुरुआती अग्रता दिलाएका थिए। उनले रोड्रिगो डे पाउलको पासलाई सदुपयोग गरे।
५१औं मिनेटमा एन्जो फर्नान्डेजको पासमा कप्तान लिओनल मेस्सीले गोल गर्दै अग्रता दोब्बर बनाए। जारी प्रतियोगितामा मेस्सीको यो पहिलो गोल हो। अब अर्जेन्टिनाले उपाधिका लागि उरुग्बे र कोलम्बियाबीचको विजेतासँग खेल्ने छ।
काठमाडौं। फ्रान्सलाई पराजित गर्दै स्पेन युरोकप २०२४ को फाइनलमा प्रवेश गरेको छ।
म्युनिख फुटबल एरेनामा बुधबार बिहान सम्पन्न खेलमा फ्रान्सलाई २-१ गोलअन्तरले पराजित गर्दै स्पेन सन् २०१२ पछि उपाधिनजिक पुगेको हो। उक्त प्रतियोगिताको फाइनलमा स्पेनले इटालीलाई ४-० गोलअन्तरले पराजित गर्दै लगातार दोस्रो पटक उपाधि जितेको थियो।
जारी प्रतियोगितामा अपराजित रहेको स्पेनलाई फाइनल पुर्याउन लामिन यमल र डानी ओल्मोले गोल गरे। फ्रान्सका लागि डिफेन्डर रान्डल कोलो मुआनीले गोल गरेपनि प्रयाप्त हुन सकेन।
खेलको नौ मिनेटमा कप्तान केलियन एमबाप्पेले दिएको पासमा मुआनीले हेडर गर्दै फ्रान्सलाई अग्रता दिलाएका थिए। तर, उक्त अग्रता धेरै बेर टिकेन। २१औं मिनेटमा यमलले गोल गर्दै स्पेनलाई खेलमा फर्काए। पेनाल्टी बक्स बाहिरबाट उनले प्रहार गरेको बल बारमा लागेर गोलमा परिणत भएको थियो।
त्यसको चार मिनेटपछि नै ओल्मोले गोल गर्दै स्पेनलाई २-१ को अग्रता दिलाए। बाँकी समय थप गोल हुन सकेन र स्पेन फाइनलमा पुग्यो। स्पेनले बुधबार राति हुने दोस्रो सेमिफाइनलअन्तर्गत इङ्ल्यान्ड र नेदरल्यान्ड्सबीचको विजेतासँग उपाधिका लागि खेल्ने छ।
काठमाडौं । गौतम गम्भीर भारतीय राष्ट्रिय टिमको मुख्य प्रशिक्षक बनेका छन्।
भारतीय क्रिकेट कन्ट्रोल बोर्डका सचिव जय शाहले गम्भीर भारतीय क्रिकेट टिमको मुख्य प्रशिक्षकमा नियुक्त गरेको जानकारी दिएका छन्।
भारतले २०११ को विश्वकप जित्दा टिमका महत्वपूर्ण खेलाडी रहेका गम्भीर आइपिल टिम कोलकोता नाइट राइडर्सका मुख्य प्रशिक्षक रहेका थिए। उनको नेतृत्वमा कोलकोताले यस सिजनको आइपिएल जितेको थियो।
उनले अब भारतीय टिमका प्रशिक्षक राहुल द्रविडको स्थान लिने छन्। हालै सम्पन्न टी-२० विश्वकप पछि द्रविडको प्रशिक्षकको कार्यकाल सकिएको थियो।
भारतीय क्रिकेटका ओपनर रहेका गौतमले भारतका लागि ५८ टेस्ट, १४७ एकदिवसीय र ३७ टी-२० अन्तर्राष्ट्रिय खेल खेलेका छन्।
यस क्रममा उनले टेस्ट क्रिकेटमा ९ शतक र २२ अर्धशतकसहित ४१५४ रन, एकदिवसीय क्रिकेटमा ११ शतक र ३४ अर्धशतकसहित ५२३८ रन र टी-२० मा ७ अर्धशतकसहित ९३२ रन बनाएका छन्।
टी २० विश्वकप २०२४ पछि, भारतको युवा टोली जिम्बाब्वेको भ्रमणमा छ। त्यहाँ भीभीएस लक्ष्मणले प्रशिक्षकको जिम्मेवारी सम्हालिरहेका छन्।
काठमाडौं । युरो कप २०२४ अन्तर्गत पहिलो सेमिफाइनलमा स्पेनले फ्रान्सको सामना गर्दै छ। यी दुई टिमबीचको खेल एलियान्ज एरिनामा नेपाली समयअनुसार मंगलबार राति १२ः४५ बजेबाट सुरु हुनेछ।
पहिलो सेमिफाइनलमा दुवै टिम जित निकाल्दै उपाधि यात्रामा होमिने दाउमा रहेका छन्। तुलनात्मक रूपमा लयमा देखिएको स्पेनलाई रोक्न फ्रान्स भने केहि चुनौति हुनेछ। यद्यपी स्टार खेलाडी केलियन एम्बाप्पे आफ्नो पुरानो लयमा फर्किएर प्रदर्शन गर्छन् भने फ्रान्सलाई सहज हुनेछ।
एम्बाप्पेमा भर पर्नुपर्ने अवस्थामा रहेको फ्रान्सले स्पेनलाई हराउँन जादुमयी प्रदर्शन गर्नुपर्ने देखिन्छ। फ्रान्सले जारी युरो कपमा अपेक्षाअनुसार प्रदर्शन गर्न सकिरहेको छैन।
समूह चरणका तीन र क्वार्टरफाइनलमा पोर्चुगललाई हराउँदासम्म फ्रान्सले एम्बाप्पेले गोल गरेबाहेक अन्य खेलाडीले गोल गर्न सकेको छैन। फ्रान्सले समूह चरणमा कुनै खेल नहारे पनि गोल भने निकाल्न सकेको थिएन।
जारी युरोकपमा फ्रान्सको रक्षापंक्ति मजबुत देखिए पनि मिडफिल्ड र फिनिसिङमा भने चुकिरहेको छ। अस्ट्रियाविरुद्धको खेलमा नाकमा चोट बोकेपछि एम्बाप्पे स्वाभाविक लयमा देखिएका छैनन्।
यस्तो छ 'हेड टु हेड'
फिफा वरीयतालाई हेर्ने हो भने फ्रान्स दोस्रो स्थानमा छ तर, स्पेन भने नेदरल्यान्ड्सभन्दा पछाडि आठौँ स्थानमा छ। हेड टु हेडका आधारमा भने स्पेन अगाडि छ।
स्पेन र फ्रान्स अहिलेसम्म ३६ पटक भिडेका छन्। जसमा स्पेनले १६ खेलमा जित हासिल गर्दा फ्रान्सले १३ खेल जितेको छ। ७ खेल भने बराबरीमा सकिएको छ। स्पेन पछिल्ला पाँच खेलमा अपराजित छ भने फ्रान्सले दुई खेल जित्दा तीन खेलमा बराबरीमा रोकिएको छ।
काठमाडौं । हालै सम्पन्न टी-२० विश्वकपमा भारतलाई उपाधि दिलाउन महत्वपूर्ण भूमिका खेलेका तिब्रगतिका बलर जसप्रित बुमराह जुन महिनाको आइसीसी प्लेयर अफ द मन्थ बनेका छन्।
बुमराहले भारतकै कप्तान रोहित शर्मा र अफगानिस्तानका ओपनर रह्मनुल्लाह गुरबाजलाई पछि पार्दै जुन महिनाको उत्कृष्ट खेलाडी बनेका हुन्।
विश्वकपमा ४.१७ को औसतमा उनले १५ विकेट लिएका थिए। उनी टी-२० विश्वकपमा प्लेयर अफ द टुर्नामेन्ट समेत बनेका थिए।
काठमाडौं । ललित स्मृति एन्फा यु–१८ युथ लिगको उद्घाटन खेलमा न्यूरोड टिम (एनआरटी) र चर्च ब्वाइज युनाइटेड भिड्ने भएका छन्।
अखिल नेपाल फुटबल संघ (एन्फा)ले मंगलबार सार्वजनिक गरेको खेल तालिका अनुसार यी दुई टोलीबीचको खेल असार ३० गते हुनेछ।
सोही दिन सातदोबाटो युथ क्लब र खुमलटार फुटबल क्लब भिड्ने छन्।
यस प्रतियोगितामा गत सिजन ए डिभिजन लिग खेलेका एपिएफ फुटबल क्लब, चर्च ब्वाइज युनाइटेड, एफसी खुमलटार, जावलाखेल युथ क्लब, मच्छिन्द्र फुटबल क्लब, मनाङ मर्स्याङदी क्लब, नेपाल पुलिस क्लब, न्युरोड टिम, संकटा क्लब, सातदोबाटो युथ क्लब, थ्रीस्टार क्लब र त्रिभुवन आर्मी फुटबल क्लबले भाग लिने छन्।
काठमाडौं । काभा यु-२० महिला भलिबल च्याम्पियनसिपको आफ्नो पहिलो खेलमा नेपालले श्रीलंकासँग प्रतिस्पर्धा गर्ने भएकोछ।
सेन्ट्रल एसियन भलिबल एसोसिएसन (काभा) ले मंगलबार सर्वाजनिक गरेको तालिका अनुसार उक्त खेल जुलाई १८ मा हुनेछ।
यसैगरी नेपालले जुलाई १९ मा किर्गिस्तान तथा जुलाई २० मा आयोजक माल्दिभ्ससँग खेल्नेछ। प्रतियोगितामा सहभागी सबैले एक अर्कासँग प्रतिस्पर्धा गरेपछि शीर्ष स्थानमा रहने टोली च्याम्पियन बन्नेछ।
प्रतियोगिता माल्दिभ्समा हुनेछ।
![](\"https://cdn.nepalsportz.com/media/django-summernote/2024-07-09/20114abb-5275-4a33-9b6f-f75930e32be1.jpeg\")